İlk dəfə 2001-ci ildə nəşr olunmuş bu əsər, elə həmin ildə klassikaya çevrilmiş, “misteriya, satira, seks, qorxu və poetik prozanın mükəmməl sintezi”nə görə “Amerikanın məğzini distilizə edən” müasir fantasmaqoriya kimi yüksək qiymətləndirilmişdir. Bu, sirli kələkbaz cənab Çərşənbə tərəfindən mühafizəçi, sürücü və iş icraçısı kimi işə götürülən Kölgənin – arvadı və ən yaxın dostu avtomobil qəzasında öldükdən bir neçə gün sonra həbsdən azad olunur – hekayəsidir. Beləcə, Kölgənin qaranlıq və qəribə səyahəti başlayır. Səyahət ərzində o, taleləri öz taleyi ilə müəmmalı şəkildə kəsişən eksentrik obrazlarla rastlaşır. Gündəlik həyatın sakit səthinin altında fırtına – Amerikanın ruhu uğrunda baş verəcək dəhşətli müharibə qaynamaqdadır. Kölgə isə düz bu fırtınanın yolunun üstündə dayanıb.