"Incognito. Beyinin gizli həyatı" haqda bir neçə söz

Dünyaca məşhur nevroloq Devid İqlmenin "İncognito" kitabı, adından da göründüyü kimi, insan beyninin fəaliyyətinin sirli cəhətlərindən, gizlin xüsusiyyətlərindən bəhs edir.

Müəllif kitabda insan beyninin mexanizminin quruluşunu, şüurumuzda və şüuraltımızda baş verən sirli-müəmmalı prosesləri sadə dildə oxuculara izah edir.

Bu kitab insan beyni haqqında elmi-populyar üslubda yazılmış ən gözəl kitablardan biridir.

Kitabdan çıxarışlar :

1. Şüurunuzun nəhəng transatlantik buxar gəmisində səyahət edən, amma göyərtənin künc-bucağında daldalanan biletsiz sərnişindən fərqi yoxdur. Gəminin içində səyahət etsə də, ayaqlarının altında saat kimi işləyən o möhtəşəm makina, motorlar, cihazlar gözünə görünmür.

2. Beyin bir çox informasiyaları şüuraltı yaddaşda saxlayır, başqa sözlə, gizlədir və şüur üçün əlçatmaz edir. Velosipedə minmək, ayaqqabı bağlamaq, klaviaturada yazmaq, ya da telefonla danışa-danışa avtomobili dayanacaqda yerbəyer eləmək və s. nümunələrdə olduğu kimi. Bu işləri asanlıqla görürsünüz, ancaq necə gördüyünüzün detallarını bilmirsiniz.

3. Sirlərlə bağlı əsas məqamlardan biri odur ki, onu saxlamaq insan beyninə zərər verir...İnsanlar sirlərini daha çox yad adamlara açır ki, bu da nəticədən duyulan narahatlığın bir göstəricisidir.

4. Siz də mütləq hiss etmisiniz ki, kiminsə bir sirri açıb danışmasının səbəbi elə açıb danışmaq ehtiyacıdır, məqsəd məsləhət istəmək deyil. Dinləyici sirlə birlikdə ortaya tökülən problemə bir çıxış yolu göstərsə, müsahibini hirsləndirməkdən başqa bir iş görmüş olmaz. Çünki müsahibin yeganə dərdi sirrini danışmaqdır.

5. "İnsanlar bərabərdir" adlı klassik nağıla görə, hər kəs qərar qəbul etməkdə, hisslərinə nəzarətdə və davranışlarının nəticələrini qavramaqda eyni qabiliyyətə malikdir. Qulağımıza xoş gəlsə də, bu anlayış doğru deyil... Genetika və mühit hər bir insanın beynini fərqli qəlibə salır... Fərqli genlər və həyat təcrübələri insanları zahirən olduğu kimi, daxilən də fərqli edir.