“Dəniz Torpaqlarının cadugəri” 1968-ci ildən yazmağa başladığı “Dəniz Torpaqları” silsiləsindən olan ilk romanıdır. Əsərin qəhrəmanı anadangəlmə sehrli gücə malik oğlandır. Qəhrəmanın cadugərliyə gedən yolu yeddi yaşından başlayır. Gənc yaşlarından üzübəri dəniz səyahətləri zamanı yolundan çəkilmək bilməyən əjdahalar, habelə üzləşdiyi təhlükəli sınaqlar onun həyatının bir parçasına çevrilir, başına sonsuz macəralar gətirir.

---

Roman, şeir, uşaq kitablarının müəllifi, publisist Le Guin elmi fantastika və fantaziya janrlarında roman və qısa hekayələrin müəllifi kimi yaxşı tanınıb. Le Guin kitablarında mədəniyyətlərarası qarşıdurma, Daosizm, anarxizm və kommunizm, feminizm, psixoloji və sosial mövzulara maraq qeyd olunur.