Əsası 1992-ci il 18 yanvarda qoyulan “Qanun" Nəşriyyatı 1996-cı ildən müstəqil nəşriyyat kimi özünü elan edib.
Nəşriyyat ilk illərdə əsasən hüquq və tərcümə ədəbiyyatı nəşr edirdi. Artıq on il olar ki, bədii ədəbiyyat və tərcümə ədəbiyyatının nəşrinə üstünlük verilir.
“Qanun" Nəşriyyatı bütün sahələrdə, Fəlsəfə, Tarix, Uşaq ədəbiyyatı, Dini ədəbiyyat, Mətbəx və sağlamlıqla bağlı kitablar nəşr etməklə fəaliyyətini ilbəil genişləndirir.
“Qanun" Nəşriyyatının gənclərlə bağlı başladığı “Birinci kitab” və “Ən yeni ədəbiyyat” seriyası cəmiyyətdə çox populyardır.
“Qanun" Nəşriyyatının başladığı “Ən yeni tərcümə” seriyasında Nobel mükafatı laureatları Qabriel Qarsia Markes, Orxan Pamuk, Herta Muller, J.M.G. Le Clezio ilə yanaşı, Berhard Şlink, Paulo Koelyo, Den Braun kimi dünyaca oxunan yazarların əsərləri türk, rus, ingilis, alman, fransız dillərindən Azərbaycan dilinə tərcümə olunub.
"Qanun" Nəşriyyatı - "Klassiklər" seriyasında dünya klassikasının nümunələri, “Dünya uşaq ədəbiyyatı” seriyasında isə yeniyetmələrin bədii təfəkkürünün inkişafına hesablanan əsərlər nəşr olunur.
Azərbaycan kitab bazarında əksər kitablar “Qanun" Nəşriyyatına məxsusdur.