Şarlotta Bronte

Şarlotta Bronte (ing. Charlotta Bronte) — məşhur ingilis şairə və yazıçısıdır. Şarlotta Bronte 1816-cı ildə anadan olmuşdur. Üç Bronte bacılarının ən böyüyüdür. Əsərlərinin ilk ikisini “Karrer Bell” təxəllüsü ilə yayımlatmış Şarlotta, XIX əsr, Viktoriya dövrü nün ən bilinən qadın yazıçılarındandır. O, ilk dəfə 1824-cü ildə, “Clergy Daughters” adlı məktəbdə təhsil almış, lakin, daha sonra əlverişsiz şəraitindən dolayı oradan ayrılaraq təhsilini “Roe Head” adlı digər bir məktəbdə davam etdirmişdir. Daha sonra 1835-1838-ci illər arasında məhz, bu məktəbdə müəllim olaraq işləmişdir. Sonraki illərdə o, müxtəlif ailələrin yanında tərbiyəçi olaraq fəaliyyət göstərmiş və 1841-ci ilə qədər bu işlə məşğul olmağa davam etmişdir. “Shirley” “Vilette” “The Professor” (vəfatı sonrası, 1857-ci ildə nəşr olunmuşdur.) kimi romanlar qələm almış yazıçı, daha çox, 1847-ci ildə nəşr edilən ilk əsəri olan “Ceyn Eyr (roman)ı” səbəbi ilə böyük nəaliyyət qazanmış və Londonda təşkil edilən müxtəlif ədəbi məclislərə dəvət almışdır. Məşhur ingilis yazıçı Elizabet Qaskell ilə tanışlığı da məhz, bu dəvətlər vasitəsi ilə olmuşdur. Hətta, Elizabet Qaskell daha sonra, 1857-ci nəşr olunmuş “Şarlotta Bronte Bioqrafiyası” adlı kitab da qələmə almışdır. Bacılarının ölümü səbəbi ilə tək qalmış Şarlotta, daha sonra atasının köməkçisi Artur Bell ilə ailə həyatı qurmuş, lakin evliliyindən bir il sonra, 1855-ci ildə, 38 yaşında, xəstəlikdən dolayı vəfat etmişdir. Bu zaman O, yazmağı planladığı “Emma” adlı romanı üzərində çalışırdı. Bu günki gün “Şarlotra Bronte” heçbir gücün boyunduruğu altına girmədən və səhf yola yönəlmədən, öz ayaqları üzərində duran ideəl qadın xarakterini yaratdığı “Ceyn Eyr (roman)ı ilə, öz gücünün fərqində olan hər bir qadının qəlbində yaşamağa davam edir.