Şamxal Həsənov Dövlət İdarəçilik Akademiyasını bitirib, Fransanın l’Université de Bordeaux və l'Université Toulouse Capitole universitetlərində magistr təhsili alıb. Müəllifin Fransanın “Éditions du Panthéon” nəşriyyatında çap olunan ilk romanı “Səs və ya Qırmızı” Avropa Sevgi Romanı Mükafatının qısa siyahısına düşüb. Ədəbiyyatımızda şüur axını və daxili monoloq fəndlərindən ilk dəfə geniş şəkildə istifadə edən müəllif “Altı ay, altı gün, altı saat” romanında da bir ilkə imza atır – “ikinci şəxs” nəqletmə texnikasına müraciət edərək oxucunu hadisələrdə iştiraka cəlb edir. Bu orijinal üslubda müəllifin perspektivi bəzən obrazla və oxucu ilə toqquşur, zaman-zaman müşahidəçi və iştirakçı arasındakı sərhəd itir.