Hitopadışa və ya xeyirli öyüdlər

“Hitopadişa” məcmuəsi Sanskrit dilində (qədim və orta əsr Hindistanının dilində) yazılmış və eramızın VI-XIV əsrləri arasında daha qədim və məşhur “Pançatantra” məcmuəsi əsasında tərtib edilmişdir. Bəzi əlyazmalarına görə, “Hitopadişa”nın tərtibi Narayan adlı birisinə istinad edilir.Uzun əsrlərdir ki, “Hitopadişa” bir çox xalqlar arasında böyük şöhrət qazanmışdır. Artıq çoxdan bu əsər, demək olar ki, bütün Şərq və Qərb dillərinə, o cümlədən də rus dilinə tərcümə edilmişdir. “Hitopadişa”nın yaradıldığı vaxt ilə bizim zəmanəmizi bir çox əsrlər bir-birindən ayırır. Lakin biz əminik ki, Moskvanın “Detqiz” nəşriyyatı tərəfindən 1958-ci ildə buraxılmış kitabdan tərcümə edilən bu əsəri uşaqlar da, böyüklər də böyük maraq və sevinc hissi ilə oxuyacaqlar.