Hər gün yeni bir kitab

055 695 27 97, 055 212 42 37, 012 431 16 62

20 Yanvar metrosuna PULSUZ çatdırılma

Böyükağa Məmmədov

Böyükağa Məmmədağa oğlu Məm­­mədov (mətbu imzası Böyük­ağa Məmmədoğlu) 1 noyabr 1947-ci ildə Xıllı rayonunun (indiki Neftçala rayonunun) Astanlı kəndində müəllim ailəsində anadan olmuşdur. 1972-1973-cü illərdə ordu sıralarında qulluq eləmiş, xidmətini başa vurduqdan sonra Aşağı Qaramanlı səkkizillik məktəbində sinif müəllimi, dərs hissə müdiri işləmişdir. B.Məmmədov 1979-1988-ci illərdə Qədimkənd, Boyat və Abas­allı kənd orta məktəblərində pedaqoji fəaliyyətini davam etdirmiş, 1988-ci ildən doğma Astanlı kəndindəki tam orta məktəbdə dərs deməyə başlamış, 5 il burada tərbiyə işləri üzrə təşkilatçı, daha sonra direktor müavini olmuşdur. Respublikada keçirilən ilk attestasiyanın nəticələrinə görə metodist müəllim adına layiq görülmüş, Respublika Müəllimləri Təkmilləşdirmə İnstitutunda ixtisasını təkmilləşdirərək mühazirəçi sertifikatı almış, 1976-1978-ci illərdə rayonun ibtidai sinif müəllimlərinə “Ana dilinin tədrisi metodikası”ndan pullu mühazirələr oxumuş, seminarlar aparmışdır. Bütün bu uğurlarına, geniş pedaqoji fəaliyyətinə görə 2001-ci ildə yüksək etimad göstərilərək çalışdığı Astanlı kənd tam orta məktəbinin direktoru vəzifəsinə təyin olunmuşdur. B.Məmmədovun 30-a yaxın metodiki və təd­qiqat xarakterli geniş həcmli məqaləsi çap olunmuş, hər məqaləsi də oxucular tərəfindən maraqla qarşılanmış, əks-səda doğurmuşdur. Onun Neftçala rayon qəzetində çap olunan “Əbədi borc”, “Müəllim nüfuzu”, “Tarixi yaddaşımızın bir səhifəsi”, “A.Şaiq və uşaq ədəbiyyatı”, “S.Vurğunun poeziyasında musiqinin tərənnümü”, “Pedaqoji fikir tariximizdən” və digər bu kimi publisistik yazıları xüsusilə yaddaqalan olmuşdur.


Kitabları