Eminquey mənəm. Öyreşdiyiniz dildə desəm, Emin Əlizadə Akif oğlu 1994-cü ilin 11 iyununda, Yəni eramızın 166-cı it ilində doğulmuşam. "O, hələ uşaq vaxtlarından şeirlər yazırdı" Şablonu mənə aid deyil. Uşaq vaxtı yazdığım uzaq başı inşa olub. 11-ci sinifdə poeziya ilə başladığım yazı - pozu yolumun bu günə qədərki 7-8 ili mətbuatda yazmaqla keçib. Bəli, çöreyim həmdə sözdən çıxır. Bundan öncə "Günəbaxan" adlı şeir kitabım çap olunub. Bu kitabda oxuduğunuz mətinlər isə bu illər ərzində öz bəyəndiyim yazılardır ki, kitab halına salmışam. İnternetə etibar yoxdur, kitab isə köhnə dostdur. Əgər bura kimi ciddiyə almamısınızsa, mənim üçün çox önəmli olmasa da, sizin üçün qeyd edim ki, Baki Neft Energetika kollecində menecment ixtisasını bitirmişəm, BSU Yaradıcılıq fakültəsinin də məzunuyam. 2021-ci ildə Prezident təqaüdünə, 2022-ci ildə isə Gənclər və İdman Nazirliyi tərəfindən "İlin gənci" mükafatına layiq görülmüşəm. Kitabımın adı "Susdum" olsa da, gördüyünüz kimi susmamışam.