Dağılma rəmzləri

Bu məmulat “nüvə çamadanı” adlanır, daha doğrusu isə məhdud təsir radiuslu nüvə maddəsi. Bir sözlə, son dərəcə məxfi və təhlükəli bir silahdır. Fövqəladə bir hadisə baş verib – iki belə bir “çamadan” yoxa çıxıb, onları oğurlayan adamlar isə olduqca qəribə şəkildə həlak olub. İtkini nəyin bahasına olursa-olsun tapmaq – Rusiyanın bütün aidiyyəti xüsusi xidmət orqanlarına verilən əmr məhz bu cürdür. Cinayət aləminin liderləri və terrorçular da bu təhlükəli “oyuncağı” eynilə aqressiv şəkildə axtararaq ələ keçirmək niyyətindədir. Axtarışlar heç bir nəticə vermədiyi üçün xüsusi xidmət orqanları bu istintaqa ekspert-analitik Dronqonu da cəlb etmək məcburiyyətində qalırlar. O, cinayətin təşkilatçılarını hesablayıb tapıb və hətta oğurlanan “çamadanların” izinə də düşüb, lakin zaman amansızdır: partlayıcı maddələrdən biri artıq terrorçuların əlindədir və “X vaxtına” cəmi bir neçə saat qalır. Paris kimi bir yerdə – silah məhz orada üzə çıxmışdır – kiçik bir bombanı necə axtarıb tapmalı? Məlum deyil. Lakin Dronqonun güclü intuisiyası ona tamamilə gözlənilməz bir çıxış yolu təqdim edir…