Homo Deus: Sabahın Qısa Tarixi

Bəşəriyyət tarixinin başlanğıcı haqqında heç düşünmüsünüzmü?
Biz hansı təməlin üzərində durmuşuq?
İnsan hər gün bir çox problem və maneələrlə üzləşir, bu zaman onun davranışı necə olur?
Bilirsinizmi ki, kainatdakı hər bir insan görünməz bir ipə bağlıdır və hamı ümumi bir zənciri əmələ gətirir. Məsələn, mənim münasibətim və davranışım sizə təsir edir və sizin qərarınız başqa şəxslərə sirayət edir. Məhz buna görə bütün insanlar bütöv sistemin bir hissəsini təşkil edir. Bütün bu sistemdə hər birimizin həm özümüz, həm digər insanlar, həm də bütün dünya qarşısında məsuliyyətimiz var.
Yəhudi tarixçisi və professoru Yuval Noe Harari “Homo Deus: Sabahın Qısa Tarixi” kitabında bəşəriyyətin inkişafının bir növ tarixi kontekstindən bəhs edir. İnsanın imkanlarından bəhs edən şəxsi təcrübə və hekayətlərini paylaşır. Kitabda kainatın nailiyyətləri ətraflı təsvir edilmişdir. Çoxsaylı fəlsəfi məsələlər, insanların fərdiliyi, şüuru, duyğuları və dünyanın tək bir qüvvə ilə öhdəsindən gəldiyi çoxsaylı çətinliklər müzakirə olunur.
Ən əsası, kitab gələcək haqqında təsəvvür yaradır, insanların 21-ci əsrdə və ümumiyyətlə, davamlı olaraq nəyə nail olmaq istədikləri göstərilir. Müəllif bütün kitab boyu keçmişin və indinin ümumi xülasəsi işığında insanın reallaşa biləcək və gələcəyə yönəlmiş ambisiyaları nümunəsində onun imkanlarını açıq sadalayır.
Kitab 21-ci əsrdə insanların özlərinə nəzarəti itirməsindən, texnologiyanın inkişafının onların gündəlik həyatlarını dəyərləndirmələri üçün hansı problemlər yaratmasından bəhs edir.
Hər gün indidən keçmişə hərəkət edir, lakin gələcəyə aparan bir iz buraxır...