Hər gün yeni bir kitab

QANUN NƏŞRLƏR EVİ

Roman

Kateqoriyalar

Cildi

Müəlliflər

Tərcüməçilər

Etan Kanqın uşaqlıqdan başlayan və onu Koreyanın sakit məhəllələrindən Amerikanın səs-küylü küçələrinə, oradan isə həyatını dəyişdirən, dönüş nöqtələrinə aparan hekayəsi , sonunda Etanı öz daxili dünyasına aparır. Bu hadisələr, Evanın qəfildən yoxa çıxması, bir dəftərin qarışıq sətirləri və kainatın gizli işarələri, sevginin, ağrının və bağışlanmanın səyahətidir.
Bu hekayə yalnız iki insanın yollarını deyil, hər oxucunun öz həyatına baxışını dəyişdirəcək. Çünki həyatda heç nə təsadüfi deyil. "Bələdçi" sizi bu mənəvi səyahətin bir hissəsi olmağa, öz həqiqətinizlə üzləşməyə və həyatın dərin qatlarına səyahət edərək yeni perspektivlər kəşf etməyə çağırır.
“Gənc Verterin iztirabları” Götenin ən məşhur əsərlərindən biridir. Bu, yalnız məhəbbət romanı deyil. Onu tarixi əhəmiyyətli kitab səviyyəsinə qaldıran əsərdə nəzərdən keçirilən ciddi problemlərdir: azadlıq sevən şəxsiyyətin insanpərvərliyi ilə azadlıq ideallarına düşmən olan cəmiyyətin qarşılıqlı əlaqəsi.
Qabriel Qarsia Markesin “Yüz ilin tənhalığı” əsəri dünya ədəbiyyatının ən böyük şah əsərlərindən biri hesab olunur. Bu roman təkcə müəllifin deyil, bütövlükdə Latın Amerikası ədəbiyyatının ən təsirli nümunələrindən biridir. Markesin burada fantastik realizmin sərhədlərini genişləndirərək, oxucuları həm real, həm də möcüzəli bir dünyaya aparır.Roman, Kolumbiyada təsəvvür edilən Makondo adlı kiçik bir qəsəbənin və Buendía ailəsinin nəsildən-nəslə ötürülən taleyinin hekayəsini izah edir. Hekayə boyu sevgi, müharibə, xəyanət, ehtiras və tənhalıq kimi mövzular dolğun təsvirlərlə təqdim edilir. Markes, insanın həyatda yaşadığı təcrübələri və emosiyaları həm universal, həm də xüsusi bir məkanda ustalıqla birləşdirir. “Yüz ilin tənhalığı” yalnız bir ailənin və ya bir cəmiyyətin tarixi deyil, həm də insanın tənhalığı, zamanın ötüşməsi və tarixin təkrarlanması ilə bağlı fəlsəfi düşüncələrdir. Romanın dili zəngin, obrazları isə heyrətləndiricidir. Bu əsər, oxucu yalnız məzmunla deyil, həm də müəllifin bənzərsiz
təsvir gücü ilə valeh edir.
Bu kitabda Azərbaycan dövlətinin ədalətli və haqq yolunda apardığı mübarizə, Azərbaycan millətinin hər bir fərdinin, sahəsindən asılı olmayaraq, mərdliklə və başı uca mübarizə aparması vurğulanır. Eyni zamanda, bir Azərbaycan xanımının və Azərbaycan jurnalistinin mərdliyi, öz əsgərinə və zabitinə güvənməsi, ölümə gözünün içinə dik baxması və əsla düşməninə əyilməməsi bu kitabda öz əksini tapmışdır.
Bəzən deyilir ki, itirdiklərimizin və yaşadığımız faciələrin cavabı başqa bir formada həyatımıza mükafat olaraq geri gəlir. Bəs, görəsən, bu hamı üçünmü belədir?
Əsərimizin qəhrəmanı Nərgiz hələ gəncliyindən həyatın keşməkeşli üzüylə qarşılaşmış, arzusunda olmadığı, lakin bilərəkdən sürükləndiyi bir sevgi hekayəsinin baş qəhrəmanı olmuşdur. Bəs, sizcə, o, bütün bunların öhdəsindən gələ biləcəkmi? Əgər gələcəksə, hansı qurbanları verəcək? Gəlin, Nərgizin hələ kiçik yaşlarından başlayıb
ömrünün ahıl çağına qədər, bir ömrünə iki fərqli həyatı necə sığışdırdığına birlikdə şahid olaq, Azərbaycanda başlayıb Fransada bitən sevgi hekayəsini birlikdə oxuyaq!
Kolorado. Leyk dairəsi. Ledvill. Gənc bir qız tükürpərdici qətlin qurbanına çevrilir. Başlanğıcda cinayətin sirri açıldığı düşünülsə də, sonradan hər şey dəyişir. Dünyanın fərqli yerlərində – Latın Amerikasında, Afrikada, Cənub-Şərqi Asiyada bənzər qətllərin qurbanı olan gənc qızların cəsədi tapılır. Leytenant Robert Zukerman hadisələrin arxasındakı sirri tapmaq üçün uzun bir yola çıxır. Silsilə qətllər törədən qatil hər zaman bir addım irəlidədir. Qarşılaşdıqları bir insandırmı? Yoxsa İblis bir daha yer üzünə enib?!...
Əsərin qəhrəmanı olan gənc öz daxili dünyası ilə onu əhatə edən xarici aləm arasında sıxışıb qalmış və bu təzadın yaratdığı mənəvi boşluqda özünə yer axtarmaqdadır. Cəmiyyətin, hətta ailəsinin düşüncə tərzi , mentalitet və sosial stereotiplər onun özü üçün yaratdığı dünyanın qanunları ilə üst-üstə düşmür. Ailəsindən uzaqda , tək-tənha yaşayan A. bu müddətdə kitablarla dostlaşmış, məşhur yazıçıların yaratdığı personajlarla sirdaş olmuşdur. Bəzən hər hansı bir obrazın xarakterik xüsusiyyətləri ilə öz psixoloji vəziyyəti arasında bənzərlik tapır, bu da onun gündəlik həyatına sirayət edir.
Müəllif qəhrəman üçün xüsusi bir ad seçməyib, onu sadecə "A." adlandırmaqla cismən mövcud olan , lakin ruhən yoxluğa düçar olmuş bir insanın heçliyini nəzərə çarpdırmağa çalışmışdır.

Boranlı Yedigey vicdanlı, zəhmətkeş bir insandır. O öz yüksək mənəvi borcuna sadiqdir. Romanda qəhrəmanın taleyi müasir dövrün bir sıra sosial-mənəvi problemləri ilə paralelləşir. Yüz illərin o üzünə xəyali səyahət bu günü şərtləndirir. Bu gün isə bütün bəşəriyyətin sabahına qapı açır. Bütün zamanlarda əmin-amanlığın, xeyirxahlığın və humanizmin təntənəsi bəşəriyyətin ən böyük qələbəsi kimi səciyyələnir.

Jül Vernin yaradıcılığında “Sirli ada” romanı xüsusi yer tutur. “Sirli ada” əsəri hava şarı ilə əsirlikdən qaçmış mühəndis Sayrus Smit və onun dörd yoldaşının qəza nəticəsində kimsəsiz adaya düşmələrindən və oradakı macəralarından bəhs edir. Yazıçının kolonistlər adlandırdığı bu insanlar adadakı həyatlarından razıdırlar. Bu azad insanlar (azad yaşamağa layiq insanlar) Riçmondda quldarların əhatəsində qalmaqdansa, adada yaşamağı üstün tuturlar. Bu isə Amerikada vətəndaş müharibəsinin böyük dəhşətlərindən xəbər verirdi.
Yazıçı “Sirli ada” sakinlərinin ayrı-ayrı xüsusiyyətlərini qeyd etsə də, bütövlükdə onları mərdlik, mübarizlik, gözütoxluq, ən əsası isə etibarlılıq birləşdirir. Kolonistlər, onlara çoxlu yaxşılıqlar etmiş, dəfələrlə onları böyük təhlükələrdən qoruyan sirli adamı tapıb ona təşəkkür etmək üçün heç bir fədakarlıqdan çəkinmir, onu tapmaq üçün adanı ələk-vələk edirlər.




Tomla dostlarının başına maraqlı, qorxulu və əyləncəli hadisələr gəlir. Macəra axtaran uşaqlar kimsəsiz adada tufana düşürlər, geri qayıdanda isə özlərinin dəfn mərasiminə gəlib çıxırlar. Tomla Hekin qəbiristanlıqda təsadüfən şahidi olduqları bir qətl hadisəsi onların sonrakı taleyinə həlledici təsir göstərir. Uşaqlar işin üstünü açmaqla dar ağacına sürüklənən günahsız insanı xilas edirlər. Bu isə sonradan onların təqib olunmasıyla nəticələnir. Uşaqları izləyən qatil sonda özü qurbana çevrilir. Qatili güdən dostlar qorxunc cinayətlərin qarşısını alırlar. Böyük Amerika yazıçısı Mark Tvenin (1910) “Tom Soyyerin macəraları” romanı dünya uşaq ədəbiyyatının incilərindən sayılır.

Quraqlıqdan əziyyət çəkən Odakkan Hildə yaşayan bir qocaya keçi balası hədiyyə olunur. Kasıb qocanın arvadı Punaçi adlandırdığı çəpişi dərhal qəbul edir. Çəpiş onların həyatının ayrılmaz hissəsinə çevrilir. Punaçinin körpəlik illəri keçdikcə valideyn məhəbbəti yavaş-yavaş aradan qalxır və münasibətlərdə dəyişiklik yaranır. Punaçi başa düşür ki, o, əhliləşdirilmiş bir heyvan kimi burada bala doğmaq və süd vermək məcburiyyətindədir. Quraqlıq artdıqca yaşlı kişi və qadın daha da yoxsullaşır. Onların heyvan yoldaşları, o cümlədən Punaçi ilə münasibətləri gərginləşir. Müəllifinə şöhrət gətirən roman yaşamaq uğrunda əzabla və səbirlə mübarizə aparan heyvanlardan bəhs edir.
Nəşr edildikdən sonra Avropada böyük ajiotaj yaradan əsərin arxa fonunda çox böyük ictimai-siyasi-mədəni tənqid dayanır. Təkcə ədəbi yaradıcılığı ilə deyil, siyasi fəaliyyəti ilə də seçilən, həyatının sonuna qədər kommunizmə, sol ideyalara sadiq qalan portuqal yazıçının bu romanı yeni dövrə, kapitalizmə və onun gətirdiyi naqisliklərə qarşı yazılmış möhtəşəm əsərlərdən biri sayılır. Amma ədəbi əsəri təkcə hansısa ideologiyanın çərçivələrində şərh eləmək də düzgün olmazdı.
Dahiyanə “Korluq” romanını oxuyan istənilən dünyagörüşə sahib oxucu orada özü üçün faydalı, öz dünyasının qaranlıq bucaqlarına işıq salan fikirlərlə qarşılaşacaq. Bu roman müasir ədəbiyyatın şedevrlərindən biri sayılır.

İvan Qonçarovun “Oblomov” əsəri XIX əsr Rusiya ədəbiyyatının ən mühüm realist romanlarından biridir. Əsərin baş qəhrəmanı İlya İlyiç Oblomov, varlı bir torpaq sahibinin oğlu olaraq dünyaya gəlmiş, lakin passiv və fəaliyyətsiz bir həyat tərzi keçirmişdir. Roman onun hərəkətsizliyini, həyat qarşısında zəif iradəsini və tənbəlliyini tənqid edərək “Oblomovluq” adlı fenomenin yaranmasına səbəb olur, bu da insanın tənbəllik, məsuliyyətsizlik və süstlük içində keçirdiyi həyat tərzini ifadə edir.
Oblomovun yaxın dostu Ştolts isə onun tam əksidir – fəal, çalışqan və həyatını məqsədlərə doğru yönəldən bir insan olaraq təsvir olunur. Bu iki xarakterin müqayisəsi ilə Qonçarov, Rusiya cəmiyyətindəki sosial və mənəvi problemlərə işıq tutur və oxucunu hərəkətsizliyin və həyata dərin bağlılıqdan uzaq qalmağın nəticələri üzərində düşünməyə dəvət edir. Roman, insanın daxili dünyasını və dəyişən dəyərlər qarşısında zəif iradəli insanların necə təsir altında qaldığını ustalıqla əks etdirir.
 


Alisiya Berenson adlı məşhur rəssam həyat yoldaşı Qabrieli öldürəndən sonra danışmır. Hətta məhkəmədə də özünü müdafiə etmək üçün bir kəlmə söz demir. Fikrini ifadə etmək üçün o, “Alkesta” adlı avtoportret çəkir. Bu şəklə nə üçün “Alkesta” adı verdiyi uzun müddət qaranlıq qalır. Məhkəmə Alisiyanın psixi vəziyyətini nəzərə alıb onu psixiatrik xəstəxanaya göndərir. O, orada da heç kimlə ünsiyyət qurmur. Teo Faber adlı psixoterapevt onu danışdıracağına söz verir. Gec də olsa, o, istəyinə nail olur. Alisiya qətldən bir neçə ay qabaq yazmağa başladığı gündəliyi Teoya verir. Bu gündəlik çox şeyi açıb göstərir.
Əsər gözlənilməz sonluqla bitir.

Yonqhe qarabasmalarla qarşılaşana qədər əriylə adi, sakit həyat yaşamaqdaydı. Lakin birdən-birə yuxularında peyda olan qanlı səhnələr düşüncələrini qıcıqlandıraraq onu özündən çıxarır. Yonqhe beynini bu qarabasmalardan xilas etmək üçün ət yeməkdən imtina etmək qərarına gəlir. Ciddi ictimai-əxlaq qaydalarının hökm sürdüyü cəmiyyətdə bunu insanlara başa salmaq o qədər də asan deyil. Əri, cəmiyyət, ailə bunu ağılsızlıq kimi qarşılayaraq qadını fikrindən daşınmağa məcbur etmək istəyirlər. Yonqhe isə get-gedə daha da artan inadkarlıqla özünün bitki mənşəli olduğuna inanmaqda və ətrafdakıların gözündə deyildiyi kimi – “ağlını tamam itirməkdədir”. Onun səssiz üsyanı daha da ciddi dağıdıcı nəticələr doğurmağa başlayır, dava-dalaşa, sui-istifadəyə, xəyanətə, insan altşüurunun gizli xətlərinin qabardılmasına gətirib çıxardır. Yonqhe özü üçün müqəddəs hesab etdiyi seçiminində təkid edir. Zehninin də, bədəninin də artıq tamamilə başqalaşması onun həyatı üçün təhlükəli hal almağa başlayır və onu faciəvi sonluğa aparır.
Hər şey çox qısa bir zamanda baş verir. Ortatəbəqəli bir fransız təsadüf nəticəsində Əlcəzairdə bir ərəbi öldürür. O özünü addım-addım ölümə aparan prosesi laqeyd şəkildə izləyir. Roman boyu başqalarının adı xatırlandığı halda, əsərin qəhrəmanının adını belə öyrənə bilmirik. Bəli, burada Kafkanı xatırlamaq lap yerinə düşür. “Yad” müəllifin adı çəkilən kimi ilk ağıla gələn əsərdir. O, təkcə ədəbi yox, həm də fəlsəfi düşüncədə yeni istiqamət yaratmış nümunələrdən sayılır.

Ötən əsrin 30-cu illərində italyanlar işğalçı Avstriya imperiyasına qarşı üsyana qalxırlar. Üsyanın iştirakçılarından biri Artur Bertondur. “Ovod” təxəllüsü ilə kəskin yazılar yazan bu idealist gənc öz xalqının azadlığı uğrunda canından keçməyə hazır olan inqilabçıya çevrilir. Yorulmadan, usanmadan düşmənlə mübarizə aparır. Hətta haqqında çıxarılan ölüm hökmünün dəyişdirilməsi təklifi də onu tutduğu yoldan döndərə bilmir. Bu mübariz gəncin qəlbində həmdə şəxsi faciələrin açdığı yaralar var: doğmaların onu intihara sürükləyən yalanı və bütün həyatını qaraldan cavabsız sevgisi...
“Ovod” yüz ildir böyük maraqla qarşılanır və oxuculara güclü emosional təsir göstərir.

Dostoyevski yaradıcılığında və dünyagörüşündə dönüş nöqtəsidir. Bu əsəri Dostoyevski onillik fasilədən, Sibir sürgünündən qayıtdıqdan sonra yazmışdır. 1849-cu ildə yazıçı Petraşevskinin dərnəyində iştirakına və orada V.Q.Belinskinin «Qoqola məktub»unu oxuduğuna görə digər sosialist-utopistlərlə birlikdə həbs edilmişdi. Məhkəmə ona dərnəyin fəalları sırasında ölüm hökmü çıxarmış və onun icrasına bir neçə dəqiqə qalmış hökm Çar tərəfindən dəyişdirilərək Sibirə sürgünlə əvəz edilmişdi. Özünün çox da uzaqda olmayan ölüm anlarını yaşayan gənc ədib cəzanın dörd ilini Omsk şəhərinin həbsxanasında, qalan altı ilini isə Sibirdə keçirmişdi. «Ölü evdən qeydlər» əsəri yazıçının məhz Omsk həbsxanasındakı həyatını və təəssüratlarını əks etdirir və real faktlar əsasında yazılmışdır. Müdhiş cinayətlər törətmiş məhbuslarla ünsiyyət onun dünyagörüşünə ciddi təsir etmişdir.”  
...Başqa dünya da var – o biri dünya – hər kəsin “bu” adlandırdığı dünyadan başqa...
İnanmayanlar üçün inananların dünyası – və əksinə...
Canlılar üçün cansızların dünyası – və əksinə...
Kiçiklər üçün böyüklərin dünyası – və əksinə...
Kişilər üçün qadınların dünyası – və əksinə...
Kişi və qadınlar üçün həm kişi, həm qadın olanların dünyası – və əksinə...
Kübarlar üçün kütlənin dünyası – və əksinə...
Sənət xiridarları üçün cahillərin dünyası – və əksinə...
Sevgidə, cinsəllikdə “klassik” tərz tərəfdarları üçün qeyri-ənənəvi əlaqələr aludəçilərinin dünyası – və əksinə...
...Və bu dünyaların hər biri – sonuncudan tutmuş birinciyədək – “Svannın eşqi”ndə yer alır. Özü də Prust bu dünyaların heç birini açıq mətnlə təsvir etmir: elə təsvir vasitələri seçir ki, hər bir ifadəsinə bir neçə mətləb, bir neçə dünya sığışır. Musiqidən, rəsmdən bəhs edəndə, elə öz təbirincə desək, ən axırıncı növbədə, ən zəif mənada sırf musiqini, rəsmi nəzərdə tutur; sevgidən, sevişməkdən, din-imandan bəhs etməyəndə, deməli, o məqamda ilk növbədə məhz sevgini, sevişməyi, din-imanı nəzərdə tutur. Çünki Prust özü də özgə bir dünyadır...
Prustun dünyasına xoş gəldiniz!
Stenoqrafçı qız divanın arxasından kişi cəsədi aşkar edir… Şeyla Veb ona verilən təlimata əsasən Vilbraham Kresent küçəsi, 19 nömrəli evə daxil olmuşdu. Evə daxil olduqdan sonra dəhşətli hadisə ilə qarşılaşdı; qonaq otağının döşəməsində sərilmiş bir kişi cəsədi... Cinayətin Puaroda maraq oyandıran tərəfi isə zaman faktoru idi. Şokda olmasına baxmayaraq Şeyla ququ saatının üçü vurduğunu aydın bir şəkildə xatırlayırdı. Lakin qonaq otağındakı dörd saat isə saat 4.13-ü göstərirdi. Ən qəribəsi isə bu saatlardan sadəcə biri ev sahibinə məxsus idi!
Romanda yüksək vətəndaşlıq, nəciblik, xeyirxahlıq hissləri ilə cılızlıq, paxıllıq, sırf şəxsi mənafe güdən bədxahlıq kimi çirkin əməllər qarşı-qarşıya durur. Güzəştsiz ölüm-dirim çarpışması gedir. Bir sözlə, köhnəliklə təzəlik tərəfdarları “döyüşür”. Bu vuruşda iki vicdan, iki əqidə, iki psixologiya üz-üzə dayanır. Birinci qütbdə təmiz əxlaq, saf vicdan sahibləri; vətənə, xalqa, cəmiyyətə, ümumilikdə bəşəriyyətə təmənnasız xidmət edənlər: professor Söhrab Günəşli və onun istedadlı aspirantı Vüqar Şəmsizadə böyük əzmlə, inadla elmi nailiyyətlərini sübuta yetirməyə cəhd göstərirlər. Yeni avtomobil yanacağı axtarışındadırlar. Təzə ixtira izinə düşüblər.
İkinci qütbdə isə vicdanlarını susdurmuş xudbinlər, elmə – yaradıcı aləmə dal qapıdan fırıldaqla, qeyri-məqbul üsullarla gəlmiş kütbeyinlər: Bəşir Bədirbəyli, Ziya Lələyev, istedadsız aspirant İsmət çarpışırlar. İşləri-peşələri müxtəlif çirkin yollar, üsullarla Söhrab Günəşliyə və onun aspirantına mane olmaq, apardıqları elmi təcrübələrə əngəllər törətmək, pərsəng olmaqdır. “Vicdan susanda” romanında sevgi-məhəbbət xətti çox canlı, maraqlı, yaddaqalan detallar, boyalarla tərənnüm olunur; əsərin əvvəlindən son səhifələrinədək davam edir, hadisələri oxucuya gərgin maraqla izlətdirir.
Bu roman yuxarıda göstərilən bədii keyfiyyətlərinə görə həm öz respublikamız daxilində, həm də xarici ölkələrdə müəllifinə böyük məhəbbət qazandırıb.
Azadlığa can atan yeniyetmə Lakşmini gözünü açar-açmaz ərə verirlər. Çünki valideynləri onun yeməyini çatdıra bilmirlər. Lakin gənc xanım ər evində xoşbəxt olmur. Dünya-ya uşaq gətirmədiyi üçün əri onu döyür, təhqir edir. Bir gün Lakşmi evdən qaçır...
O, düşdüyü yerlərdə əvvəllər fahişələrin, sonra isə zadəgan xanımların əllərinə və bədənlərinə xınadan naxış vurmaqla dolanır. Eyni zamanda, şəfalı otlarla müalicəsi dillərə düşür. Lakşmi həm də arzuolunmaz hamiləliyi təbii yollarla aradan qaldırmağı bacarır. Buna görə çoxunun işinə yarayır.
İşləri qaydasına düşmüşkən keçmiş əri gəlib Lakşmini tapır. Yanında da qadının üzünü görmədiyi 13 yaşlı bacısı...Sürpriz bununla bitmir. Lakşmi bir gün 13 yaşlı bacısınınhamilə olduğunu öyrənir.
Bacısı üzündən bütün karyerası məhv olur.Üstəlik, qanunsuz uşağı cəmiyyətdən gizlətmək və bacısını xilas etmək kimi çətin bir öhdəliyi var...
Roman müstəqillikdən sonrakı Hindistanı, orada hələdə qalmaqda olan ingilis təsirini, eyni zamanda, yüz illərəsöykənən kasta sistemini məharətlə anladır. Üstəlik, oxucu hindlilərin qədim xına sənəti və xalq təbabəti ilə yaxından tanış olur.
“Xınaçı qız” müəllifə gözlənilməz uğur gətirən və həmişə böyük maraqla oxunan bir əsərdir.

Bütün qəlblərin fatehi, qadınların yenilməz hakimi...
Bəs bütün savaşlar mütləq kralın qalibiyyəti ilə bitəcəkmi?
Eşqbazlıqda özünü mahir zənn edən Kənan adlı yaraşıqlı, özünəheyran və əhlikef birinin uşaqlığından yetkinliyinədək bütün həyatı burada əks olunur.
Bütün qadınların ətrafında pərvanə olan bu adam yıxılmaz zənn etdiyi eqosunu bir göz qırpımında yerlə yeksan halda görür. Əxlaqdan kənar həyat tərzi ilə oxucularda elə ilk səhifələrdən nifrət oyadan Kənan obrazının bütün davranışlarının altında dəhşətli səbəblər var. Bunlar üzə çıxanda, bəlkə də, ittiham etməkdə tələsməyin. Çünki bir az sonra yanıldığınızı görəcəksiniz.
Tanınmış psixiatr və yazıçı Gülsərən Budayıcıoğlunun real həyat hadisələrinə əsaslanaraq qələmə aldığı “Kral yenilərsə” romanı özünü zirvədə sanan bir ovçunun öz ovu üzündən birdən-birə uçurumun dibinə düşdüyünü heyrətamiz şəkildə göstərir.

Abunə Ol