Bağırova Sara Dövlət qızı. Azərbaycan Yazıçılar birliyinin üzvü. 1958-ci ildə Naxçıvan Muxtar Respublikası, Culfa rayonunun Saltaq kəndində müəllim ailəsində anadan olub. 1973-cü ildə Saltaq kənd 8-illik məktəbini fərqlənmə ilə bitirib, Naxçıvan şəhər Tibb Məktəbinin Feldşer fakültəsinə daxil olub. 16 mart 1977-ci ildə Culfa şəhər mərkəzi xəstəxanasında əmək fəaliyyətinə başlayıb. Qısa müddətdən sonra Culfa rayon, Gal kənd feldşer-mama məntəqəsinə müdir təyin olunub. Təhsilini davam etdirmək istəsə də mümkün olmayıb. “Bizim məktəb” adlı ilk yazısı 1974-cü ildə rayon qəzetində dərc olunub. 1979-cu il ailə nigahına daxil olub və Sumqayıt şəhərinə köçüb. Qısa müddət Sumqayıt Kompressorlar Zavodunda nəzarətçi işləyib. Sonra, H.Z.Tağıyev qəsəbə sahə xəstəxanasında, Sumqayıt şəhər 3 saylı uşaq poliklinikasında, Sumqayıt şəhər Birləşmiş uşaq xəsətəxanasının Cərrahiyyə şöbəsində əmək fəailiyyətinə davam edib.