Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Books

Kateqoriyalar

Cildi

Müəlliflər

Tərcüməçilər

Yuval Harari anlaşılması gündən-günə çətinləşən yaşadığımız bu dünyadan yazır. İnsanlıq özünü nüvə müharibəsi, ekoloji fəlakət və texnoloji qəzalar təhlükəsindən necə xilas edə bilər? Yalan xəbərlər epidemiyası ilə mübarizə aparmaq iqtidarındayıqmı? Dünyada hansı sivilizasiyalar dominantlıq edir – Şərq, Qərb? Terrorizmə qarşı hansı tədbirləri görməliyik? Müəllif özünəməxsus aydın fikirlərlə diqqətimizi bugünkü dünyamızın heyrətamiz problemlərinə cəlb edir. Kitabın əsas hədəfi oxucunun fikrini dünyadakı daimi və təhlükəli dəyişikliklərə yönəltmək, həm də onda həyat qabiliyyətini gücləndirmək, rəhmdillik hissini və kritik düşünmə vərdişlərini inkişaf etdirməkdir.

İnsanları nə qədər çox tanıyıramsa, bir o qədər itlərə sevgim artır.
Adolf Hitler

1862-ci ildə dərc olunan “Nalayiq məzəli əhvalat” Dostoyevskinin satirik üslubda yazılmış əsəridir. Əsər dövlət müşaviri, 43 yaşlı general İvan İliç Pralinskinin “humanizm” göstərmək ideyası ilə öz işçisinin toyuna gəlməsindən və bu “humanizm”in onu necə rüsvay edərək gülünc vəziyyətə salmasından bəhs edir. Əsərdə eyni zamanda Pseldonimovun timsalında “kiçik adam”ların həyat şəraiti, toy atmosferi və Peterburqun “alt” təbəqəsinin yaşam tərzi acınacaqlı və dəhşətli tərzdə böyük ustalıqla ifşa olunur.

Paulo Koelyonun “Zəvvarlıq” adlı avtobioqrafik romanı qədim müdrikliyi axtarmağa həsr olunub. Bu əsər müəllifin şəxsi təcrübəsinə əsaslanan mənəvi bir yolçuluğun
hekayəsidir. Əsərin qəhrəmanı İspaniyanın Santiyaqo de Kompostela şəhərinə aparan qədim ziyarət yoluna çıxaraq bu müdrikliyi tədricən qazanır. O, mistik “qılınc”ı əldə
etməlidir, amma bu qılınc konkret silah deyil, simvolik mənəvi gücün, irəliləyişin və daxili yetkinliyin təcəssümüdür. Ona görə də qəhrəmanın çıxdığı bu yol təkcə səfər
deyil, ruhun sınağı, inamın yenilənməsi və özünü tanıma prosesidir. Bu yol həm də insanın ən çətin şəraitdə sakitliyini qorumağa və mənəvi güc toplamağa kömək edən ezoterik məşqləri əhatə edir.Romanın qəhrəmanı sirli müəllimi Petrusun rəhbərliyi ilə bir çox mistik məşqlərdən və simvolik sınaqlardan keçir. O öz daxilinə enir – qorxuları, arzuları, keçmişi və gələcəyi ilə üzləşir. Koelyonun öz həyat təcrübəsinə əsaslanan bu roman həm də onun dünya görüşünün və yazı üslubunun formalaşmasında əsaslı rol oynamışdır. Daha sonra yazdığı “Kimyagər” kimi əsərlərin bünövrəsi məhz bu romanın fəlsəfəsi ilə atılmışdır.



Tam xaos. Paranoya.
Həyatdan bezmiş bir qrup gənc dünyanın xilasını onun məhvində görür.
Müasir Bakı, cağdaş problemlər.
"Biz dünyaya niyə gəlmişik?"
Ən dərin fəlsəfi suallara ən sərt cavablar.
A kimdir?
O nə etmək istəyir?
Kontrkultura, alternativ düşüncə.
Ən dəhşətli yanğınlar kiçik qığılcımdan başlayır.
Uşaq partisi dəhşətli cinayət səhnəsinə çevriləndə, məşhur detektiv Erkül Puaro işə qarışmalı olur. Aqata Kristinin bu gərgin romanında hadisələr sakit bir ingilis kəndində, Hallouin bayramı münasibətilə təşkil olunan bir maskaradda başlayır. Gənc bir qız – 13 yaşlı Coys– partidə əvvəllər bir qətlin şahidi olduğunu söylədikdən qısa müddət sonra su ilə dolu çəlləkdə boğulmuş halda tapılır. Hadisə sadəcə uşaq zarafatı, yoxsa gizlədilmiş bir sirrin üstünün açılması idi? Erkül Puaro cinayətin izlərini kəndin
dərinliklərinə qədər aparır. Zaman keçdikcə Puaro daha əvvəl baş vermiş, unutdurulmuş qətllərlə bu hadisə arasında müəmmalı əlaqələri ortaya çıxarır. “Hallouin qonaqlığı” sirr, manipulyasiya və keçmişin qaranlıq kölgələri ilə dolu klassik Aqata Kristi romanıdır. Qatil hər zamankı kimi yaxınlıqda, amma gözlənilməz yerdədir.



Kinqs-Abbot müəllif təxəyyulünün məhsulu olan sadə İngiltərə kəndidir. Sakit, əsasən qocaların və qadınların yaşadığı, cavanların baş götürüb qaçdığı bu kənddə missis
Ferrarenin ölümüylə sükut pozulur. Onun ardınca kəndin iki zənginindən biri olan Rocer Ekroyd qətlə yetirilir. Müəllifin bir çox əsərlərinin qəhrəmanı xəfiyyə Erkül Puaro qətli
araşdırmağa başlayır. Ona bu işdə doktor Ceyms Şeppard kömək edir. Bir çox şübhəlilər – Ekroydun qulluqçuları, yaxınları dindirilir, xəfiyyə oxucunu gərgin vəziyyətdə
saxlayan eksperimentlər aparır. Romanın ən maraqlı cəhətlərindən biri isə onun gözlənilməz sonluğudur. Əsəri məşhur edən, həm də heç kimin ağlına gəlməyəcək sonluq...
Bu 13 yaşlı qızın – Anna Frankın yazdığı gündəlikdir. Almaniyada doğulan Anna ailəsi ilə birgə alman faşistlərindən xilas olmaq üçün Niderlanda köçür. Bir neçə
ailənin qaldığı sığınacaqda yaşadığı vahimə, qorxu dolu günlər onu gündəlik yazmağa sövq edir. Öz ad günündən, yəni 12 iyun 1942-ci ildən 1 avqust 1944-cü ilədək gündəlik yazır. O, əvvəlcə buna əyləncə kimi yanaşır və başına gələnləri gündəlikdə özündən uydurduğu Kitti adlı rəfiqəsi ilə bölüşür. Lakin Niderlandın təhsil nazirinin ra-
dio ilə əhaliyə müraciətini dinlədikdən sonra bu işlə daha ciddi məşğul olur. Nazir insanları alman faşistlərinin işğalı ilə bağlı istənilən sənədi qoruyub saxlamağa çağırır.
Anna Frank özünün və yaxınlarının gələcəyi ilə bağlı daim qorxu içində yaşasa da, gündəliyi üçün narahat olmur, sanki onun bir möcüzə nəticəsində salamat qalacağı-
nı qabaqcadan bilir. Hazırda gündəliyi dünyanın 70-dən çox ölkəsi öz dilində nəşr edib.
İnsanların bir qismi asanlıqla varlana bildikləri halda digərləri ömür boyu heç nəyə nail ola bilmirlər. Təhsil, zəka, bilik və bacarıqlar, doğru zamanda doğru yerdə olmaq, vərdişlər, doğru peşə seçimi... Görəsən, bu sadalananlardan hansı varlanmağa təsir edən ən böyük amillər hesab oluna bilər? Yoxsa siz də hər şeyin şansdan asılı olduğunu düşünənlərdənsiniz? Əgər hələ də bu suallara cavab tapmamısınızsa, T.Harv Ekerin “Milyonçu zəkasının sirləri” adlı kitabını mütləq oxumalısınız. Çünki müəllif hamının cavab tapmağa çalışdığı bu suallara tamam başqa prizmadan yanaşır. T.Harv Ekerin fikrincə, insanın düşüncə tərzi və daxili inancları onun maliyyə vəziyyətini formalaşdıran əsas amillərdir. Bu kitabda Eker uğura nail olmaq üçün düzgün düşüncə və vərdişlər yaratmağın yollarını izah edir. Həmçinin öz həyatından gətirdiyi misallar sayəsində oxuculara öz potensiallarından maksimum istifadə edərək maliyyə azadlığına nail ola biləcəklərini göstərir.
Ekerin nəzəriyyəsinə görə şüuraltı inanclar və düşüncə tərzi insanın maliyyə vəziyyətinə birbaşa təsir edir. Əgər bir insan pul qazanmaq və zəngin olmaq barədə mənfi düşüncələrə malikdirsə, bu düşüncələr onun həyatında mənfi təsir göstərə bilər. Bu kitabda təqdim olunan strategiyalar və məsləhətlər sayəsində oxucular həmin mənfi inanclardan qurtula və qısa zamanda pul xəritələrini dəyişə bilərlər.
Molli Mun keçmişə və gələcəyə səyahət etməyi bacarır. Lazım olan anda zamanı dayandırır. Bir gün isə hipnoz kitabının ikinci cildindən yeni dərslər öyrənir. İndi istənilən heyvana, insana morfinq edə bilir. Gah parabüzənə, gah siçovula, gah pişiyə,gah da kraliçaya çevrilir. Əkiz qardaşı ilə birlikdə çox çətinliklərdən keçirlər. Onlar, nəhayət, havanı dəyişən daşları ələ keçirib dünyanı təhlükədən xilas etməyə girişirlər. Bacarırlarmı? Kitab boyu sualın cavabını tapacaqsınız.
“Güzgüdəki qadın” romanında üç fərqli dövrdə yaşayan üç qadının hekayəsindən bəhs edilir. Hər üç qadın həyatlarında dönüş nöqtəsinə çataraq, öz müasirlərindən
fərqli olduqlarını anlayır. Xoşbəxt olmaq üçün bu qadınların hər şeyləri var, ancaq bununla belə, özlərini həddən artıq bədbəxt hiss edirlər. Anna İntibah dövründə Brüqqedə yaşayır. Şəhərin ən tanınmış ailələrindən birinin oğlu ilə ailə qurmaq ərəfəsində qaçır, təbiət və heyvanlarla təmasda olmaq üçün meşəyə sığınır. Hanna Ziqmund Froyd dövründə, Vyanada yaşayır. Ona dəlicəsinə aşiq olan varlı bir adama ərə gedir, lakin özünü çox bədbəxt hiss edir və uşaqlıq rəfiqəsinə yazdığı məktublarda bunu etiraf edir.
Enni isə bir Hollivud ulduzudur, öz nəslinin məşhur aktrisalarından biridir. Bununla belə, daxilində heç nə ilə doldura bilmədiyi qəribə bir boşluq hiss edir, həyatının
heç bir anlamı olmadığını, dünyasının süni olduğunu anlayır, narkotik və içkidə təskinlik tapır. Bu üç personaj cəmiyyətin güzgüsündə özlərini əks etdirə bilmir və bu güzgü onlara, əslində, necə olmaq istədiklərinin görüntüsünü verir.
Dünyanın bir nömrəli bestsellerlərindən olan “Yüksək effektli insanların 7 vərdişi” kitabının müəllifi Stiven Kovinin oğlu Şon Kovi “Yüksək effektli gənclərin 7 vərdişi” adlı kitabında gənclərlə proaktiv olmağın, dinləməyin, “qazan-qazan” şəklində düşünməyin sirlərini bölüşür. Dünyanın hər yerində gənclər istər ailə, istər təhsil, istərsə də şəxsi həyatlarında problemlərlə üzləşirlər və bəzən problemlər xoşagəlməz nəticələrə səbəb olur. Şon Kovi öz dəyərli məsləhətləri ilə gənclərin uğurlu bir gələcəyə necə addım
atacağını sadə bir dillə izah edir. Bu kitab xüsusilə də yeniyetməlik dövründə təzyiqlərə məruz qalan, gələcək karyerasına qərar verməkdə çətinlik çəkən, insanlarla münasibətlərini inkişaf etdirmək istəyən gənclərin əsas kitabı olmalıdır.



Qloballaşan dünyada tək bir bacarıqla irəli getmək mümkün deyil. Müxtəlif bacarıqlara sahib olan insanlar cəmiyyətdə maraq doğurur və daha çox dəyərləndirilir.
Bu kitab marketinqdən və musiqidən tutmuş döyüş sənətinə qədər müxtəlif bacarıqları əxz etməyin, müəyyən bir sahədə uğur qazanmaq üçün mənimsənilən fərqli bacarıqları ustalıqla birləşdirməyin sirlərini sizinlə bölüşür. Kitab sizə istənilən bacarığa yiyələnməyin, müxtəlif sahələrə olan marağınızı bir uğur qazanmağa kökləməyin və insanlar üçün maraq obyektinə çevrilməyin yollarını öyrədir.Kosmik sürətlə inkişaf edən texnologiya əsri ilə ayaqlaşmaq üçün özünüzdəki gizli qabiliyyətləri üzə çıxartmalısınız. O zaman bütün dünya sizin ayaqlarınızın altında olacaq!

Cildə daxil olan hekayələrdə ictimai ədalətsizlik, cəmiyyətdəki qütbləşmə ("Alışqan", "Bir vərəq ağ kağız", "Meyit na-mazı", "Heykəlin açılışı", "Brend" və sair) və onlardan doğan kataklizmlərin insan həyatına vurduğu zərbələr tünd boyalarla göstərilir. Bütün zamanların əzəli və əbədi mövzusu olan sevgi də hekayələrin bir qisminin özəyini təşkil edir. Fəqət, bu, sevgidən çox dərddir, kədərdir, amma o dərdin və kədərin özü də bəzən adamı yaşadır bu qism hekayələrdən doğan nəticə belədir ("Eteri-2", "Uçuş", "Yuvasızlar", "Tanış olmayan yazı", "Ərizə" və s.). Bir də nostaljidən doğan mövzulardan yaranan hekayələr. Onların da yeri bir hekayədə deyildiyi kimi: "köhnə yanıq yeri kimi ala-buladır". Amma sevgi hekayələrindəki kimi, o yanıq yerləri də pozulmur - qəbir evinəcən qalır ("Üçəmlər", "Baharı görsəniz", "Körpünün altındakı iş yeri", "Kəs-hakəs", "Kərimin itini öldürdülər" və s.).

Marketinqin və istehlakçı psixologiyasının dərin sirlərini açan “Buy•ologiya: niyə alırıq – həqiqətlər və yalanlar” kitabı, insan beyninin alış-veriş qərarlarına necə təsir etdiyini öyrənənlər üçün mükəmməl bələdçidir. Dünyada tanınan neyromarketinq mütəxəssisi Martin Lindstrom bu kitabda geniş miqyaslı elmi araşdırmalar və neyroloji təcrübələr əsasında istehlakçıların davranışlarını təhlil edir. O, marketinq dünyasında uzun müddətdir qəbul edilən bir çox mifləri və yanlış anlayışları dağıdır, reklam və
markaların insan beyninə təsirini ortaya qoyur. Markalar və beyin: Markaların həqiqətən şüuraltımıza necə təsir etdiyini öyrənin. Gizli mesajlar: Reklamların gizli mesajlarının təsirini dərk edin. Duyğuların gücü: Görmə, qoxu, səs və dadın satınalma qərarlarına təsirini araşdırın. İnanc və alış-veriş: Dini inanclar və markaların insan
psixologiyasını necə manipulyasiya etdiyini kəşf edin. “Buy•ologiya” kitabı, marketinq və psixologiya ilə maraqlananlar üçün əvəzsiz mənbədir. Marketinq mütəxəssisləri,
biznes sahibləri, tələbələr və hətta adi istehlakçılar – hər kəs bu kitabdan yeni nəsə öyrənəcək.



Vüqar Amrah Şəkidə yaşayıb-yaradır. İxtisasca həkim olan müəllifin hekayələri daha çox müşahidələrin fonunda qələmə alınıb. Bu hekayələr özünəməxsus təhkiyə, maraqlı dil, şəkililərə xas incə yumor və psixoloji ovqatı ilə diqqət çəkir.

"Formalin ətirli bənövşələr" Vüqar Amrahın ilk kitabıdır.
İndi gördüyünüz işi niyə görürsünüz? Siz səhər yuxudan niyə oyanırsınız?
Kimsə sizi niyə vecinə almalıdır? Hər gün səhər tezdən niyə oyandığını bilmək möhtəşəm hissdir.
Hər gün niyə vacibdir? Öz niyəni tapmaq yuxarıdakı suallara cavabdan başlayır.
Bu suallara cavab möhtəşəm yolçuluğun başlanğıcıdır.
Biz düşündüklərimizə, etdiklərimizə, adətən, lazımından çox tənqidi yanaşır, özümüzü hər addımda danlayır və xoşbəxt, sakit, firavan yaşamaq haqqına layiq olmadığımıza qərar veririk. Halbuki bütün bunlardan qurtulmaq öz əlimizdədir. Luiza Hey “Öz bədənini sev” kitabında sizi zəif
tərəflərinizi deyil, güclü tərəflərinizi tapmağa və sevməyə, həyatınızda baş verən hər şeyə görə keçirdiyiniz günah və qorxu hissin qurtulmağa çağırır.
Dörd fəsildən ibarət bu kitab dünyanın ikinci nəhəng dövləti olmuş SSRİ-nin süqutunu, bu süqutun sovet dövlətinin cənub əyaləti olmuş Azərbaycanda necə təzahür etməsini təsvir edir.
Luiza Heyin öz həyat fəlsəfəsini paylaşdığı bu gözəl meditasiya və affirmasiyalar kolleksiyası asılılıqlardan tutmuş mənəvi qanunlaradək bir çox mövzulara toxunur.
Onun sevgi dolu fikirləri bədəninizi, zehninizi və ruhunuzu zənginləşdirəcək, eyni zamanda, gündəlik həyatınıza tətbiq etmək üçün sizə praktiki biliklər verəcək.
“Bu, yaradıcı düşüncə prosesinizi inkişaf etdirmək üçün ideyalar kitabıdır. O, sizə təcrübələrinizə yanaşmağın başqa yollarını görmək imkanı verəcək...” “Bu kitabı oxuduqca razılaşmadığınız ifadələrlə rastlaşa bilərsiniz, onlar sizin inanclarınızla toqquşa bilər. Lakin narahat olmağa dəyməz – hər şey qaydasındadır. Mən bunu “qazanı qarışdırmaq” adlandırıram. Dediklərimin hamısı ilə razılaşmaq lazım deyil. Amma lütfən, nəyə və niyə inandığınızı araşdırın. Siz, beləliklə, böyüyəcək və dəyişəcəksiniz...”
Müəllifinə dünya şöhrəti gətirən roman həm də onun yaradıcılığında ciddi dönüş kimi yadda qaldı. Bosniyada yazılsa da, insan haqda dünya səviyyəli diskussiyaların mövzusuna çevrildi. Əsər 30-dan artıq dilə çevrilib, motivləri əsasında rəsm və heykəltəraşlıq nümunələri yaradılıb, eyni adlı film çəkilib. Təsadüfi deyil ki, ilkin tanışlıqdan sonra oxucular müəllifə bu sualı ünvanlayırdılar: “Siz bu romanda hər şeyi demisiniz, bundan sonra nə yazacaqsınız?”

Abunə Ol