Artur Şopenhauer (alm. Arthur Schopenhauer‎, 22 fevral 1788, Qdansk, Prussiya — 21 sentyabr 1860, Frankfurt-Mayn, Almaniya ittifaqı) — fəlsəfə tarixində pessimist alim kimi tanınan alman filosof. Adı tarixdə 100 ən çox öyrənilmiş şəxsiyyətlər siyahısına daxil edilib. Artur Şopenhauer 1788-ci il 22 fevralda Polşanın Qdansk şəhərində anadan olmuşdur. Bankir olan atası o uşaqkən vəfat etmişdir. Şopenhauer anası ilə birlikdə Veymarşəhərinə köçmüş, təhsilini bu şəhərdə tamamlamışdır. Uzun illər Berlin Universitetində müəllim vəzifəsində çalışmış, 1831-ci ildə Frankfurta gedərək ciddi elmi fəaliyyətlə məşğul olmuşdur. Çox çalışqan və enerjili bir insan olan Şopenhauer, pessimist filosoflardandır. Bütün fəlsəfəsini dizayn və iradə üzərində qurmuşdur. Onun baxışlarına görə dünya ancaq zəka ilə dərk edilə bilər. Daha çox 1844-cü ildə yayımladığı “Die Welt als Wille und Vorstelung” (Dünya iradə və təsəvvür kimi) əsəri ilə tanınıb.”Eristik dialektika” əsəri isə daha öncələr 1831-ci ildə yayımlanıb.Şopenhauer bu əsərində mübahisə və müzakirə vaxtı istifadə olunan boş sözlərin,yersiz arqumentlərin iç üzünü onları müdafiə edən tərszdə açıb sarkastik bir şəkildə oxucuya təqdim edir.Əsər orijinal dildə “kunstgriffe” olaraq göstərilən hiylələrdən ibarətdir.”Eristik dialektika” mübahisədəhaqlı çıxmaq sənətidir,həqiqəti tapmaq sənəti deyil.