Henry Miller

Amerika yazıçısı Henri Miller dövrünün ədəbi formalarından kənara çıxaraq roman, avtobioqrafiya, fəlsəfə və mistikanı qarışdıraraq öz üslubunu yaratmışdır. Öz həyatından götürdüyü faktları əsərlərində qələmə almışdır. Alman mühacir katolik ailəsində anadan olub. Atası dərzi Heinrich Miller, anası Louise Marie Neiting idi. Uşaqlığını Broklində keçirmişdir. Gənclik illərində müxtəlif işlərdə çalışdı və çox qısa müddətdə New York City Universitetində oxumuşdur.1930-cu ildə tək Parisə köçdü. II Dünya Müharibəsi başlayana qədər burada yaşayıb. Bu dövrdə dostlarından ayrıldı və dolaşıq bir həyat sürdü. Anais Nin, Alfred Perles və Lawrence Durrell kimi yazıçılarla dostluq etdi. 1931-ci ilin payızında Alfred Perlés vasitəsilə Chicago Tribune Paris nəşriyyatında iş tapmışdır. 1934-cü ildə sevgilisi Anais Ninin dəstəyi ilə ilk kitabı "Xərçəng tropiki " nəşr olundu. Sonra Qara Bahar (1936) və “Oğlaq Tropiki” (1939) əsərlərini yazdı. ABŞ-da ədəbsiz olduğu üçün kitablarına qadağa qoyulsa da əldən ələ keçərək yayılan kitabları ona müəyyən bir şöhrət qazandırmışdır.