1966–cı il noyabr ayının 1–də Yardımlı rayonunun Anzov kəndində anadan olmuşdur. 1977-ci ildə Anzov kənd ibtidai məktəbini, 1984–cü ildə Hamarkənd orta məktəbini bitirmişdir. 1984–1986–cı illərdə Sovet hərbi birləşmələrinin tərkibində hərbi xidmətdə olmuşdur. 1988–1989–cu tədris ilində Bakı Dəniz Yolları məktəbində təhsil almışdır. 1989–1993–cü illərdə «Xəzərneftdonanma» istehsalat birliyində çalışmışdır. 1991–ci ildə Azərbaycan Jurnalist Sənətkarlığı institunu bitirmişdir. Bir müddət «Sahil» qəzetində əməkdaşlıq etmişdir. 1993–cü ildə Lənkəran Dövlət Universitetinin tarix fakultəsinə daxil omuş, 1998-ci ildə oranı bitirmişdir. Qiyabi təhsil aldığından 1994-cü ildə Ə. Babayev adına Osnaqaran kənd orta məktəbinə direktor müavini təyin olunur. 2006-cı ilə qədər burada çalışmışdır. 2006-cı ildən A. Q. Fətullayev adına Anzov kənd orta məktəbində dərs hissə müdiridir. Dövri mətbuatda mütəmadi olaraq tarixi – etnoqrafik mövzularda çıxış edir, elmi axtarışlarını davam etdirir. Balaşov Malik Dəmir oğlu "Oğuz eli Anzov" kitabının müəlliflərindən (digər müəllif İsayev Şirəli Mansur oğlu) biridir. "Oğuz eli Anzov" kitabında Yardımlının Anzov kəndinin tarixindən, kəndin müasir yazarlarından, folklorundan, şəhidlərindən, xeyriyyəçilərindən, dini və dünyəvi ziyalılarından, kənd sakinlərinin şəcərəsindən və bu kimi digər vacib məsələlərdən bəhs olunur. Balaşov Malik həmçinin "Bir ömrün salnaməsi" kitabının da müəllifidir. "Bir ömrün salnəməsi" kitabında müəllif özü yaşadığı kəndin sakini, el ağsaqqalı, ziyalı Qaraşov Mahmud Mirzəcan oğlunun həyat və fəaliyyətini qələmə almışdır.