Bill Qeytsin 2020-ci ildə oxuduğu ən yaxşı 5 kitab

Bill Qeytsin 2020-ci ildə oxuduğu ən yaxşı 5 kitab


Bill Qeytsin ötən il ərzində oxuduğu və hər kəsə məsləhət gördüyü kitablar müxtəlif mövzuları əhatə edir. Onun sözlərinə görə, müxtəlif mövzulara baş vurması çətin ili arxada qoymasına kömək edib. "Çətin dövrlərdə - 2020-ci ilin çətin il olması heç kimdə şübhə doğurmur – bizim kimi kitabsevərlər hər cür kitaba əl atırlar”, - deyə o, "Qeyts Qeydləri”ndə yazıb.

"Microsoft” şirkətinin rəhbərinin sözlərinə görə, mütaliəni tarazlamaq üçün o, sistemli irqçilik kimi ağır mövzulardan tutmuş, yüngül mövzulara qədər bir çox kitablar oxuyub. Qeyts oxucuların da onun tövsiyyələrindən faydalanacağına ümidvar olduğunu dilə gətirib və bu il oxuduğu kitablar arasında ən faydalı və ilhamverici hesab etdiyi 5 kitabı təqdim edib.

"Yeni Cim Krou: Rəng Korluğu Dövründə Kütləvi Həbslər” - Maykl Aleksandr


Hüquq müdafiəçisi və hüquq müəllimi Maykl Aleksandrın 2010-cu ildə nəşr edilən "Yeni Cim Krou” kitabı ABŞ-dakı kütləvi həbs böhranının reallıqlarından bəhs edir. Kitab yayımlananda, ölkə miqyasında həbsxana sistemiylə bağlı geniş müzakirələrə səbəb olmuş, sonrakı illərdə isə irqi ədalət məsələləri ətrafında mühüm işlərin görülməsinə töhfə vermişdi. Əsər təxminən 250 həftə "Nyu York Tayms”ın bestsellərlər siyahısında qalıb. "Bir çox ağ adamlar kimi mən sistemli irqçilik barədə çox oxumağa və bu sahədə biliklərimi artırmağa çalışıram”, - Qeyts yazıb. Qeytsin bunun üçün üz tutduğu Aleksandrın rənglidərili icmalarla ABŞ-ın cinayət ədliyyə sistemi arasındakı münasibətləri araşdıran kitabı xüsusilə "gözaçan” olub.

"Sahə: Universallar Niyə İxtisaslaşmış Dünyada Qələbə Qazanırlar” - Devid Epşteyn

Ən yaxşıların yaxşısı olmağın yolu nədən keçir? Devid Epşteyn elm adamlarından tutmuş, idmançılara və musiqiçilərə qədər öz sahələrində böyük uğur qazananların ümumi cəhətlərini tapmaq üçün araşdırma aparıb. O, bu insanlar arasında ortaq bir cəhət görüb: əksər hallarda onların hər birinin təkcə bir yox, müxtəlif çalarları var, başqa sözlə, onlar universaldır. Epşteynin müəyyən insanların müvəffəqiyyətini başa düşmək üçün olan formulası Qeytsi də əks elətdirir: öz karyerasından danışarkən, Qeyts də universal olduğuna inanır. O, yazır ki, "Microsoft”un bəzi uğurlarının arxasında şirkətin başında duranların geniş düşünmək bacarığının durduğunu göstərə bilər. "Biz işəqəbul zamanı təkcə əlaçı şifrəyığanları götürmürdük, öz sahələrində və digər sahələrdə geniş təsəvvürü olanları da sıralarımıza qatırdıq”.

"Görkəmli və Çirkin: Müharibə Dövründə Çörçil, Ailə və Meydan Oxuma Dastanı" - Erik Larson


Uinston Çörçilin Birləşmiş Krallığın baş naziri kimi ilk ilini əks etdirən bu möhtəşəm əsər düşündürücü bir triller təsiri bağışlayır. "Ağ Evdəki Şeytan” kitabının müəllifi olan Erik Larson Hitlerin bombardman kampaniyası zamanı müharibənin qəddarlıqlarını təfərrüatıyla yazır. Larson Birləşmiş Krallıqda 40 mindən çox insanın ölümüylə nəticələnən və getdikcə artan böhranlar zamanı Çörçilin liderlik portretini cızır. Qeyts əsər barədə belə yazır: "Çörçilin öldü-qaldı komandası ilə fəaliyyətini və problemləri həll edərkənki sürətini göstərərkən, Larson oxucuya "sən ordasan” hissiyatını yaşadır. Mənə bu kitab çox möhtəşəm təsir bağışladı”.


Bill Qeytsin bu yay oxumağımızı tövsiyyə etdiyi kitablar


"Xəfiyyə və Satqın: Soyuq Müharibənin Ən Böyük Casusluq Hekayəsi” – Ben Makintayr

Bir başqa həqiqi siyasi böhran hekayəsi. Ben Makintayrın xəfiyyə və satqınlıq hekayəsinin mərkəzində Soyuq Müharibə dövründə Britaniya üçün casus kimi işləyən KQB zabiti Oleq Qordiyevski dayanır. Makintayr Qordiyevskinin səyahətini təqib edir və gərgin casus romanlarını xatırladan tərzdə onun Moskvadan qaçışını göstərir. "Hər bir detalda çox ardıcıl olan Makintayr qaçış səhnəsini çox əla yazıb”, - deyə Qeyts qeyd edib və əlavə edib: "Başqa detallar barədə isə mən danışmayacam”.


"Duzun nəfəsi: Ölümcül Genetik Xəstəlik, Elmdə Yeni Era və Tibbi Ədəbiyyən Dəyişdirən Xəstələr və Ailələr" - Bijal P. Trivedi


1999-cu ildə Qeytsə "Microsoft”dakı bir həmkarı kistik fibroz (genetik xəstəlik) üçün nəzərdə tutulan dərmanın yaradılması üçün maliyyə yardımı göstərib-göstərməyəcəyini soruşubmuş. Bu, şəxsi bəladır, hər ikisinin uşağında bu xəstəlikdən varmış. Beləcə, həyat yoldaşı Melinda Qeyts ilə birgə Bill yeni tədqiqat layihəsi üçün 20 milyon dollarlıq yardım edib. Nəticədə kistik fibrozun dərmanlarının yaradılmasıyla bağlı görünməmiş iş ortaya çıxarılıb. Elə buna görə də, Bijal P. Triverdinin kitabını Qeyts əlindən yerə qoya bilməyib. "Duzun nəfəsi” kistik fibrozun daxilinə edilmiş dərin səyahətdir. Kitabda ölümcül xəstəliyin kökləri və xəstəliyin müalicəsini tapmaq üçün təslim olmayan insanlar barədə məlumat verilir. Qeyts kitabı ilhamverici hesab edib: "Bu, həvəsli liderlərin xeyriyyəçiliyin, qeyri-kommersiyanın, dövlətin, akademiyanın, biotexnikanın, əczaçılığın və tibb təşkilatlarının unikal gücünü işə saldıqları zaman nələrin baş verəcəyini göstərən bir nümunədir”.