Aşıq Alının kitabı çap olundu

Aşıq Alının kitabı çap olundu


Məşhur el sənətkarı Aşıq Alının “Nə qaldı” kitabı işıq üzü görüb.


Kitabda Aşıq Alının fərqli mənbələrdən götürülmüş, aşıq ədəbiyyatının ən müxtəlif janrlarında olan 300 şeiri toplanıb. Kitabın tərtibatı şair İlham Qəhrəmana məxsusdur.

Əldə olan mətnlərə tənqidi yanaşan tərtibatçı çoxsaylı deyim və sözlərə, dini-mifoloji məfhumlara aydınlıq gətirmiş, cinasları yenidən qurub şərh etmişdir.İlham Qəhrəman iki ilə yaxın müddətdə toplayıb tərtib etdiyi kitabda 750-dən çox ətək şərhi vermişdir.

Bu kitabla Aşıq Alı irsi ilk dəfədir ki, oxuculara tam və anlaşıqlı şəkildə çatdırılır. Kitab folklorşünaslar, aspirantlar, tələbələr, orta məktəblərin ədəbiyyat müəllimləri, aşıq şeiri həvəskarları və geniş oxucu kütləsi üçün nəzərdə tutulub.

“Nə qaldı” kitabının redaktoru Əsəd Cahangirdir. 400 səhifəlik kitab İlham Qəhrəmanın şəxsi vəsaiti ilə çap olunmuşdur.

Mənbə: Kulis.az