İsmayılov Əli Müseyib oğlu 1947-ci ildə Kəlbəcərdə anadan olmuşdu. 1965-ci ildə Kəlbəcər orta məktəbini Gümüş Medalla bitirmişdi. 1971-ci ildə N.Nərimanov adına Azərbaycan Dövlət Tibb İnstitutunun müalicə-profilaktika fakültəsini bitirmişdi. 1971-1973-cü illərdə Moskva Hərbi Dairəsində leytenant rütbəsi ilə hərbi hissənin tibb xidməti rəisi vəzifəsində çalışmışdı. 1974-1977-ci illərdə A.Caparidze adına 3 saylı Bakı Şəhər Kliniki Xəstəxanasında cərrah işləmişdi. 1977-1993-cü illərdə Kəlbəcər Rayon Mərkəzi Xəstəxanasında cərrah və cərrahiyyə şöbəsinin müdiri işləmişdi. Kəlbəcərin işğalından sonra 1993-cü ilin aprelindən noyabrına qədər 2 saylı Tərtər Hərbi Hospitalında kapitan rütbəsində hospitalın baş cərrahı kimi fəaliyyət göstərmişdi. 1993-2017-ci illərdə M.Nağıyev adına Bakı Şəhər Kliniki Təcili Tibbi Yardım Xəstəxanasında cərrah işləmişdi. 2018-ci ildən hal-hazıra qədər Azərbaycan Tibb Universitetinin Cərrahiyyə Klinikasında məsləhətçi kimi fəaliyyətini davam etdirir. Birinci Qarabağ Müharibəsinin Veteranıdır.