“Salxım söyüdlərin kölgəsində” təkcə dostluq, müharibə və sürgünü deyil, insanların ömürlərini həsr etdikləri ideyaların puçluğunu, Stalinin bircə sərəncamıyla minlərlə insanı necə faciələrə düçar etməsini də gün üzünə çıxarır. Bu romanında Fırat Sunel özünəməxsus üslubla Qaf dağından bolşevik üsyanının başladığı Peterburqa, Rusiya vətəndaş müharibəsindən Svanetiyaya qədər Qafqazın və bütöv bölgənin maraqlı, gərgin, faciələrlə dolu həyatını, yerli əhalinin sevgi, macəra dolu həyatlarını, müharibənin və bolşevizmin regiona gətirdiyi fəsadları, iztirabları, ətraflarında baş verənlərin elə də fərqində olmayan kiçik Ömərlə Nikanın dostluğunu və sürgünün bu dostluğa necə son qoymasını qələmə alıb.
İstanbul Universitetinin Hüquq Fakültəsini bitirib Ruhr Universitetində magistr təhsili almışdır. 2009-2013-ci illərdə Düsseldorf baş konsulu olaraq fəaliyyət göstərmişdir, 2013-ci ildə isə Eritreya Dövləti nəzdində Türkiyənin ilk səfiri olaraq təyin edilmişdir. 15 noyabr 2016-cı ildə Əsməranın səfiri vəzifəsini başa vurduqdan sonra Xarici İşlər Nazirliyinin İlk Hüquq Məsləhətçisi təyin edildi. Hamburqun baş konsulu Yonca Sunelin həyat yoldaşıdır.
