Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Detektiv

Kateqoriyalar

Cildi

Müəlliflər

Tərcüməçilər

Səhər tezdən «Şərq ekspresi»nin birinci dərəcəli kupesində kişi meyiti tapılır. Tərs kimi o an qatar yolda qalaqlanmış nəhəng qar yığnağına çatıb dayanır. Detektiv Puaro qətl hadisəsini araşdırmağa başlayır. Qatardakı hər bir mötəbər sərnişinin və ya texniki heyət üzvünün qatil çıxma ehtimalı var. Yalnız Puaro kimi mahir detektiv öz iti məntiqi sayəsində belə bir dolaşıq işi açmağa kömək edə bilər... Dünya detektiv ədəbiyyatının şedevrlərindən sayılan roman müəllifin digər əsərləri kimi oxucunun böyük marağına səbəb olacaq.
Aqata Kristinin “Endhauzda təhlükə” romanı məşhur belçikalı detektiv Erkül Puaronun növbəti maraqlı istintaq macərasını oxuculara təqdim edir. Bu əsər, müəllifin klassik detektiv üslubunun ən gözəl nümunələrindən biridir və oxucunu ilk səhifədən son səhifəyə qədər gərginlik içində saxlayır. Puaro dostu Kapitan Heystinqs ilə birlikdə End-
hauz adlı malikanənin yaxınlığında dincəlmək üçün İngiltərənin Kornuoll sahillərinə yollanır. Lakin burada o, gənc və cazibədar Nikki Bakli ilə tanış olur və onun bir
neçə dəfə müəmmalı şəkildə ölüm təhlükəsindən qaçdığını öyrənir. Puaro baş verənlərin sadə təsadüf olmadığını anlayır və gənc qadının həqiqətən də bir sui-qəsdin
hədəfi olduğunu düşünərək istintaqa başlayır. İrəlilədikcə hadisələr daha da dolaşıq hal alır, şübhəlilər çoxalır və oxucular sürpriz dolu bir sonluğa doğru aparılır. “Endhauzda təhlükə” Aqata Kristinin qatilin kimliyini ustalıqla gizlətmək bacarığını nümayiş etdirən və Puaronun iti zəkasının parladığı ən maraqlı romanlardan biridir.
Aqata Kristinin “Əlifba sırası ilə qətllər” romanı dahi detektiv Erkül Puaronun qarşılaşdığı ən sirli və çətin cinayət işlərindən birini təqdim edir. Bu dəfə qatil qeyri-adi
bir üsul seçib – qurbanlarını əlifba sırasına uyğun öldürür və hər cinayətdən əvvəl Puaronu məktubla xəbərdar edir. Hekayə A hərfi ilə başlayan Andover şəhərində Alis Aşer adlı bir qadının öldürülməsi ilə başlayır. Daha sonra Bexhilldə Betti Barnard qətlə yetirilir. Qatil hər dəfə cinayətin baş verəcəyi yeri və qurbanını əlifba sırası ilə seçir və sanki Puaroya meydan oxuyur. Puaro və onun sadiq dostu Kapitan Artur Heystinqs bu müəmmalı cinayətləri araşdırarkən şübhəlilər siyahısı genişlənir, ipucları isə getdikcə daha da dolaşıq bir hal alır. Lakin Puaro özünəməxsus məntiqi və müşahidə qabiliyyəti ilə bu qanlı oyunun arxasındakı həqiqəti üzə çıxarmağa çalışır. “Əlifba sırası ilə qətllər” oxucunu son səhifəyə qədər gərginlik içində saxlayan, ağıllıca qurulmuş süjeti və gözlənilməz sonluğu ilə detektiv janrının klassik nümunələrindən biridir.
Amerikanın ən varlı şəhərlərindən olan Sietldə cinayət hadisəsi baş verir. Prokurorluqdan bu hadisənin araşdırılması ilə bağlı müstəntiq Boris Vilyams və xəfiyyə Riçard Brauna təlimat verilir. Müstəntiq və xəfiyyənin axtarışları zamanı silsilə qətllər baş verir. Fərqli yerlərdə tapılmış cəsədlər şəhərdəki insanları qorxuya salır. Qatil bütün "şikarlarının" boynuna üçbucaq şəkli çəkir. Üçbucağın nə üçün çəkildiyini öyrənməyə çalışan müstəntiq və xəfiyyə qatilin növbəti hədəfini öyrənirlər. Qətllərin "imzası" olan üçbucağın sirri müstəntiq və xəfiyyənin araşdırması nəticəsində açılır.
Bu əsər var-dövlətin insanı həmişə xoşbəxtliyə gətirib çıxarmadığından, bəzən cibində beş manatı belə ol-mayanın özünü varlıdan daha xoşbəxt hiss etməsindən, saf məhəbbətdən, eqoizmin, yəni özünü başqalarından daha üstün hesab etmənin, tamahın insanı necə vəhşiləşdirdiyindən, bir də ki, haqqın qələbəsindən bəhs edir.
Ədalət gecikmədən, vaxtında öz hökmünü verməlidir. Gecikmiş ədalət arxadan atılmış daş kimidir, hədəfə dəysə belə, insanlarda haqqa inamı azaldır.

Toy ərəfəsində olan gənc Nərminlə nişanlısı Fərhadın qəfil ayrılığı silsilə qətllərlə müşayiət olunur. Əvvəlcə Fərhadın özünün qəzaya düşərək ölməsi xəbəri yayılır. Dalınca Nərminin anası öldürülür. Sonra gənc bir qadın... Daha sonra tanınmış bir həkim... Qatil öldürdüyü adamların ovcunda Nərminə sevgi məktubu göndərir. Beləliklə, şübhələr qəzada öldüyü ehtimal olunan Fərhadın üzərində cəmləşir.
Belə bir vəziyyətdə cinayət-axtarış şöbəsinin rəisi İmran bəy işə başlayır. Nərmin də anasının qatilini tapmaq və ətrafındakı müəmmanı çözmək üçün ona yardım edir. Lakin iş getdikcə çətinə düşür. Hətta İmranın hüquq-mühafizə orqanlarından kənarlaşdırılması ilə nəticələnir. İnadkar qəhrəman isə geri durmur. İşi sona çatdırıb qatili yaxalayır.
Kitabda maraqlı detektiv süjet qarışıq sevgi münasibətləri ilə çarpazlaşaraq mürəkkəb bir düyünə çevrilir. Finala doğru bu düyün açılır və hər şey oxucu üçün aydınlaşır.
Lakin heç kimin gözləmədiyi qeyri-adi bir sürprizlə...

Aqata Kristinin “Qəhvəyi Kostyumlu Adam” əsəri oxucuları sirr, macəra və həyəcan dolu bir hekayəyə aparır. Gənc və macəra axtarışında olan Anna Beddingfild təsadüfən Londonda müəmmalı bir hadisənin şahidi olur. Bir adam metroda qəfil yıxılaraq ölür, amma Anna bununsadəcə bir bədbəxt hadisə olmadığını hiss edir.
Hadisə yerində tapılan bir kağız parçası onu Cənubi Afrikaya aparacaq bir ipucuya çevrilir. Burada Anna özünü intriqalar, qətllər və casusluqla dolu təhlükəli bir səyahətin ortasında tapır. Sirlər içində gizlənən“ qəhvəyi kostyumlu adam” kimdir və onun bu hadisələrdəki rolu nədir?
Kristinin bu romanı yalnız detektiv janrının deyil, həm də macəra və romantikanın ən yaxşı elementlərini birləşdirir. “Qəhvəyi Kostyumlu Adam” oxucuları son səhifəyə qədər maraqla tutacaq, gözlənilməz dönüşlərlə dolu klassik bir əsərdir. Bu kitab hər kəsə gizli sirləri və möhtəşəm hekayələri sevənlər üçün mükəmməl bir seçimdir.
Aqata Kristinin “Çimniys malikanəsinin sirri” əsəri intriqa, beynəlxalq sui-qəsd və klassik detektiv janrının ustalıqla birləşdirildiyi bir hekayədir. Macəraçı gənc Entoni Keyd bir əlyazma və bir neçə kompromat məktubu Londona çatdırmaq vəzifəsini qəbul edir. Lakin sadə bir xahiş kimi başlayan bu hadisə tezliklə cinayət, siyasi intriqa və oğurlanmış qiymətli daşlarla dolu mürəkkəb bir sirrə çevrilir.
Hadisələrin mərkəzində möhtəşəm Çimniys malikanəsi dayanır. Burada Avropa aristokratları, məkrli siyasətçilər və sirli macəraçılar kimi rəngarəng personajlar toplanır. Cinayəti həll etmək və millətləri silkələyə biləcək təhlükəli bir sirri üzə çıxarmaq üçün Entoni Keyd aldadıcı planlar və təhlükələr arasında həqiqəti tapmağa çalışır.
Kristinin özünəməxsus gözlənilməz dönüşləri ilə dolu olan “Çimniys malikanəsinin sirri”, oxucuları son səhifəyə qədər maraqda saxlayan həyəcan və yumorla dolu bir əsərdir. Klassik detektiv əsərləri sevənlər üçün bu kitab mütləq oxunmalıdır.

“Qızılgülün adı” intellektual postmodernizmin və XX əsr romançılığının ən parlaq nümunələrindən biri, Umberto Eko yaradıcılığının kulminasiyasıdır. Bu romanda müasir fəlsəfi fikrin bəşəriyyətə bəxş etdiyi bir çox düşüncə nemətləri – ikili qiymətləndirmədən, Mərkəzin kənar üzərində, Mütləqin nisbilik qarşısında, Həqiqətin həqiqətlər üzərində, əminliyin şübhə qarşısında, ehkamın təhlil üzərində ağalığından imtina, patiş, intertekstuallıq, semiotika və s. kimi anlayışlar əyaniləşərək, “Biz buyuq!” deyir.
Bu o romanlardandır ki, ədəbiyyatı sevməyənlər belə, ümumi dünyagörüşün inkişafı naminə onu oxumalıdırlar. Çağdaşımız olan böyük Qərb mütəfəkkirinin qələmindən çıxmış böyük Qərb mədəniyyətinin bəhrəsi olan bu roman tanınmış nəzəriyyəçilərin və dünya oxucularının alqışını qazanıb.


Stenoqrafçı qız divanın arxasından kişi cəsədi aşkar edir… Şeyla Veb ona verilən təlimata əsasən Vilbraham Kresent küçəsi, 19 nömrəli evə daxil olmuşdu. Evə daxil olduqdan sonra dəhşətli hadisə ilə qarşılaşdı; qonaq otağının döşəməsində sərilmiş bir kişi cəsədi... Cinayətin Puaroda maraq oyandıran tərəfi isə zaman faktoru idi. Şokda olmasına baxmayaraq Şeyla ququ saatının üçü vurduğunu aydın bir şəkildə xatırlayırdı. Lakin qonaq otağındakı dörd saat isə saat 4.13-ü göstərirdi. Ən qəribəsi isə bu saatlardan sadəcə biri ev sahibinə məxsus idi!
Aqata Kristinin “Onlar Bağdada gəldilər” əsəri beynəlxalq intriqalar, romantika və macəra dolu bir əsərdir. Roman müharibədən sonrakı Bağdadın ekzotik mənzərəsində baş verən, Londonda adi bir katibə işləyən, lakin qeyri-adi aldatma bacarığı olan Viktoriya Consdan bəhs edir.
Viktoriya təzəcə tanış olduğu adamla yenidən görüşmək üçün impulsiv şəkildə Bağdada səfər edir. Lakin orada özü də bilmədən casusların və sui-qəsdçilərin şəbəkəsinə qoşulur. Şəhərdə gizli bir beynəlxalq tədbir planlaşdırılır və qaranlıq qüvvələr bu görüşü pozmaq üçün heç nədən çəkinmir. Viktoriya, ölməkdə olan bir adamın ona sirli bir mesaj əmanət etməsindən sonra yüksək riskli hadisələrin mərkəzinə çevrilir.
“Onlar Bağdada gəldilər”, təhlükə, həyacan, yalanlar və qətiyyət dolu cəlbedici bir romandır. Canlı personajları və təsirli atmosferi ilə bu roman, Kristinin ənənəvi detektiv hekayələrindən fərqlənir və hər şeyin göründüyü kimi olmadığı bir dünyaya unudulmaz səyahət vəd edir.


Göygöl rayonunun mərkəzində yerləşən estetikliyi ilə hər kəsi məftun edən böyük və əzəmətli malikanəyə camaat “Qırmızı damlı malikanə” deyirdi. Malikanə qədər onun sakinləri də daim maraq dairəsində olur, həyat tərzləri insanların dilindən düşmürdü.
Bir gün malikanədə qonaqlıq təşkil olunur. Həmin gün malikanənin sahibi Vasif Əsədovun kabinetində onunla arasında ədavəti olan və illərdir Londonda yaşayan qardaşının meyitini tapırlar. Bütün şübhə oxları dərhal ev sakinlərinə yönəlir. Qətli törətmək üçün hərə özünə görə ən azı bir səbəbə malik olur. Ancaq heç kəs qurbanın boğulduğu ulduzlu boyunbağıdan və cinayətin işlənmə şəklindən baş aça bilmir. Cinayətkarı tapmaqda çətinlik yarandığına görə rayon prokuroru təqaüddə olan məşhur polis Araz Qarayevə müraciət edir. Vəziyyət isə gündən-günə ağırlaşmaqda davam edir.
Qurbanın qardaşı Vasif həmin cinayətə görə həbs olunanda hər kəs günahkarın tapıldığını düşünür. Ancaq ortalığa çökən sakitlik çox keçmədən dəhşətli ölüm xəbərləri ilə pozulur. Baş verən hadisələr daha da qarışaraq kor düyünə çevrilir. İnsanlar qatili axtarmağa başlayır. Hətta qatilin özü belə…
Qırmızı damlı malikanədəki qansız qatil kimdir? Araz xüsusi peşəkarlıqla kamuflyaj olan qatili tapa biləcəkmi?
“Əsər oxucunu özünə o qədər cəlb edir ki, səhifələr vərəqləndikcə maraq artmaqla yanaşı, insanın ürəyinin ritmi də tezləşir”.
Tarix elmləri doktoru,
professor Minaxanım Əsədova


O, “seyf oğrularının” ən yaxşısıdır. İstənilən seyfi aça bilən və içindəkiləri götürə bilən adam. İndi isə?.. İndi isə naməlum müştərilər onu həbsdən çıxarıb qəribə bir “iş” tapşırıblar. Ölkədə ən çox qorunan seyfi açmaq – içərisinə bir şey qoymaq üçün. Nəyi? Bunu icraçı bilməli deyil. Qəribə işdir. O, həqiqətən, cinayətə cəlb olunduğunu anlayır və hərəkət etməyə başlayır. Onu bu işə cəlb edənlərin nəzərdə tutduğundan tamamilə fərqli hərəkət...


Rus yazıçısı Boris Akuninin “Qara Şəhər” romanı Azərbaycan oxucusu üçün ikiqat maraqlı olacaq. Çünki əsərdə hadi­sələr Bakıda, Qara şəhərdə, Yasamalda, İçərişəhərdə, Bibi­heybətdə cərəyan edir.
Əsərdə köhnə Bakı təsvir edilir. Hiss olunur ki, müəllif o dövrü, Bakının ictimai-siyasi, demoqrafik durumunu, neft fəv­varələri ilə varlanmış şəxslərin təmtəraqlı həyatını yaxşı öyrənib.
Bundan başqa, əsərdə Bakının Rusiyanın ucqar bir əyalət şəhəri olduğu, burada yaşayan ermənilərlə azərbaycanlıların münasibətləri dolğun şəkildə təsvir olunub.
Aydın olur ki, Bakı Rusiya imperiyasının ucqar şəhəri olsa da, buradakı həyat Moskva, Peterburq və Tiflisdəkindən də bahalıdır. Burada milyardlar dövr olunur, ona görə də istər imperiyanın özünün, istərsə də xarici dövlətlərin diqqət mərkəzindədir. O dövrdə yeni-yeni təşkilatlanan inqilabçı partiyalar da Bakıdakı milyonlardan öz nəsiblərini almaq, buradakı fəhlə sinfinin gücündən istifadə etmək istəyirlər.
Əsərin qəhrəmanı Erast Petroviç Fandorin Bakıya bacarıqlı və ələkeçməz bir inqilabçı-terrorçunu zərərsizləşdirməyə gəlir və elə qatardan endiyi andan etibarən başına ardı-arası kəsilməyən macəralar gəlir.
“Qara Şəhər” romanının ən maraqlı obrazlarından biri qoçu Qara Qasımdır. O, Fandorini ilk gündən son gününəcən müşayiət edir və sonda əsərin ən gözlənilməz personajı olduğu bilinir.
Böyük ehtimalla əsərin rezümesi olaraq gəlinən qənaət heç bir tarixi sənədə əsaslanmır və sırf yazıçı təxəyyülünün məhsuludur, amma əsərdən belə anlaşılır ki, I Dünya müharibəsinin başlanmasının başlıca səbəbi Qara Qasımın bir hərəkəti olub. O bunu etməsə, dünya müharibəsinin qarşısı alınacaqmış...
Bunu bilməkdən ötrü “Qara Şəhər”i oxumaq lazımdır.


Romanın qəhrəmanı, Rikin oğlu, Tomun atası, İngiltərə Təhlükəsizlik xidmətinin uğurlu məmuru Maqnus Piyem kimdir? Onun təhsilinə kimlər xüsusi nəzarət edirdi? O, kimin adamıdır? Maqnusun qəfildən yoxa çıxmağı təkcə onun dostlarını və həyat yoldaşını nigarançılığa salmamışdı, düşmənləri də xeyli narahat idi. Dövlət sirri təhlükə altındadır. Piyem haqqında həqiqətlər tədricən ortaya çıxır. Oxucu roman boyu məşəqqətli mübarizənin nəticəsində Maqnus Piyemin mükəmməl bir xəfiyyəyə necə çevrildiyinin şahidi olur.
John Le Carre romanları klassik xəfiyyə janrının ən dəyərli nümunələrindən biridir. Onun məharətlə yazılmış romanları dünyada böyük oxucu kütləsi qazanmasına səbəb olmuşdur. John le Carreyə ən böyük uğur gətirən əsər “Sonuncu Xəfiyyə” romanıdır.

Çağdaş Amerika ədəbiyyatının ən nəzərə çarpan yazıçılarından biri olan Paul Austerin “Nyu York Trilogiyası” “Ölümdən əvvəl oxunmalı 1001 əsər” siyahısındakı əsərlərdəndir. Bu kitab – “Şüşə Şəhər”, “Qarabasmalar” və “Qıfıllı Otaq” romanlarından ibarətdir. Dedektiv romanla postmodern strukturun sintezindən ibarət olan və Kafka yaradıcılığına uyğun bir üslubla yazılmış üç romanda yazıçı öz oxucusunu qıfıllı otaqlarda, keçmişdə və gələcəkdə, təhlükəli küçələrdə, xaotik və qarışıq xarakterə bürüdüyü qəhrəmanının arxasınca gəzdirdiyi ərəfədə, romanın hər səhifəsinə səpələdiyi kiçik işarələrə məna verməyi oxucunun öhdəsinə buraxır. O, qəhrəmanlarını həqiqi və ya xəyali qıfıllanmış otaqlara salır, azadlığı ancaq oradan qaçıb xilas olaraq əldə edə biləcəkləri bir dünya qurur, xilas üçün açarlar da verir. “Nyu York Trilogiyası” adi oxucu üçün sadəcə qıfıllı bir otaq və ya güzgülərlə doldurulmuş dəhlizdir, peşəkar oxucu üçün isə bu trilogiya, dünyanı tamamilə başqa prizmadan gözlərimizin qabağında nümayiş etdirərək ruhumuzdakı yaraları göstərən bir ümmandır.

Komissar Meqre Brüsseldə olarkən qəribə bir hadisənin şahidi olur. Cılız bir kişi külli miqdarda pulu sayaraq Parisə göndərir. Meqrenin instinktləri ona bu adam haqda nələrsə deyir. Komissar qatara minərək kişini Almaniyaya qədər təqib edir. Nələrsə çox tərs gedir və kişi ölür. Oynadığı təsadüfü rol Meqreni məyus edir. Lakin sonradan kişinin ölümü ətrafında iyrənc faktlar bir-bir açılır. Əsər vicdan əzabının insana verdiyi ağır yükdən bəhs edir. Bu yük həddindən çox ağırlaşanda faciə baş verir.
Amerika yazıçı-jurnalistləri: Fletçer Nobel və Çarlz Beylinin qələmə aldıqları "Mayın yeddi günü" romanı siyasi detektiv janrının ən parlaq nümunələrindəndir. Bunu əsərin 50-dən artıq əcnəbi dilə tərcümə olunması, milyonlarla nüsxədə və təkrar-təkrar nəşr edilməsi də sübut edir.
Romanda hadisələr Amerikada baş verir. Pentaqon rəhbərliyinin ABŞ-da mülki hakimiyyəti ələ keçirmək təşəbbüsü və kimlər tərəfindən bu niyyətin qarşısının alınması yolları əsərdə olduqca axıcı bir dillə təsvir edilmiş, hadisələrin dinamikliyi, dramatizmi çox gözəl işlənib hazırlanmışdır.
Hiss olunur ki, bu roman bir o qədər də təxəyyül məhsulu deyil, Amerika tarixinin son 50 ilində baş vermiş hadisələrin bədiiləşdirilmiş təsviridir.
Əsərdə prezident Limenin obrazı parlaq işlənilib. Məhz bu siyasi liderin örnək fəaliyyəti nəticəsində ABŞ öz konstitusiyasından kənara saçmır və prezident təkcə baş verə biləcək dövlət çevrilişinin qarşısını almaqla kifayətlənmir, həm də başqalarına pis nümunə olmasın deyə, cəmiyyətin fikrində çaşqınlıq yaranmaması üçün onu müvəffəqiyyətlə ört-basdır edir.


Komissar Meqre seriyasında ailə bağlarının zəifliyini, dağıdıcı bədbəxtliyi və xəyanəti ustalıqla nümayiş etdirən bənzərsiz bir əsərdir.
Daha açıq olmaq və qaranlıq qalan bütün detalları özü doldurmaq yerinə, daha çox ondan qaçana oxşayırdı. Kişinin üzü o qədər buğlanmışdı ki, onu insana bənzətməkdə, yəqin ki, hamı çətinlik çəkərdi. Nəzəri olaraq, bu portret kifayət qədər yaxşı idi, lakin indi onun detalları diqqəti toplamağa maneə olan bir görünüş ilə əvəz olunmuşdu.
Müsyö Qalenin ölümünün bütün aspektləri öz-özlüyündə saxta görünür. Mərhumun altında gəzdiyi adı, ehtimal olunan peşəsi, daha narahat hiss etdirən isə… ailəsinin kədəri. Onların təkəbbürü bədbəxt adamla bağlı qeyri-adi hissləri gizlədir. Bu həyəcanverici hekayədə Meqre dəhşətli həqiqəti və yalanın arxasında gizlənən əsl cinayəti aşkar edəcək.


...Nyu-York sutenyoru ilə Montananın ucqar bir guşə­sində yaşayan fanatik-ekstremistin nə əlaqəsi ola bilər? Ta­mamilə qeyri-adi bir qətl üsulu: qurbanını öldürməzdən qabaq ona güclü anesteziya iynəsi vurulur. Qatil sanki ölümə məhkum edilmiş adamı ağrıdan azad etməyə çalışır. Gənc, iddialı jurnalist Vilyam Monro iki müəmmalı qətli törədən manyak haqqında yazdığı silsilə yazılarla məşhurluğun astanasındadır. Amma dəst-xətti ilə bu iki qətlə tamamilə uyğun gələn üçüncü qətl dünyanın o biri başında – Hindistanda baş verir. Doğrudanmı, bu qətlləri bir adam yox, bütöv bir təşkilat törədir? Onun üzvləri nəyə nail olmaq istəyir? Onlar kimdir? Qurbanlarını hansı prinsiplə seçirlər? Axtarışlarda Vilyama kömək etməyə razılıq verən keçmiş tələbə yoldaşı təsdiq edir ki, bütün bu sualların cavabı qədim salnamələrdə və onun böyüdüyü dini icmanın rəvayətlərindədir...

Conatan Payn – həyatın od-alovunun yandırdığı, görünməz cəbhənin əsgəri rahatlıq və sakitlik axtarışı ilə istefaya çıxır. O, Sürixin ən dəbdəbəli mehmanxanası olan “Mayster-Palas”da gecə inzibatçısı işinə düzəlir. Burada mehmanxananın arzuolunan sakini və zəngin əhli-kef Onslou Rouper adlı biri ilə rastlaşır. Bir müddət sonra Conatana məlum olur ki, o, iri beynəlxalq silah alverçisi və... Conatanın sevdiyi qadının – Sofinin qatilidir. Rouperdən qisas almaq istəyi Paynı yenidən Britaniya kəşfiyyatına xidmətə qaytarır. O, silah alverçiləri sindikatının məhv edilməsi üzrə qrupa daxil olmağa razılıq verir. 

Cəmşid Əmirovun “Brilyant məsələsi” və “Qara Volqa”” kitabları 60-cı illərdə yazılmış və oxucuların böyük marağına səbəb olmuşdur. Yazıçının “Qara Volqa”“ əsəri Azərbaycanda cinayətkar qrupun törətdiyi saysız-hesabsız cinayətlərdən və nəhayət, hüquq-mühafizə orqanları tərəfindən aşkarlanmasından bəhs edir.

Abunə Ol