Bu gün Nobel mükafatçılarının adları açıqlanacaq-Ədəbiyyat üzrə

Bu gün Nobel mükafatçılarının adları açıqlanacaq

Bu gün 2018 və 2019-cu illər üçün Ədəbiyyat üzrə Nobel mükafatçılarının adları məlum olacaq.

Bu il İsveç Elmlər Akademiyası ədəbiyyat üzrə Nobel mükafatının təqdimetmə prosesində “mühüm dəyişikliklər” edib. Nobel fondunun məlumatına görə, 2018 və 2019-cu illərin laureatları bu gün bir yerdə elan ediləcək. Namizədlərin seçilməsi üçün 5 müstəqil ekspert cəlb olunub.

Qeyd edək ki, daha əvvəl Nobel komitəsinin tərkibinə daxil olan fotoqraf Jan-Klod Arnonun adı cinsi zorakılıq qalmaqalında hallandığından 2018-ci ildə Nobel mükafatının verilməsi baş tutmamışdı.