Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Books

Kateqoriyalar

Cildi

Müəlliflər

Tərcüməçilər

Yuval Harari anlaşılması gündən-günə çətinləşən yaşadığımız bu dünyadan yazır. İnsanlıq özünü nüvə müharibəsi, ekoloji fəlakət və texnoloji qəzalar təhlükəsindən necə xilas edə bilər? Yalan xəbərlər epidemiyası ilə mübarizə aparmaq iqtidarındayıqmı? Dünyada hansı sivilizasiyalar dominantlıq edir – Şərq, Qərb? Terrorizmə qarşı hansı tədbirləri görməliyik? Müəllif özünəməxsus aydın fikirlərlə diqqətimizi bugünkü dünyamızın heyrətamiz problemlərinə cəlb edir. Kitabın əsas hədəfi oxucunun fikrini dünyadakı daimi və təhlükəli dəyişikliklərə yönəltmək, həm də onda həyat qabiliyyətini gücləndirmək, rəhmdillik hissini və kritik düşünmə vərdişlərini inkişaf etdirməkdir.
Yaratmaqla məhv etmək arasında qalmaq, həyatla ölüm arasında qalmaq kimidir. Qaranlığın dərinliklərindən bir şimşək kimi çaxan kiçik işıq parıltısı. Parıltının nə qədər uzaqda olduğu bilinməsə də, o, sürətlə böyüyərək sənə tərəf gəlir. O parıltı, sanki nə isə böyük bir şeyin partlayışı. Amma bu partlayış hər şeyi yox etmək üçün deyil, yaratmaq, var etmək üçün gəlir. Bu güc yaradılışın gücüdür. Belə bir gücün nəyinsə məhvindən yarandığı aydındır. Bəlkə də, bir şeyləri yaratmazdan əvvəl, başqa bir şeyləri məhv etmək məcburiyyətindəsən. Axı gələcəyi qurmaq üçün keçmişi yıxmaq lazımdır. Bəlkə də, o işıq sənin üçün gəlir. Çünki sən də keçmişin bir parçasısan. Bu, qaranlıq tunelin sonunda görülən işıq kimidir. Özü ilə həyat gətirən işıq sənə ölüm gətirəcək. Ölümdən qorxursan? Səncə ölmək qorxuludur, yoxsa yaşamaq? Məncə, ölümdən qorxmamalısan. Sən onun gəldiyini heç hiss etməyəcəksən. Yaşamaq ölümdən daha qorxuludur. Kainata yaşamı bəxş edən həyatın mənbəyi, həyat ilə birlikdə ölümü də gətirəcək. Əzablı bir həyat yaşadığın üçün sən sonda ölümlə mükafatlandırılacaqsan. Ölümdən sonra nə olacağını bilmədiyin üçün ondan qorxursan. Amma nə səbəbə yaşadığını bilməsən belə, yenə də "Yaşamaq gözəldir" deyirsən. Sənin üçün nə fərqi var? Ölümdən sonra nə olacağını düşünməkdənsə, nə üçün yaşadığını düşün. Amma yaratmaq məhv etməkdən daha yaxşıdır, elə deyilmi? Hər yeni yaradılış özündən əvvəlkinin məhv olmağı deməkdir. Xaosdan yaranan nizam və nizamın sonunu gətirən xaos. Xaos olmasa, nizamın dəyəri bilinməz. Xaos olmasa, nizama da ehtiyac olmaz. Nizam yaratmaq üçün ilk növbədə xaos yaratmalısan. Xaosdan nizam yaradıb hər şeyi qaydasına salan, əlbəttə ki, yaxşı birisi olmalıdır.

Hər şey bir dönüş nöqtəsiylə başlayır...

Bəzən hər şeyin bitdiyini düşündüyün anda, ruhunun dərinliklərində gizlənmiş, bir qığılcıma həsrət qalmış çağırış özünü xatırladır. Sənin uzun müddət bu vəziyyətə düşməyinə səbəb olan sərhədlər aradan qalxır və sən asta, amma inamlı addımlarla daxilində dərinləşən gerçəkliyə doğru irəliləməyə başlayırsan.

Ərsəyə gətirdiyim bu kitab, əslində, tək bir insanın daxilində yaşadığı çətinlikləri deyil, iç dünyasında dolub-daşan suallara sükutun kölgəsində cavab axtaranların keçdikləri yoldur. Unutma ki, həyat hər kəsin qapısını müxtəlif zamanlarda və məkanlarda, amma eyni məqsədlə döyür: özünü yenidən xatırlayıb, içinə yuvarlandığın boşluqdan xilas ola biləsən deyə.

Oxuyarkən sənə tanış gələn səhnələrlə qarşılaşacaqsan. Sözlər, hadisələr, yaşananlar səni düşündürəcək, uzun müddət daxilində yatıb qalmış duyğulara xəfifcə toxunacaq.

İnsan bu həyatda öz mahiyyətini dərk etdikdə, axtardığı hər mənanın daxilində təcəssüm etdiyini gec də olsa anlayır.

İndi isə rahat bir nəfəs al və birlikdə iç dünyamıza doğru çıxacağımız bu səyahətdə, səni hansı duyğuların qarşılayacağını hiss edərək, öz həqiqətinə doğru inamla addımla.
Nizami Gəncəvi yaradıcılığının ən yüksək zirvəsi və Şərq poeziyasının ən parlaq incisi sayılan "İskəndərnamə" "Xəmsə"nin beşinci kitabıdır. Dahi şair yaradıcılığının əzəmətli yekunu olan bu son əsərində ömrü boyu arzuladığı, həyatda görmək istədiyi ideal cəmiyyəti təsvir edib.

"İskəndərnamə" poeması iki hissədən ibarətdir: birinci hissə "Şərəfnamə", ikinci hissə "İqbalnamə" adlanır. "İqbalnamə" "Şərəfnamə" ilə bir yerdə bütöv əzəmətli əsər olan "İskəndərnamə"nin bir-biri ilə sıx bağlı iki budağıdır.

"Şərəfnamə"də İskəndərin elm və siyasət aləmindəki böyük nailiyyətləri göstərilir.

"İqbalnamə"də İskəndər kamil insan, alim və ağıllı, müdrik bir filosof kimi təsvir olunur. Bu hissədə Nizami ictimai, fəlsəfi düşüncələrə üstünlük verib, insan ağlının təntənəsindən bəhs edib, eləcə də insan və təbiət, yaradılış və dünya, həyat və ölüm, elm və din kimi məsələlərlə bağlı dövrün ən qabaqcıl görüşlərini əks etdirib.

Bu kitab "İskəndərnamə"nin ikinci hissəsi "İqbalnamə" dir.


Nizami Gəncəvi yaradıcılığının ən yüksək zirvəsi və Şərq poeziyasının ən parlaq incisi sayılan "İskəndərnamə" "Xəmsə"nin beşinci kitabıdır. Dahi şair yaradıcılığının əzəmətli yekunu olan bu son əsərində ömrü boyu arzuladığı, həyatda görmək istədiyi ideal cəmiyyəti təsvir edib.

"İskəndərnamə" poeması iki hissədən ibarətdir: birinci hissə "Şərəfnamə", ikinci hissə "İqbalnamə" adlanır. "İqbalnamə" "Şərəfnamə" ilə bir yerdə bütöv əzəmətli əsər olan "İskəndərnamə"nin bir-biri ilə sıx bağlı iki budağıdır.

"Şərəfnamə"də İskəndərin elm və siyasət aləmindəki böyük nailiyyətləri göstərilir, onun tərbiyəsindən, təhsilindən, hökmdarlığından, yürüşlərindən və ümumiyyətlə, böyük şan-şövkətə çatmasından bəhs olunur.

"İqbalnamə"də İskəndər kamil insan, alim və ağıllı, müdrik bir filosof kimi təsvir olunur.

Bu kitab "İskəndərnamə"nin birinci hissəsi -"Şərəfnamə"dir.
Xalq şairi Bəxtiyar Vahabzadə Azərbaycan milli şeirinin ən işıqlı simalarındandır. Təkcə Azərbaycanda deyil, bütün türk dünyasında, eyni zamanda, dünyanın bir çox ölkələrində tanınır və sevilir. O, hər zaman ehtiramla anılan imzalardandır. Sizə təqdim etdiyimiz bu kitabda şairin müxtəlif illərdə qələmə aldığı və oxucular tərəfindən maraqla qarşılanan poetik nümunələri toplanıb. Kitab "Qanun” nəşriyyatının yeni layihəsində işıq üzü görür. Layihə "Azərbaycan poeziyası seçmə şeirlər” adlanır.


Bu fundamental əsər hüququn mahiyyəti, mənşəyi və konseptual əsaslarını hüquq nəzəriyyəsinin müasir metodologiyası çərçivəsində sistemli şəkildə araşdırır. Hüquq təkcə normativ aktlar toplusu kimi deyil, eyni zamanda sosial, siyasi və mədəni kontekstlərlə qarşılıqlı təsirdə olan dinamik və kompleks bir institut kimi təqdim olunur.
Əsərdə hüququn fəlsəfi və nəzəri əsasları Platon və Aristotelin klassik təlimlərindən başlayaraq H.L.A. Hart-ın hüquqi pozitivizmi, Hans Kelsen-in saf hüquq nəzəriyyəsi, Ronald Dworkin-in hüquqi interpretivizmi və Lon Fuller-in prosedur ədalət yanaşması əsasında müqayisəli və tənqidi təhlil olunur. Müəllif hüququn struktur elementlərini (hipoteza, dispozisiya, sanksiya), mənbələr sistemini (qanun, adət, məhkəmə presedenti və hüquqi doktrina) və hüquq–ədalət münasibətini dərin elmi əsaslarla izah edir.
Əsər eyni zamanda hüquq nəzəriyyəsinin əsas metodoloji yanaşmalarını — analitik, tarixi, sosial-hüquqi, normativ və müqayisəli metodları nəzəri və tətbiqi müstəvidə izah edir. Əlavələr bölməsində debat əsaslı müzakirələr, rol oyunları və kazus analizləri vasitəsilə hüquq təliminin interaktiv metodlarına xüsusi yer ayrılıb. Bu yanaşma hüquq tələbələrinin hüquqi təfəkkürünü formalaşdırmaq və nəzəri bilikləri praktik kontekstdə tətbiq etməyə imkan yaratmaq məqsədi daşıyır. Kitab hüququn statikasına, yəni hüquq sisteminin sabitlik və normativliyinə fokuslanaraq hüququn strukturlaşdırılmış və ardıcıl məntiqini anlamaq istəyənlər üçün nəzərdə tutulub. Əsər, xüsusilə hüquq
fakültələrinin tələbələri, müəllimlər, doktorantlar və hüququn fəlsəfi aspektlərinə maraq göstərən akademik auditoriya üçün nəzərdə tutulmuşdur.
Azərbaycan xalqının yetişdirdiyi böyük şairlərdən biri də Məhəmmədhüseyn Şəhriyardır. İranda Azərbaycan dilində təhsil verən məktəb olmadığı üçün, orada yaşayan bütün soydaşlarımız kimi, Şəhriyar da təhsilini fars dilində alıb. Bir gün anası Şəhriyara deyib: “Oğlum, analar dilsiz uşaqlarını belə, dilindən anlayırlar. Sən şeirlərini hansı dildə yazırsan ki, mən onlardan heç nə başa düşmürəm?” Doğma anasının bu sözləri və haqlı iradı şairə təsir edib, o, sanki qəflət yuxusundan ayılıb. Bir qədər sonra
Şəhriyar dillər əzbəri olan “Heydərbabaya salam” əsərini yazıb. Şair öz xatirələrində bu barədə deyirdi: “Heydərbabaya salam” əsərini yazana qədər elə bil ürəyimdə bir tikan ilişib qalmışdı. Nədən yazsam da, necə yazsam da, bu tikan ürəyimdən çıxmırdı ki, çıxmırdı”.

İnsan müxtəlif yollarla həyatını dəyişmək iqtidarındadır. Bunlardan biri də affirmasiyadır. Yəni müəyyən bir ifadənin dəfələrlə təkrarlanması yolu ilə insanın təhtəlşüurunda tələb olunan məfhumun yaradılması. Bununla istənilən anlayışı düzgün başa düşməyi, ondan istifadə etməyi, onun hər bir faktiki aspektini dəyişib təkmilləşdirməyi bacarırsınız. Bu yolda bələdçiniz dünyanın ən çox oxunan müəlliflərindən biridir. Siz hər bir söz və düşüncə vasitəsilə öz həyat təcrübənizi yaradacaq, təsdiq və inkişaf etdirəcəksiniz. Sizi sevinc dolu həyata səsləyən kitabın şüarı belədir: “Mən hər şeyə qadirəm!"

Bəzən insanın içində elə bir səs var ki, nə susur, nə də qışqırır - sadəcə yanır. O səs söz olur, misra olur, könülə düşür. Mənim sözüm də elə uşaqlıqdan bu közlə yoğrulub – əvvəlcə pıçıltı kimi, sonra ahəng kimi, indi isə bu kitab kimi...

İlk şeirim 1976-cı ildə, 16 yaşımda Ucarın "Yeni söz" qəzetində dərc olunanda, heç bilməzdim ki, bu söz yolu məni illərlə öz içimə doğru aparacaq. O vaxt "Sevgi” deyib başladım... Sonra Mingəçevirdə, "Mingəçevir işıqları'nda, doğma yurdumun "Həbibi yurdunun nəğmələri”ndə və "Ziyalı” qəzetində sözüm yer aldı. Amma içimdə bir şey tamamlanmamış qalırdı. Bir köz vardı ruhumda onu bütöv bir səslə dilləndirmək istəyirdim.

İllər keçdi. Dünya dəyişdi, mən də dəyişdim. Amma o köz...
Fukuyamanın təqdimatında tarixin sonu heç də tarixi proseslərin dayanması və insanlığın inkişafının sona çatması kimi şərh edilmi. Bu, sadəcə, insanların qarşılıqlı münasibətlərində, cəmiyyətdaxili və ölkələrarası əlaqələrdə, münaqişə və qanlı savaşlara gətirib çıxaran iqtisadi, siyasi, mənəvi amillərin aradan qalxması və öz yerini iqtisadi sahədə azad bazar münasibətlərinə əsaslanan kapitalizmə, idarəetmədə isə insanların universal bərabərliyi prinsipinə əsaslanan liberal demokratiyaya, respublika idarə üsuluna verməsidir.

Fukuyama özünün tarix konsepsiyasını əsaslandırmaq üçün ən müxtəlif mənbələrdən, indiyədək mövcud olmuş aparıcı elmi-fəlsəfi cərəyanlardan söz açır və inandırıcı dəlillərlə oxucunu addım-addım "tarixin sonuna" yaxınlaşdırır.
20 iyul 2025-ci il tarixinədək olan dəyişikliklərlə

Müsəlman azərbaycanlı Əli Xan Şirvanşir və xristian gürcü Nino Kipiani müxtəlif dinlərə, mədəniyyətlərə və dünyagörüşlərinə sahib gənclər olmalarına rəğmən bir-birini sevirlər. Onların sevgisi həm fərdi, həm də milli kimlik, Şərq və Qərb qarşıdurması fonunda inkişaf edir. Əsər yalnız romantik bir hekayə deyil. O, mədəniyyətlərarası dialoq, milliyyətçilik, azadlıq və varlıq mübarizəsi kimi dərin mövzuları da özündə birləşdirir.

Əsərdəki hadisələr XX əsrin əvvəllərində Rusiya imperiyasının süqutu, Birinci Dünya Müharibəsi və Azərbaycan Xalq Cümhuriyyətinin yaranması dövründə Bakıda baş verir.

"Əli və Nino" ən məşhur və beynəlxalq səviyyədə tanınan Azərbaycan romanıdır. Dünyanın 40-a yaxın dilinə tərcümə edilib, 70-ə yaxın ölkədə nəşr olunub. Əksər Avropa ölkələrində əsrin romanı kimi bestseller zirvəsinə yüksəlib.

Səlahəddin Əyyubi XII əsrdə Orta Şərqdə parçalanmış müsəlman dünyasını yenidən birləşdirən, İslam aləminə böyük təhlükə yaradan Xaç yürüşlərinin qarşısını alan və 88 ildir Xristian əsarətində olan Qüds şəhərini səlibçilərdən təmizləyərək yenidən ələ keçirən tarixdəki ən böyük liderlərdən biridir. Comərdliyi, tabeçiliyində olan bütün din və millətdən olan xalqlara qarşı tolerantlığı, dostuna, düşməninə qarşı daim hörmətlə yanaşması, döyüş və zor tətbiqinə sonuncu çarə kimi yanaşması onu nəinki müsəlman-şərq dünyasında, eləcə də bütün qərb və xristianlar arasında sevimli qəhrəmanlardan birinə çevirmişdir.
İngilis tarixçi və yazar John Man kitabda Səlahəddin Əyyubininin həyatını uşaqlıq illərindən ölümünə qədər çox fərqli üslubda təsvir etmişdir. Müəllif Səlahəddinin hakimiyyətə necə gəldiyini, yürütdüyü siyasət ilə parçalanmış müsəlman torpaqlarını necə birləşdirdiyini və nəhayət ən böyük zəfəri Qüds şəhərini necə azad etdiyini detallı formada gözlərinizdə canlandırır.
Bu gün Yaxın, Orta Şərqdə baş verənləri daha yaxşı başa düşmək, hadisələrə tarixin daha geniş pəncərəsindən baxmaq üçün bu kitab əvəzolunmaz mənbədir. Həmçinin müsəlman dünyasının ən böyük qəhrəmanlarından olan Səlahəddin Əyyubinin həyatını qərbli tarixçi və yazarın qələmindən oxumaq xüsusilə maraq yaradır.
Dünyaca məşhur ingilis tarixçi və yazar John Man əvvəllər “Reuters” agentliyində jurnalist kimi fəaliyyət göstərib. 1941-ci ildə doğulmuş yazar dünyanın bir çox dillərinə tərcümə olunmuş 20-ə yaxın tarixi əsərin müəllifidir.

.

Ən məşhur əsəri olan “Məsnəvi”dən xüsusi diqqətlə seçilən düşündürücü, yol göstərən, tərbiyəvi və hikmətamiz əhəmiyyətə malik olan bu hekayələrdə Mövlana öz müdrikliyi ilə insan ruhunun dərinliklərinə enərək, həyatın hər bir üzünü öyrədir.
Oxuyacağınız hekayələrdə "Məsnəvi”nin sirlərini, incəliklərini və hikmətlərini kəşf edərək, yeni üfüqlərə yelkən açacaqsınız.
“Sirlər xəzinəsi” (“Məxzənül-əsrar”) bö­yük Azərbaycan şairi Nizami Gəncəvinin Ya­xın Şərqdə “Beş xəzinə” adı ilə şöhrət qa­zanmış “Xəmsə”sinin ilk məsnəvisidir. Şair bu əsəri təxminən 1178-79-cu illərdə yazaraq Ərzincan hakimi Davud oğlu Məlik Fəxrəddin Bəhram şaha (1162-1225) ithaf edib.
“Sirlər xəzinəsi” yazılı ədəbiyyata Ni­zami tərəfindən gətirilmiş səri bəhrində ya­zılıb. Əsərin kompozisiyası da ori­ji­naldır.
Əsərin canını iyirmi məqalat təşkil edir. Ni­zami hər məqalatda bir məsələ qoyub irəli sürdüyü fikri atalar sözləri kimi dərin mənalı beytlərlə canlandırır.
Şair, əsasən, öz müasirlərinə xitab edir: hökmdarlara, dövlət adamlarına və oxu­cu­la­rına nəsihətlər verərək, onları pis əməl­lər­dən çə­kinməyə çağırır.
Şairin bu dərin mənalı, dövrü üçün son də­rəcə mütə­rəqqi fikirlərinin məcmuəsi olan “Sirlər xəzinəsi” bugünkü Azərbaycan oxu­cusu üçün tükənməyən qaynaqdır.



Bastiani qalasında sıxıntılı günlər keçirən, əvvəlcə heç bir gün də qalmaq istəməyən gənc leytenant Covanni Droqo burada ancaq dörd ay qala biləcəyinə qərar verir. Amma yaşadığı o dörd ayın hadisələri, hərbçi qüruru və Tatar çölünün vəhşi cazibəsi ayları illərə çevirir.“...Qalanın qoruyucu məntəqələrindəki üzücü həyat, ölgün şimal çölünü nəzərdən keçirməsi, həyatda uğur qazana bilmədiyinə görə ümidsizliyə qapılması, uzun illər gözləməsi ona boş bir şey kimi gəldi...”Görkəmli İtaliya yazıçısı Dino Bussatinin ilk romanı olan “Tatar çölü” dünya ədəbiyyatının şedevrlərindən sayılır. Roman həyatın mənasına və insanın taleyə boyun əyməsinə tamam başqa yöndən nəzər salır.
Əgər sirlərlə dolu tərk edilmiş bir evə təsadüf etsən, nə baş verə bilər? Bəlkə, heç nə olmaz... Amma bəlkə də, bu ev inanılmaz güclər bəxş edər. Bəs bu sirli hadisənin və cəsarətli bank oğurluqlarının arxasında kim dayanır? Bu suallara Eldar, Lili, Adam və Ron cavab tapmalıdır. Onlar bu həyəcanverici macərada təkcə sirləri açmaqla kifayətlənməyəcək, həm də həyatlarını sonsuza qədər dəyişəcək yeni qabiliyyətlərini öyrənəcəklər.
XVII əsr ispan mütəfəkkiri, böyük alman şairi H.Heynenin təbirincə desək, “əsrinin birinci adamı” Baltasar Qrasianın “Kamillik elmi” fəlsəfi traktatı uzun əsrlər nəinki dövlət
adamlarının, həm də filosofların masaüstü kitabı olub. Sevindirici haldır ki, belə dərin məzmunlu və eyni zamanda anlaşıqlı əsər doğma dilimizdə nəşr olunub. Kitab həm in-
diki, həm də gələcək gəncliyi kamilliyə və saflığa çıxaracaq.
Xalq şairi Sabir Rüstəmxanlının “Qarabağa dönüş” poemasında 44 günlük Vətən Müharibəsinin qəhrəmanlıq səhnələri ilə yanaşı, xalqımızın müstəqillik və bütövlük uğrunda mübarizəsi yüksək bədiiliklə tərənnüm edilir.
“İnsanların Oynadığı Oyunlar” (Games People Play) insan davranışlarının təhlilinə yeni yanaşma gətirən önəmli psixoloji əsərdir. Kitabda gündəlik sosial münasibətlərdə
fərqinə varmadan daxil olduğumuz “oyunlar” təhlil edilir və bu davranışların şüuraltı motivləri açılır. Kitab insanın daxili “Uşaq”, “Valideyn” və “Yetkin” vəziyyətlərini əsas
götürən transaksional analiz metoduna söykənir və həyatdakı çoxsaylı münasibət modellərini bu sistemlə izah edir. Bernə görə insanlar çox vaxt açıq və səmimi əlaqələr
qurmaq əvəzinə, müxtəlif psixoloji oyunlara əl ataraq həm özlərini, həm də qarşısındakıları manipulyasiya edirlər. Məsələn, “Bax, səni tutdum!”, “Sənin üzündən”, “Əgər sən olmasaydın” kimi oyunlar şəxslərarası münasibətləri və həyat seçimlərini necə təsirləndirdiyini göstərir. Bu kitabda oxucu insan münasibətlərinin təbiətini, özünün və digərlərinin davranış səbəblərini anlamağa kömək edən bir çox məsləhətlər tapa biləcək. Müəllifin fikrincə, hər birimizin taleyi bir çox cəhətdən hələ uşaq vaxtlarımız-
da müəyyən olunur, lakin sonra əgər istəsək, öz həyatımızı özümüz idarə edə bilərik. Kitab həm psixologiya mütəxəssisləri, həm də insan təbiətini anlamaq istəyən geniş oxucu auditoriyası üçün nəzərdə tutulub.

Sәnan sufi şeyxidir. Dövrünün böyük şəxsiyyətdir. Sayılır, seçilir, müəyyən bir kütləyə rəhbərlik edir. Şeyx Sənan bir gün Kəbəyə yola düşür. Məqsədi islamı ayaqda
saxlamaqdır. Şeyx adından çox qorxur. Bütün şər işlərin mənbəyini onda görür. Lakin bir gün hər şey dəyişir. Şeyx Sənan Xumar adlı bir qıza aşiq olur. Həm də xristian bir
qıza. Zamanına görə islam şeyxinin xristian qızına aşiq olması heç də ürəkaçan hal deyildi. Lakin güclü sevgi Şeyx Sənanı boynundan xaç asmağa qədər aparır. Daha sonra islamın müqəddəs kitabını yandırmaq imtahanı ilə üz-üzə qalır...

Bizə nifrət etməyi öyrətdilər, amma bu nifrətin bir oyun olduğunu deməyi unutdular.

Abunə Ol