Hər gün yeni bir kitab

QANUN NƏŞRLƏR EVİ

Roman

Kateqoriyalar

Cildi

Müəlliflər

Tərcüməçilər

Avdo bacarıqlı daş ustasıdır. Uşaqlığımı onun, yoxsa o, uşaqlığının dalınca düşüb? Bilmir... Bəlkə də ölümdən daha böyük bir həqiqət olmadığını anladığı üçün qəbiristanlıqda yuva qurub. Zamanı gəlincə, ən uzun və ən qaranlıq bir gecədə, ərgüvən ağacının altındakı məzarda onu gözləyən Əlifin yanına uzanacaq...

“Daş və kölgə” kainat və insana, həyat və ölümə fərqli gözlə baxan dərin romandır.
Ölən hər ümid yeni bir rəng oğurlayır həyadan. Solan hər rəng başqa bir ömür soldurur. Həyat mütləq belə davam edir...

Hər şey rənglərdən başladı. Rəngarəng divarlar yerini boz bulanıq xəyallara verdi.

Firəngiz Kərimzadənin "Vicdan Qəbiristanlığı" kitabı eyni qəlbdə bir-birini yarım buraxan hisslərin varlığını izah edir. Bir nəfəsə oxuyacağın psixoloji əsər qisas, kin və qaranlıq hisslərin insan ruhuna təsirini göstərəcək.
Bu, Aqata Kristinin detektiv pyesi əsasında yazılmış və bütün dünyada teatr səhnələrində böyük populyarlıq qazanan romanıdır. Səhifələrə köçürülən pyes öz kəskinliyini, dinamikliyini və sirrini itirmədi və gözlənilməz süjet döngələri kağız üzərində səhnədəkindən heç də zəif görünmür. Romanda kişilər və qadınlar hadisələrə fərqli reaksiya verirlər. Bütün məsələ də budur. Kişilər çox həssasdırlar. Qadınlar daha güclüdür. Kişilər qətlin qarşısını ala bilmirlər. Qadınlar isə bunu məharətlə bacarır. Məsələ burasındadır ki, kişi qadına görə qətl törədirsə, onun gözündə qalxar. Kişilərdə isə bu, fərqli reaksiya yaradır.
Gənc qadın Oslodakı mənzilində qətlə yetirildikdə və onun göz qapaqları altında beş guşəli ulduz şəklində qırmızı brilyiant aşkar edildiyində, Harri öz uzun müddətli düşməni Tom Völerlə birlikdə istintaqı aparmağa təyin olundu. Özünü yığışdırmaq xəbərdarlığından sonra, Osloda onların əlində seriya qatil olduğu müəyyən olunduqda, Harri alkoholik əyyaş etinasızlığından özünü qurtarmağa məcbur oldu.
Norveç paytaxtını beş hərfi ilə mistik şəkildə bağlı seriya qətllər silkələyir: onun haqqında davamlı olaraq beş guşəli ulduz və kəsilmiş barmaqlar xatırladır. Hər beş gündən bir polis sirrli cinayətkarın yeni qurbanını aşkar edir, lakin özü yaxalanmır.
Sakit və mürgüləyən Norveçdə, seriya qatil mövzusunda material tapmağın demək olar ki, mümkün olmadığına baxmayaraq, Yu Nesbö həyəacan verici bir roman yaratmışdır. Detektivin üç baş qəhrəamanının qarşıdurması əla göstərilmişdir: öz şəxsi və psixoloji problemlərini anlamağa çalışan yüksək intellektual müstəntiq; Norveç polisinin fəxri olan polis inspektoru və hər beş gündən bir gözəl qadını qətl edən və “niyə” sualına heç bir cavab verməyən manyak. Süjetin sonu gedişatından da gözlənilməz olur və daha ciddi sirrləri ortaya qoyur.


Braziliyanın görkəmli ədəbiyyat xadimlərindən birinə çevrilən Klaris Lispektor son romanı “Ulduz saatı”nda yoxsulluq, daha yaxşı həyat uğrunda mübarizə və cəmiyyətdə təhsilsiz qadının üzləşdiyi çətinliklər mövzunu araşdırır. O, romanda özünəməxsus yazı üslubunda oxucu ilə birbaşa əlaqə yaradaraq yoxsul bir qızın məsumluğunu işıqlandırır.

Hazırkı kitab Qacarlar sülaləsinin (1795-1925) dördüncü hökmdarı Nasirəddin şahın 16 qızı haqqında çoxsaylı arxiv sənədləri əsasında qələmə alınmış əsər-
dir. Əsərin müəllifi Qacarlar dövrünün tanınmış tədqiqatçısı Fatimə Qazihadır. Əsli fars dilində olan bu əsər şah qızlarının həyatı fonunda dövrün ictimai-siyasi
və ədəbi-mədəni həyatını dolğun şəkildə əks etdirir. Əsər tarixçi alimlərlə yanaşı geniş oxucu kütləsi üçün də nəzərdə tutulmuşdur.
Hər insanın həyatında bir dönəm olur; sanki üzərindən böyük bir qara bulud keçir. Amma buludların arxasında bir işıq var və bəzən yalnız sevgi o işığı tapa biləcək gücü verir. Amma... Sevgi hər zaman sağaldırmı? Ürək – ən ağır yaraları bağlaya bilən tək şey olur. Amma necə? Hansı sevgi bu qədər güclüdür? Bir yara nə qədər sağalsa da izi qalır. Bəs sevgi, bu izləri necə silir?
Güzel Yaxina müasir dövr rus ədəbiyyatı tarixində ən parlaq debütant, “Böyük kitab” və “Yasnaya Polyana” mükafatlarının laureatı, “Züleyxa gözlərini açır” və “Övladlarım” bestsellerlərinin müəllifidir. Onun “Səmərqənd eşelonu” adlı yeni kitabı səyahət romanı və bir növ, “qırmızı istern”dir. 1923-cü il. Gənc və həlim Vətəndaş müharibəsi veteranı Deyevlə əzmkar, “sərt” “uşaq komissarı” Belaya Kazandan Səmərqəndə beş yüz kimsəsiz uşaq təxliyə edirlər. Yolboyu qarşılaşdıqları saysız-hesabsız qorxunc və həyəcanlı sərgüzəştlər, Volqaboyu meşələrindən və Qazaxıstan çöllərindən tutmuş, Qızıl-Qum səhralarına və Türküstan dağlarınadək – geniş coğrafiya, qaçqın-kəndlilər, çekistlər, kazaklar, özünəməxsus dilləri, psixologiyaları, inancları və ümidləri olan balaca sərsərilərin ekssentrik dünyasından ibarət talelər və personajlar palitrası bu kitabda əksini tapmışdır. Roman tarixçilərin əsərləri, kəndlilərin məktubları, FK-nın
idarədaxili yazışmaları, uşaq evləri və sığınacaqlarının sənədləri, qəzetlər, memuar kitabları, kimsəsiz uşaqların taleyində, aclığın aradan qaldırılmasında, təxliyə işində bilavasitə iştirakı olan adamların xatirələri kimi sənədli mənbələrə əsaslanır.
Ədəbiyyatımızda şüur axını və daxili monoloq fəndlərindən ilk dəfə geniş şəkildə istifadə edən müəllif “Altı ay, altı gün, altı saat” romanında da bir ilkə imza atır – “ikinci şəxs” nəqletmə texnikasına müraciət edərək oxucunu hadisələrdə iştiraka cəlb edir. Bu orijinal üslubda müəllifin perspektivi bəzən obrazla və oxucu ilə toqquşur, zaman-zaman müşahidəçi və iştirakçı arasındakı sərhəd itir. Öz baldızının gənc qızına vurulan Kənan duyğularını böyük çətinliklə içində basdırmağa nail olsa da, oğlu həmin
qızla evlənib eyni evdə yaşamağa başlayanda vəziyyət dəyişir. Evliliyin beşinci ilində isə hadisələr cığırından çıxır və sirr pərdəsi aralanmağa başlayır. İlk duyuq düşən evin xanımı – qızın xalası və qayınanası çəkdiyi əzabı içində yaşamağa, doğma bacısına belə heç nə deməməyə məhkumdur. Bəs ərinə və oğluna necə?
Mürəkkəb psixoloji vəziyyət çılpaq əhvalatçılıqla deyil, yüksək texniki ustalıqla işlənir. Günahkarlıq hissi, vicdan əzabı və özünəbəraət üçbucağı təkcə qəhrəmanları deyil, yazıçını da, hətta oxucunu da burulğana salır, obrazların daxili dünyası rəngarəng ədəbi üslubla açılır. Roman həm mövzusuna, həm üslubuna görə milli nəsrimizdə yenilikdir. Düşünərək və əylənərək oxuyacağınız şübhəsizdir.
Əlinizdə tutduğunuz bu kitab sizə həyatda hədəflərinizi müəyyən etməkdə və onlara çatmaq üçün inam və qətiyyəti artırmaqda kömək edəcək. Axı kimsə bunu edə
bilibsə, məndə niyə alınmasın? Siz, bəlkə də, heç vaxt müəllif kimi kosmosa çıxmayacaq, robot düzəltməli olmayacaq, musiqi bəstələməyəcəksiniz. Amma onun ideyaları sizə astronavt kimi düşünməyi öyrədəcək və Yerdəki həyata baxışınızda köklü dəyişikliklər edəcək. İnanmırsınız? O halda buyurun, bu meydan, bu da şeytan. Kitab əlinizdədir. Başlayın...
Gənc yaşında ailəsi ilə yeni bir həyata başlamaq üçün Bakıya köçən Lalə həyatın ona gətirdiyi sürprizlərlə qarşılaşır. Heç gözləmədiyi anda Altaya aşiq olur. Bu sevdanın ona yaşadacağı gözəl və qəmli zamanlar onun qəlbində qapanmayacaq izlər buraxır. Zaman keçdikcə baş verən hadisələr qarşısındakı çarəsizliyi, hə­yatın onun üçün hazırladığı gerçəklərlə üzləşməsi, onu xəyal etdiyindən tamamilə fərqli yollara aparır.
Səhər tezdən «Şərq ekspresi»nin birinci dərəcəli kupesində kişi meyiti tapılır. Tərs kimi o an qatar yolda qalaqlanmış nəhəng qar yığnağına çatıb dayanır. Detektiv Puaro qətl hadisəsini araşdırmağa başlayır. Qatardakı hər bir mötəbər sərnişinin və ya texniki heyət üzvünün qatil çıxma ehtimalı var. Yalnız Puaro kimi mahir detektiv öz iti məntiqi sayəsində belə bir dolaşıq işi açmağa kömək edə bilər... Dünya detektiv ədəbiyyatının şedevrlərindən sayılan roman müəllifin digər əsərləri kimi oxucunun böyük marağına səbəb olacaq.
Dövrünün ən təsirli qadın yazıçılarından olan Bernardin Evaristo “Qız, qadın, digəri” romanına görə 2019-cu ildə kanadalı yazıçı Marqaret Etvudla birgə ədəbiyyat üzrə ən nüfuzlu mükafatlardan sayılan Buker mükafatına layiq görülüb. On iki zənci qadının taleyinə toxunduğu bu ecazkar romana görə o, Buker mükafatı alan ilk
qaradərili qadın yazıçı kimi tarixə düşüb. Bernardinin qəhrəmanları tale cığırları Londonda kəsişən, əsasən üçüncü dünya ölkələrində doğulmuş, erkən yaşlarında həyat mübarizəsinə atılmağa məcbur olan, ömür yolları elə də rəvan keçməyən, cəmiyyətin irqi, cinsi ayrı-seçkiliyinə məruz qalan qadınlardır. Bernardinin qəhrəmanları-
nın arasında həyata yeni atılan 19 gənc qız da var, 93 yaşında qoca qadın da. Yazıçı bu romanla bizə demək istəyir ki, əslində dünyanın hər yerində qadının həyatı daha çətindir, əgər o, kasıb ölkədə doğulubsa, bir az da çətindir, əgər o, zənci doğulubsa, bir az da çətindir, əgər cinsi oriyentasiyası fərqlidirsə, bir az da çətindir, bir sözlə,
bu qədər inkişafa baxmayaraq, dünyanın ən müasir şəhərlərindən birində yaşamalarına baxmayaraq, qadınlar üçün həyat elə də asan deyil.
Aqata Kristinin “Əlifba sırası ilə qətllər” romanı dahi detektiv Erkül Puaronun qarşılaşdığı ən sirli və çətin cinayət işlərindən birini təqdim edir. Bu dəfə qatil qeyri-adi
bir üsul seçib – qurbanlarını əlifba sırasına uyğun öldürür və hər cinayətdən əvvəl Puaronu məktubla xəbərdar edir. Hekayə A hərfi ilə başlayan Andover şəhərində Alis Aşer adlı bir qadının öldürülməsi ilə başlayır. Daha sonra Bexhilldə Betti Barnard qətlə yetirilir. Qatil hər dəfə cinayətin baş verəcəyi yeri və qurbanını əlifba sırası ilə seçir və sanki Puaroya meydan oxuyur. Puaro və onun sadiq dostu Kapitan Artur Heystinqs bu müəmmalı cinayətləri araşdırarkən şübhəlilər siyahısı genişlənir, ipucları isə getdikcə daha da dolaşıq bir hal alır. Lakin Puaro özünəməxsus məntiqi və müşahidə qabiliyyəti ilə bu qanlı oyunun arxasındakı həqiqəti üzə çıxarmağa çalışır. “Əlifba sırası ilə qətllər” oxucunu son səhifəyə qədər gərginlik içində saxlayan, ağıllıca qurulmuş süjeti və gözlənilməz sonluğu ilə detektiv janrının klassik nümunələrindən biridir.
"Sonda hər ikisi ölür" Adam Silveranın qəhrəmanlıq, dostluq və həyatın dəyəri haqqında təsirli və düşündürücü romanıdır. Kitabın süjetində 5 sentyabr səhəri, Mateo və Rufus adlı iki gənc ölüm xəbərdarlığı ilə oyanır. Həyatlarının son günündə, onlar bir-birlərini tapır və "Son gecə dostları" adlı bir tətbiq vasitəsilə son saatlarını birgə keçirmək qərarına gəlirlər. Bu yolçuluq zamanı hər ikisi öz qorxuları ilə üzləşir, yeni dostluq tapır və həyatın hər anını dolğun yaşamağın əhəmiyyətini kəşf edirlər.

Adam Silveranın qələmə aldığı bu əsər oxucuları həyat, sevgi və itki barədə dərin düşüncələrə dalmağa vadar edir.

Bu cür təsirli bir mövzu gənc oxuculara dəyərli mesajlar verir və müxtəlif duyğular yaşadır.
Əziz oxucu, kitaba epiqraf kimi seçdiyimiz Ç. Çaplinin müdrik kəlamı, məncə, istənilən ön sözdən önəmlidir!..
Ancaq dahi sənətkarın özgə bir aforizmi də var:
"Mən yağışda gəzməyi sevirəm... çünki göz yaşlarımı görən olmur..."
Çox düşündüm və kitab haqda bu ağrılı etirafdan artıq nəsə deməyə söz tapmadım...
Həqiqət gözlə görünmür. Görünən hər şey illüziyadır. İnsan həqiqət kimi bildiyini ilk olaraq düşüncəsində yaradır. Yaxşı, bəs o zaman təməl düşüncəmizin doğru olduğunu necə bilək? İnsana nə lazımdır? Görmək. Niyə? İnanması üçün. Əgər yalnız gördüklərinə inanıb həqiqət kimi qəbul edirsə, görmədiyi, amma eşidib-inandığı nə qədər dərin məsələlər var, deyilmi? Bəs eşidib-bildiklərinin düşüncənə təsiri varmı? Var. Həm də çoxtərəfli təsiri var. Bəs əgər düşüncənə təsiri varsa, o zaman sən necə həqiqi "Sən" ola bilərsən? Xasiyyətin sənin vizit kartındır. Həm cəmiyyət, həm özün üçün. Xasiyyət düşüncəndən yaranan, söz və davranışlarının güzgüsüdür. Xasiyyət cəmiyyətin, sə-nin barəndə çıxardığı hökmdür! Xasiyyət ya səni sən edəndir, ya da heç kim. Xasiyyət sənin müqəddəratındır. Xasiyyətin eşidib və gördüyün düşüncəndən formala-şırsa, bəs düşüncən necə formalaşır? Dünyaya gəldiyin mühitin, ailə və insanların doğru düşüncəyə sahib oldu-ğuna əminsənmi? Bəs kimliyin formalaşması üçün mühit önəmlidirmi?
İş adamı Peter Pavlovskinin Bakı şəhərini içməli su ilə tə-min edən şirkəti var. Hekayənin əvvəlində öldürülən təsisçi haqqında deyilənə görə, şirkətdə doldurulan sulara zəhərli maddə florid qatırmış. Bir təqvim ayında baş verən sevgi, məişət və qətl hadisələri əvvəlcə onun, növbəti aylarda isə ha-disə iştirakçıları dilindən nəql edilsə də, unutmaq olmaz ki, təqvim hər zaman başladığı yerdə bitir.
Bir quş haqda əfsanədə deyilir... Bütün ömrü boyu yalnız bir dəfə oxuyan quşun səsi Yer üzünün ən gözəl, ən təsirli ifası olur. Günlərin bir günü o öz yuvasını tərk edir və tikanlı kol axtarışına çıxaraq onu tapana qədər sakitləşmir. Kolların arasında şərqisini deyə-deyə sinəsini ən uzun, ən iti tikana batırır və ölüm
şərqisini daha böyük əzabla ifa etməyə davam edir. Tikan ürəyini parça-parça etsə də, ağrısına qalib gələrək, ölüm ayağında torağay quşundan, bülbüldən belə, gözəl oxuyur. Yer üzünün yeganə şahanə nəğməsi ölüm bahasına başa gəlir. Amma həmin an bütün dünya nəfəsini saxlayaraq sükuta qərq olur və Tanrı da göylərdə gülümsəyir. Belə çıxır ki, ən gözəl şeylər yalnız böyük iztirablar bahasına başa gəlir... Hər halda, əfsanə belə söyləyir...


Toy ərəfəsində olan gənc Nərminlə nişanlısı Fərhadın qəfil ayrılığı silsilə qətllərlə müşayiət olunur. Əvvəlcə Fərhadın özünün qəzaya düşərək ölməsi xəbəri yayılır. Dalınca Nərminin anası öldürülür. Sonra gənc bir qadın... Daha sonra tanınmış bir həkim... Qatil öldürdüyü adamların ovcunda Nərminə sevgi məktubu göndərir. Beləliklə, şübhələr qəzada öldüyü ehtimal olunan Fərhadın üzərində cəmləşir.
Belə bir vəziyyətdə cinayət-axtarış şöbəsinin rəisi İmran bəy işə başlayır. Nərmin də anasının qatilini tapmaq və ətrafındakı müəmmanı çözmək üçün ona yardım edir. Lakin iş getdikcə çətinə düşür. Hətta İmranın hüquq-mühafizə orqanlarından kənarlaşdırılması ilə nəticələnir. İnadkar qəhrəman isə geri durmur. İşi sona çatdırıb qatili yaxalayır.
Kitabda maraqlı detektiv süjet qarışıq sevgi münasibətləri ilə çarpazlaşaraq mürəkkəb bir düyünə çevrilir. Finala doğru bu düyün açılır və hər şey oxucu üçün aydınlaşır.
Lakin heç kimin gözləmədiyi qeyri-adi bir sürprizlə...
Merrit həyat yoldaşını itirir. Bir gün ona məktub gəlir ərindən ona qədimi mülk qaldığı məlum olur. Merrit ərinin dünyaya gəldiyi, böyüdüyü şəhərə gedir, həyata yenidən başlamaq istəyir. Merrit anasını erkən itirib. Atası cavan stüardessa ilə ailə qurur. Bir oğlu dünyaya gəlir. Lorali Merritdən beş yaş böyükdür. Merrit ögey anasını qəbul etmir. Lorali əri öləndən sonra ögey qızını-Merriti axtarıb tapır, onu öz oğlu ilə tanış etmək istəyir. Həkim Loraliyə xərçəng diaqnozu qoyub. Qadın ömrünün sonuna az qaldığını bilir və istəyir ki, o, həyatdan gedəndən sonra oğlu etibarlı əllərdə olsun. Belə də olur. Tədricən Merrit ögey anası ilə doğmalaşır. Ögey anası ona həyatını dəyişməkdə kömək edir. Merrit mərhum ərinin sirlərini öyrənir, ailəli olduğu vaxtlarda onu yaxşı tanımadığını anlayır.
Patrick Süskindin məşhur romanı “Parfümer”, XVIII əsr Fransasında cərəyan edən unikal və unudulmaz bir tarixçədir. Roman oxucuları qoxuların və onların insan duyğuları üzərindəki təsirinin mistik və qorxunc dünyasına aparır. Əsərin baş qəhrəmanı Jan-Batist Qrenuy qeyri-adi bir duyğuya – mükəmməl qoxuları hiss etmək qabiliyyətinə malikdir. Ancaq o, özünü başqalarından fərqləndirən bir qəribəliklə doğulub: onun öz qoxusu yoxdur. Bu xüsusiyyət Jan-Batistin həyatını və psixologiyasını formalaşdıraraq onu qoxu yaratmaq və mükəmməl ətir əldə etmək üçün axtarışa sürükləyir. Jan-Batist, mükəmməl ətri yaratmaq üçün təkcə təbii materiallarla deyil, həm də insan qoxusuyla işləməyə başlayır. Onun bu məqsədi onu qətllərə sövq edir və o, insan həyatını ətirlərin qurbanına çevirir. “Parfümer” yalnız gərgin və maraqlı bir hekayə deyil, həm də insan əxlaqı, hisslərin təsiri və cəmiyyətin mənəvi dəyərləri haqqında dərin fəlsəfi suallar ortaya qoyur. Süskindin təsvir etdiyi dünya oxucuları həm heyrətləndirir, həm də narahat edir. Bu əsər güclü təsvirləri və qeyri-adi mövzusu ilə həm ədəbiyyat, həm də psixoloji analiz sevən oxucular üçün vazkeçilməzdir.
Təhminə teleaparıcıdır, Zaur isə ziyalı ailədən çıxmış və özünü hələ də təsdiq etməmiş bir gəncdir. Təhminənin yeganə qorxusu Zaurun qalxdığı mərtəbədən geri dönməsidir. Çünki onların sevgisi imkansız görünür. Əslində, onların sevgisini imkansız edən cəmiyyətin dəyişməyən maneələri, “olmaz”larıdır. Beşmərtəbəli evin altıncı mərtəbəsi təsdiq olunmadığı kimi, nə Zaur özünü təsdiq edə bilir, nə də cəmiyyət onların sevgisinə qucaq açmış.

Abunə Ol