Erkən yaşda yetim qalan Haydini xalası Alp dağlarında tərkidünya həyat yaşayan babasının himayəsinə verir. Qızın xoş xasiyyəti adamayovuşmaz qocanın ürəyini yavaş-yavaş yumşaldır. Gözəl təbiətin qoynunda böyüyən Haydi özünü xoşbəxt hiss edir. Lakin bir gün xalasının əmri ilə dağlardan ayrılıb, iflic bir qıza rəfiqəlik etmək üçün cansıxıcı şəhərə yollanır.
Xeyirxah Haydinin ürəyi ətrafdakıların həyatını günəş kimi işıqlandırır. Əlbəttə, onlar da qıza dostluq və sevgi ilə cavab verirlər. Dostluq isə əsl möcüzələrə qadirdir...
“Haydi” dünya uşaq ədəbiyyatının şedevrlərindəndir. Dərc olunduqdan dərhal sonra məşhurlaşıb və bir neçə Avropa dilinə tərcümə edilib. Dəfələrlə nəşr olunan povest düz doqquz dəfə ekranlaşdırılıb. Ən məşhur ekran versiyası 1937-ci ildə çəkilib.
İlk nəşrindən yüz ildən artıq vaxt keçməsinə baxmayaraq, “Haydi” indi də uşaqların və böyüklərin ürəyini fəth edir.
Facebookdan gələn rəylər
Rəylər
Rəy yaz