“Babildə ölüm, İstanbulda eşq” romanında Məhəmməd Füzulinin “Leyli və Məcnun” poemasında Babil müdriklərinin kosmosla bağlı iyirmi üç min illik sirrinin necə şifrələnməsi və bütün dünyanın Osmanlı sultanına hədiyyə edilən bu əlyazmanı ələ keçirmək, şifrələri açmaq üçün əsrlərlə necə çalışdığından bəhs edilir.
İskender Pala 1958-ci ildə Türkiyədə anadan olmuşdur. O, divan (Osmanlı) Şeir professoru və ən çox satılan romanların müəllifidir. Bundan əlavə, Türkiyənin gündəlik "Zaman" qəzetində köşə də yazırdı.
1979-cu ildə İstanbul Universitetinin Türk Dili və Ədəbiyyatı Bölməsini bitirmiş İskender Pala 1982-ci ildə Türk Hərbi Dəniz Qüvvələrinə leytenant olaraq daxil olmuş və Boğaziçi Universitetində Türk Ədəbiyyatı fənnindən dərs demişdir. O, 1987-ci ildə Türk Hərbi Dəniz Muzeyi Arxivini qurdu. Osmanlı İmperatorluğu dövrünə aid bir çox tarixi sənədlərin təsnifatına və bərpasına nəzarət etmişdir. Divan (Osmanlı) Şeirinin ensiklopedik lüğətini nəşr etmiş və 1989-cu ildə Türkiyə Yazıçılar Birliyi mükafatını almışdır.
