Əsərin qəhrəmanı qaradərili əhalinin hüquqları uğrunda mübarizənin, Vyetnam müharibəsi əleyhinə hərəkatın, Kolumbiya universitetində tələbə etirazlarının və 1950-60-cı illərdə ABŞ-da baş verən digər önəmli tarixi hadisələrin iştirakçısı və ya şahididir. Buna görə roman Birləşmiş Ştatları daha yaxından tanımaq baxımından əhəmiyyətlidir.Avtobioqrafik çalarların da yer aldığı əsərdə baş qəhrəmanın mənsub olduğu yəhudi xalqının dünyagörüşü, özəlliyi, adət və ənənələri də işıqlandırılır. Orijinal düşünülmüş və bacarıqla qələmə alınmış “4321” romanı 2017-ci ildə Buker mükafatının şort-listinə daxil edilib.