“Qanun”un iki yazarı “Buker- 2019”-a namizəd oldu – Elif Şafak və Salman Rüşdi

“Qanun”un iki yazarı “Buker- 2019”-a namizəd oldu – Elif Şafak və Salman Rüşdi


Azərbaycanda kitablarının yayın haqqları Qanun Nəşriyyatında olan iki yazıçı – Elif Şafak və Salman Rüşdi “Buker- 2019” mükafatının qısa siyahısında yer alıb.


“Buker- 2019” mükafatının qısa siyahısını təqdim edirik: 1) Marqaret Etvud “Vəsiyyətnamələr” 2) Lusi Ellmann “Ördəklər, Nyuberiport” 3) Bernardin Evaristo “Qız, qadın və digərləri” 4) Çiqoze Obioma “ Azlıqlar üçün orkestr” 5) Salman Ruşdi “ Kişot” (Quichotte) 6) Elif Şafak “Bu qəribə dünyada 10 dəqiqə 38 saniyə”

Hind əsilli ingiltərəli yazıçı Salman Rüşdi romanı “ Kişot” (Quichotte) – müasir Donkixotun sərgüzəştləri haqqında olan əsərilə siyahıya daxil olub. “Kixot” romanını Servantesin “Don Kixot” əsərinin təsirindən yazılmış yaradıcı iş kimi qəbul etmək olar. Əsər bütün Amerikanı gəzən alverçidən bəhs edir. Avqustun 29- da işıq üzü görən bu roman Rüşdinin sayca 12-ci əsəridir.

Siyahıda yer aıan digər yazar türk əsilli Britaniya yazıçısı Elif Şafak 1971-ci ildə Fransada anadan olub. O, 11-i bədii roman olmaqla 17 kitabın müəllifidir. Elif Şafakın qısa siyahıya daxil olan “Bu qəribə dünyada 10 dəqiqə 38 saniyə” əsərində hadisələr İstanbulda zibil qutusunda ölümə məhkum olan seks sənaye işçisi qadının başına gələn əhvalatlardan bəhs edir.

Münsiflər heyətinin üzvü, redaktor Liz Kalder Şafakın bu romanını “qorxmaz xəyal işi” adlandırmışdır.

Qeyd edək ki, 2005- ci ildə təsis edilən Beynəlxalq Buker Mükafatı təsis edildiyi ilk illərdə iki ildən bir bədii dünya ədəbiyyatının zənginləşməsində göstərdiyi xidmətlərə görə ingilis dilində yazan yazıçılara verilirdi. Lakin təşkilatçılar 2014-cü ildən əsərlərlə bağlı dil və milli məhdudiyyətləri aradan götürüblər. Mükafata təqdim edilən əsərlərin əvvəl “uzun”, sonra isə “ qısa siyahı”sı elan olunur, ilin sonunda isə qaliblərin adları açıqlanır.