Persi Cekson haqqında bir sıra romanların müəllifi kimi tanınan amerikalı yazıçı Rick Riordan 1964-cü ildə Amerikanın San Antonio şəhərində müəllimlər ailəsində anadan olmuşdur. Riordan ilk ədəbi təcrübəsini məktəbdə almışdır. 13 yaşında yazdığı hekayəni çap etdirmək niyyətində olsa da fikrini dəyişmişdi. Kollecdə oxuyarkən Riordan üç il yay məktəbi düşərgəsində bədii rəhbər vəzifəsində çalışmışdır. Riordanın ilk işi Texasın New Braunfels şəhərindəki məktəb müəllimliyi olmuşdur. Sonra ailəsi ilə birlikdə səkkiz il San-Fransiskoda qalmış, daha sonra isə vətəninə qayıdaraq daha altı il orta siniflərdə müəllim kimi çalışmış və yazıçı olacağına qərar verimişdir. İlk romanını 1997-ci ildə yazmış və nəşr etdirmişdir.