Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Detektiv

Kateqoriyalar

Cildi

Müəlliflər

Tərcüməçilər


Hadisələr təyyarədə baş verir. Varlı sələmçi qadın ölür. İlk baxışdan heç nə bu ölüm faktında qəsdin, qətlin olduğunu göstərmir. Ancaq səriştəli detektiv Erkül Puaro çox
tezliklə anlayır ki, bu, bilərəkdən törədilən, ustalıqla düzülüb-qoşulan qətldir. O, araşdırmalara başlayır və sonda heç bir şübhə doğurmayan bir şəxsin bütün bunları plan-
laşdırdığını öyrənir. Qətlin motivi isə həmişəki kimi sadə və təbiidir: varlanmaq, sərvət əldə etmək ehtirası.
Hadisələr məşhur aktyor Çarlz Kartvraitin təşkil etdiyi nahar süfrəsi ilə başlayır. Qonaqlardan biri — doktor Varfolomey Streync içdiyi kokteyldən sonra qəfil və müəm-
malı şəkildə dünyasını dəyişir. Hadisə ilkin baxışda təsadüfi görünür, lakin Puaro bunun arxasında qəsd olduğunu hiss edərək işə qarışır. İkinci və üçüncü pərdə açıldıqca yeni qətllər və təzadlar ortaya çıxır. İstintaq dərinləşdikcə hər kəsin sirri açılır və nəticədə gözlənilməz qatil ifşa olunur.
“Fillər xatırlayar” romanı Aqata Kristinin məşhur xəfiyyə Erkül Puaro barədə yazdığı son əsərlərindən biridir. Xəfiyyə burada oxucuların yaxşı tanıdığı yazıçı Ariadna Oliver ilə birlikdə neçə illər əvvəl baş vermiş, hər kəsə qaranlıq qalan cinayətin üstünü açır. Hadisənin təfərrüatlarını Puaro məhz missis Oliverlə söhbətlərindən aydınlaşdırır. Bu təfərrüatlar həqiqətin aşkara çıxmasına kömək edir. Təfərrüatları isə missis Oliver hələ də xatırlamağı bacaran “fillərdən” öyrənir.
Aqata Kristidən sirr, təhlükə və beynəlxalq intriqa dolu qeyri-adi casus romanı. Diplomat Stafford Nayda Londondan Frankfurta adi bir səfər gözlənilirdi. Lakin hava limanında rast gəldiyi sirli qadının xahişi ilə bir gecəlik kimliyini dəyişdiyi an, həyatının istiqaməti də dəyişdi. Bu qəribə tanışlıq Staffordu təkcə fərdi təhlükənin yox, bütün Avropanı təhdid edən gizli bir təşkilatın mərkəzinə aparır. Faşist ideologiyasının kölgəsindən çıxan, gənclərin beynini yuyan, xaosu silah kimi istifadə edən bu qüvvələrə qarşı mübarizə artıq təkcə fiziki deyil — bu, düşüncə və inam savaşıdır. “Frankfurt yolçusu” — Aqata Kristinin klassik detektiv üslubundan kənara çıxaraq yazdığı azsaylı casus romanlarından biridir. Qlobal siyasi gərginlik, manipulyasiya və kimliyini itirmək qorxusu fonunda yazılmış bu əsər, oxucunu sarsıdan və düşündürən bir hekayə təqdim edir.
Sakit və təmtəraqlı malikanədə baş verən gözlənilməz qətl hadisəsi hər kəsi şübhəli duruma salır. Hadisə yerinə çağırılan məşhur detektiv Herkül Puaro, zahirən mükəmməl görünən ailə münasibətlərinin altında gizlənən ehtiras, xəyanət və nifrət qatlarını bir-bir ortaya çıxarır. Puaro üçün bu iş yalnız cinayəti çözmək deyil, eyni zamanda insan psixologiyasının dərinliklərinə səyahətdir. “Vadi” romanı oxucunu son səhifəyə qədər intizarda saxlayan gərginlik, mürəkkəb obrazlar və gözlənilməz süjet xətti ilə klassik detektiv janrının parlaq nümunələrindəndir.
Aristokrat qızların təhsil aldığı məktəbdə hər şey sakit və nəzarət altındadır, ta ki, gecəyarısı güllə səsləri eşidilənə qədər. Əvvəlcə bir müəllimənin, sonra isə məktəblə heç bir əlaqəsi olmayan bir qadının müəmmalı şəkildə öldürülməsi məktəbin sakit həyatını alt-üst edir. Kimsə təhlükəli bir sirri gizlədir, amma bu sirr nədir və niyə başqalarının həyatı bahasına qorunur? Bu dəfə istintaqa məşhur belçikalı detektiv Erkül Puaro da qoşulur. Onun işə qarışması ilə məktəbin sakit divarları arxasında gizlənən beynəlxalq intriqalar, siyasi sirlər və gözlənilməz əlaqələr bir-bir açılır. “Göyərçinlər arasında pişik” yaxşı qurulmuş süjet, maraqlı personajlar və gözlənilməz sonluqla dolu klassik de-
tektiv hekayədir. Əsər həm məktəb atmosferini, həm də casus romanlarını sevənlər üçün əvəzsiz seçimdir.

“Masadakı kartlar” detektiv yazıçı Aqata Kristinin bənzərsiz yaradıcılıq nümunəsidir. Yazıçının məşhur qəhrəmanı Erkül Puaro lap əvvəldən hadisələrdə iştirak edir. Dəbdəbəli həyat sürən şeytan xislətli cənab Şaytana onu evindəki ziyafətə dəvət edir. Qonaqlardan dördü xəfiyyə, dördü isə sirli və potensial qatillərdir. Yeməkdən
sonra qonaqlar bric oynamağa başlayırlar. Ev sahibi isə müşahidə etməyi üstün tutur. Oyun bitən kimi, ev sahibinin öldürüldüyü məlum olur. Əcəba, bu qətli həmin dörd nəfərdən hansı törədib? Oxucu hadisələrin gedişatına köklənərək düşünür ki, qatilin kimliyini təyin edib. Qatilin üzə çıxarılması isə asan məsələ olmur. Çünki heç bir ipucu, heç bir iz yoxkən buna nail olmaq xüsusi səriştə tələb edir. Bacarıqlı xəfiyyə Puaro sadəcə, şübhəlilərin psixologiyasına əsaslanaraq, qatilin kimliyini müəyyən edir.
Bu kitab detektiv və Kristi sevənlər üçün mükəmməl bir seçimdir.
“Lord Ecverin ölümü” kitabının böyük hissəsi yazıçının arxeoloq ərilə birlikdə iştirak etdiyi Nineviyadakı arxeoloji qazıntı yerində qələmə alınıb. Romanda Erkül Puaronun bu vaxta qədər təsadüf etdiyimiz ən uğursuz işlərinin birindən söz açılır. Budəfəki cinayət həmişə olduğu kimi məşhur xəfiyyənin məntiqi yanaşmaları və peşəkarlığı sayəsində
deyil, “sadə bir” təsadüfi müşahidə nəticəsində açılır.
Uşaq partisi dəhşətli cinayət səhnəsinə çevriləndə, məşhur detektiv Erkül Puaro işə qarışmalı olur. Aqata Kristinin bu gərgin romanında hadisələr sakit bir ingilis kəndində, Hallouin bayramı münasibətilə təşkil olunan bir maskaradda başlayır. Gənc bir qız – 13 yaşlı Coys– partidə əvvəllər bir qətlin şahidi olduğunu söylədikdən qısa müddət sonra su ilə dolu çəlləkdə boğulmuş halda tapılır. Hadisə sadəcə uşaq zarafatı, yoxsa gizlədilmiş bir sirrin üstünün açılması idi? Erkül Puaro cinayətin izlərini kəndin
dərinliklərinə qədər aparır. Zaman keçdikcə Puaro daha əvvəl baş vermiş, unutdurulmuş qətllərlə bu hadisə arasında müəmmalı əlaqələri ortaya çıxarır. “Hallouin qonaqlığı” sirr, manipulyasiya və keçmişin qaranlıq kölgələri ilə dolu klassik Aqata Kristi romanıdır. Qatil hər zamankı kimi yaxınlıqda, amma gözlənilməz yerdədir.



Kinqs-Abbot müəllif təxəyyulünün məhsulu olan sadə İngiltərə kəndidir. Sakit, əsasən qocaların və qadınların yaşadığı, cavanların baş götürüb qaçdığı bu kənddə missis
Ferrarenin ölümüylə sükut pozulur. Onun ardınca kəndin iki zənginindən biri olan Rocer Ekroyd qətlə yetirilir. Müəllifin bir çox əsərlərinin qəhrəmanı xəfiyyə Erkül Puaro qətli
araşdırmağa başlayır. Ona bu işdə doktor Ceyms Şeppard kömək edir. Bir çox şübhəlilər – Ekroydun qulluqçuları, yaxınları dindirilir, xəfiyyə oxucunu gərgin vəziyyətdə
saxlayan eksperimentlər aparır. Romanın ən maraqlı cəhətlərindən biri isə onun gözlənilməz sonluğudur. Əsəri məşhur edən, həm də heç kimin ağlına gəlməyəcək sonluq...

Dünya ədəbiyyatının ən məşhur detektiv yazıçılarından biri Aqata Kristinin “Erkülün qoçaqlıqları” adlı kitabı belçikalı məşhur detektiv Erkül Puaronun parlaq zəkasını və qüsursuz deduksiya bacarıqlarını əks etdirən hekayələr toplusudur. Bu kitabda Puaro mürəkkəb cinayət işlərini məntiqlə açır, saxtakarlıqları ifşa edir və günahkarları ədalət qarşısına çıxarır. Hər hekayədə oxucular Puaronun kriminala qarşı unikal yanaşmasının şahidi olur, onun iti zəkasının sirrini anlamağa çalışırlar.
Sadə və kasıb qadın – Xanım Makqinti qəddarcasına qətlə yetirilir. Cinayətə görə gənc bir kişi həbs edilir və barəsində ölüm hökmü çıxarılır. Lakin işə aid bəzi detallar Puaronun diqqətindən yayınmır. O, bu işin göründüyündən qat-qat mürəkkəb və dərin olduğunu anlayır. Puaro hadisənin baş verdiyi kiçik, amma sirrlərlə dolu kəndə yollanaraq, yerli sakinlərin arasına qatılır. Yalanlar, gizli keçmişlər bir-bir açılır. Aqata Kristinin ustalıqla qurduğu süjet xətti oxucunu sona qədər maraq içində saxlayır və finalda təəccübləndirir.

Karlos Ruis Safonun “Mələyin Oyunu” romanı, məşhur “Unudulmuş Kitablar Məqbərəsi” seriyasının ikinci əsəridir. Bu möhtəşəm roman oxucuları yenidən Barselonanı əhatə edən sirli və cazibədar bir dünyaya aparır. Əsərin qəhrəmanı David Martin, yaradıcılıq həvəsi ilə yaşayan və həyatında böyük çətinliklərə sinə gərən gənc bir yazıçıdır. Barselonanı arxa plana çevirən əsərdə, Martin müəmmalı bir nəşriyyatçı tərəfindən təklif olunan cazibədar, lakin təhlükəli bir təklifi qəbul edir. Bu qərar
onun həyatını və taleyini birdəfəlik dəyişir. Roman boyu Safon sevgi, xəyanət, ambisiya və insan ruhunun qaranlıq tərəfləri mövzularını ustalıqla araşdırır. Əsər, həm də ədəbiyyatın gücü, kitabların ruhumuza təsiri və unudulmaz hekayələrin dəyəri ilə bağlı dərin mesajlar verir. “Mələyin Oyunu” oxucuları öz təkiyəsi, möhtəşəm təsvirləri və
gözlənilməz dönüşləri ilə valeh edir. Sirr və emosiyalarla dolu bu əsər, təkcə Safonun pərəstişkarları üçün deyil, həm də məzmunlu və təsirli hekayələr axtaran hər kəs üçün əvəzsiz bir kitabdır.
Bu, Aqata Kristinin detektiv pyesi əsasında yazılmış və bütün dünyada teatr səhnələrində böyük populyarlıq qazanan romanıdır. Səhifələrə köçürülən pyes öz kəskinliyini, dinamikliyini və sirrini itirmədi və gözlənilməz süjet döngələri kağız üzərində səhnədəkindən heç də zəif görünmür. Romanda kişilər və qadınlar hadisələrə fərqli reaksiya verirlər. Bütün məsələ də budur. Kişilər çox həssasdırlar. Qadınlar daha güclüdür. Kişilər qətlin qarşısını ala bilmirlər. Qadınlar isə bunu məharətlə bacarır. Məsələ burasındadır ki, kişi qadına görə qətl törədirsə, onun gözündə qalxar. Kişilərdə isə bu, fərqli reaksiya yaradır.
Gənc qadın Oslodakı mənzilində qətlə yetirildikdə və onun göz qapaqları altında beş guşəli ulduz şəklində qırmızı brilyiant aşkar edildiyində, Harri öz uzun müddətli düşməni Tom Völerlə birlikdə istintaqı aparmağa təyin olundu. Özünü yığışdırmaq xəbərdarlığından sonra, Osloda onların əlində seriya qatil olduğu müəyyən olunduqda, Harri alkoholik əyyaş etinasızlığından özünü qurtarmağa məcbur oldu.
Norveç paytaxtını beş hərfi ilə mistik şəkildə bağlı seriya qətllər silkələyir: onun haqqında davamlı olaraq beş guşəli ulduz və kəsilmiş barmaqlar xatırladır. Hər beş gündən bir polis sirrli cinayətkarın yeni qurbanını aşkar edir, lakin özü yaxalanmır.
Sakit və mürgüləyən Norveçdə, seriya qatil mövzusunda material tapmağın demək olar ki, mümkün olmadığına baxmayaraq, Yu Nesbö həyəacan verici bir roman yaratmışdır. Detektivin üç baş qəhrəamanının qarşıdurması əla göstərilmişdir: öz şəxsi və psixoloji problemlərini anlamağa çalışan yüksək intellektual müstəntiq; Norveç polisinin fəxri olan polis inspektoru və hər beş gündən bir gözəl qadını qətl edən və “niyə” sualına heç bir cavab verməyən manyak. Süjetin sonu gedişatından da gözlənilməz olur və daha ciddi sirrləri ortaya qoyur.

“Puaro istintaq aparır” hekayələr toplusu Aqata Kristinin yazıçılıq karyerasının ilk dövrlərində çap olunmuşdur. Topluya 11 hekayə daxildir. Bu hekayələrin hər biri sonralar detektiv janrın klassikası hesab edilmişdir. Bu toplunun bütün hekayələri ekranlaşdırılıb.
“Puaro istintaq aparır” hekayələr toplusunun qəhrəmanı xəfiyyə Puaro bir çox qətl hadisəsinin üstünü böyük məharətlə açır. İşdə yalnız bir şübhəli məqam varsa belə, yorulmaz detektiv onu araşdıraraq həqiqəti üzə çıxarır.

5 il əvvəl arvadı və iki uşağı ilə birlikdə Hempşirə köçmüş amerikalı sahibkar mister C.Neil Gibsonun arvadını Tor körpüsünün yaxınlığında qətlə yetirirlər. Onun ovcunda kağız parçası tapılır. Bu kağız uşaqları tərbiyə edən mürəbbiyəyə aiddir. Gənc və gözəl bir qız olan mürəbbiyənin otağında araşdırma aparan xəfiyyələr paltar şkafından tapança tapırlar. Tapançanın kalibri missis Gibsonun ölümünə səbəb olan gülləyə uyğun gəlir. Sanki hər şey aydındır, amma mister Gibson mürəbbiyənin günahkar olmasına inanmır və kömək üçün məşhur detektiv Şerlok Holmsa müraciət edir…

İstedadlı skripkaçı, yaxşı boksçu, mahir aktyor, Londonun ən məşhur sakini, əfsanəvi xəfiyyə – Şerlok Holms soyuq ağlının, sarsılmaz məntiqinin və tətbiq etdiyi deduktiv metodun köməyi ilə yenə sirli hadisələrin, həlledilməz məsələlərin, qorxunc cinayətlərin üstünü açır. Nəcib insan, əsl centlmen mister Skott Eklz dostu Aloizius Qarsiyanın dəvəti ilə onun Visteriya-Locda yerləşən malikanəsinə qonaq gedir. Səhər yuxudan oyandıqda evdə ondan başqa heç kimin olmadığını görür. Bir müddətdən sonra Qarsiyanın cəsədini evdən bir az aralıda tapırlar. Hadisədən sarsılmış mister Skott Eklz Şerlok Holmsu köməyə çağırır. “Visteriya-Locda hadisə” XX əsrin əvvəllərində yazılıb və ilk dəfə 1907-ci ildə “Strend” jurnalında çap edilib. Povest azərbaycan dilində ilk dəfədir ki, nəşr olunur. Klassik detektiv həvəskarları kitabda həmçinin “Bohemiyada qalmaqal”, “Kürənlər ittifaqı”, “Şəxsiyyətin müəyyən edilməsi”, “Boskom dərəsinin sirri”, “Beş portağal dənəsi “ adlı hekayələri də oxuya biləcəklər.
Səhər tezdən «Şərq ekspresi»nin birinci dərəcəli kupesində kişi meyiti tapılır. Tərs kimi o an qatar yolda qalaqlanmış nəhəng qar yığnağına çatıb dayanır. Detektiv Puaro qətl hadisəsini araşdırmağa başlayır. Qatardakı hər bir mötəbər sərnişinin və ya texniki heyət üzvünün qatil çıxma ehtimalı var. Yalnız Puaro kimi mahir detektiv öz iti məntiqi sayəsində belə bir dolaşıq işi açmağa kömək edə bilər... Dünya detektiv ədəbiyyatının şedevrlərindən sayılan roman müəllifin digər əsərləri kimi oxucunun böyük marağına səbəb olacaq.
Aqata Kristinin “Endhauzda təhlükə” romanı məşhur belçikalı detektiv Erkül Puaronun növbəti maraqlı istintaq macərasını oxuculara təqdim edir. Bu əsər, müəllifin klassik detektiv üslubunun ən gözəl nümunələrindən biridir və oxucunu ilk səhifədən son səhifəyə qədər gərginlik içində saxlayır. Puaro dostu Kapitan Heystinqs ilə birlikdə End-
hauz adlı malikanənin yaxınlığında dincəlmək üçün İngiltərənin Kornuoll sahillərinə yollanır. Lakin burada o, gənc və cazibədar Nikki Bakli ilə tanış olur və onun bir
neçə dəfə müəmmalı şəkildə ölüm təhlükəsindən qaçdığını öyrənir. Puaro baş verənlərin sadə təsadüf olmadığını anlayır və gənc qadının həqiqətən də bir sui-qəsdin
hədəfi olduğunu düşünərək istintaqa başlayır. İrəlilədikcə hadisələr daha da dolaşıq hal alır, şübhəlilər çoxalır və oxucular sürpriz dolu bir sonluğa doğru aparılır. “Endhauzda təhlükə” Aqata Kristinin qatilin kimliyini ustalıqla gizlətmək bacarığını nümayiş etdirən və Puaronun iti zəkasının parladığı ən maraqlı romanlardan biridir.
Aqata Kristinin “Əlifba sırası ilə qətllər” romanı dahi detektiv Erkül Puaronun qarşılaşdığı ən sirli və çətin cinayət işlərindən birini təqdim edir. Bu dəfə qatil qeyri-adi
bir üsul seçib – qurbanlarını əlifba sırasına uyğun öldürür və hər cinayətdən əvvəl Puaronu məktubla xəbərdar edir. Hekayə A hərfi ilə başlayan Andover şəhərində Alis Aşer adlı bir qadının öldürülməsi ilə başlayır. Daha sonra Bexhilldə Betti Barnard qətlə yetirilir. Qatil hər dəfə cinayətin baş verəcəyi yeri və qurbanını əlifba sırası ilə seçir və sanki Puaroya meydan oxuyur. Puaro və onun sadiq dostu Kapitan Artur Heystinqs bu müəmmalı cinayətləri araşdırarkən şübhəlilər siyahısı genişlənir, ipucları isə getdikcə daha da dolaşıq bir hal alır. Lakin Puaro özünəməxsus məntiqi və müşahidə qabiliyyəti ilə bu qanlı oyunun arxasındakı həqiqəti üzə çıxarmağa çalışır. “Əlifba sırası ilə qətllər” oxucunu son səhifəyə qədər gərginlik içində saxlayan, ağıllıca qurulmuş süjeti və gözlənilməz sonluğu ilə detektiv janrının klassik nümunələrindən biridir.
Amerikanın ən varlı şəhərlərindən olan Sietldə cinayət hadisəsi baş verir. Prokurorluqdan bu hadisənin araşdırılması ilə bağlı müstəntiq Boris Vilyams və xəfiyyə Riçard Brauna təlimat verilir. Müstəntiq və xəfiyyənin axtarışları zamanı silsilə qətllər baş verir. Fərqli yerlərdə tapılmış cəsədlər şəhərdəki insanları qorxuya salır. Qatil bütün "şikarlarının" boynuna üçbucaq şəkli çəkir. Üçbucağın nə üçün çəkildiyini öyrənməyə çalışan müstəntiq və xəfiyyə qatilin növbəti hədəfini öyrənirlər. Qətllərin "imzası" olan üçbucağın sirri müstəntiq və xəfiyyənin araşdırması nəticəsində açılır.
Bu əsər var-dövlətin insanı həmişə xoşbəxtliyə gətirib çıxarmadığından, bəzən cibində beş manatı belə ol-mayanın özünü varlıdan daha xoşbəxt hiss etməsindən, saf məhəbbətdən, eqoizmin, yəni özünü başqalarından daha üstün hesab etmənin, tamahın insanı necə vəhşiləşdirdiyindən, bir də ki, haqqın qələbəsindən bəhs edir.
Ədalət gecikmədən, vaxtında öz hökmünü verməlidir. Gecikmiş ədalət arxadan atılmış daş kimidir, hədəfə dəysə belə, insanlarda haqqa inamı azaldır.

Toy ərəfəsində olan gənc Nərminlə nişanlısı Fərhadın qəfil ayrılığı silsilə qətllərlə müşayiət olunur. Əvvəlcə Fərhadın özünün qəzaya düşərək ölməsi xəbəri yayılır. Dalınca Nərminin anası öldürülür. Sonra gənc bir qadın... Daha sonra tanınmış bir həkim... Qatil öldürdüyü adamların ovcunda Nərminə sevgi məktubu göndərir. Beləliklə, şübhələr qəzada öldüyü ehtimal olunan Fərhadın üzərində cəmləşir.
Belə bir vəziyyətdə cinayət-axtarış şöbəsinin rəisi İmran bəy işə başlayır. Nərmin də anasının qatilini tapmaq və ətrafındakı müəmmanı çözmək üçün ona yardım edir. Lakin iş getdikcə çətinə düşür. Hətta İmranın hüquq-mühafizə orqanlarından kənarlaşdırılması ilə nəticələnir. İnadkar qəhrəman isə geri durmur. İşi sona çatdırıb qatili yaxalayır.
Kitabda maraqlı detektiv süjet qarışıq sevgi münasibətləri ilə çarpazlaşaraq mürəkkəb bir düyünə çevrilir. Finala doğru bu düyün açılır və hər şey oxucu üçün aydınlaşır.
Lakin heç kimin gözləmədiyi qeyri-adi bir sürprizlə...

Abunə Ol