İncillə yaşanan ömür

İsrailin hərbi və dövlət xadimi Moşe Dayan “İncillə yaşanan ömür” kitabında yəhudilərin ilan mələyən səhralıqlarda, İncildə adı çəkilən məkanlarda hansı çətinliklərdən keçərək yurd salmalarından, güclü İsrail ordusunun formalaşmasından, sağ qalmaq üçün dörd tərəflərini saran düşmənlərlə qeyri-bərabər döyüşlərdən bəhs edib. İncilə tez-tez istinad edən müəllif İsrail torpaqlarının yəhudilərə aid olmasını bu müqəddəs kitabda yazılanlarla sübut etməyə çalışıb. Moşe Dayan İsrailin müstəqilliyi uğrunda mübarizədə müstəsna xidmətlər göstərib, komandan kimi düşmənə qarşısıalınmaz zərbələr endirməklə xalqın yaddaşında da yenilməz qəhrəman kimi qalıb. O, müxtəlif illərdə İsrailin kənd təsərrüfatı naziri, müdafiə naziri, xarici işlər naziri vəzifələrində çalışıb.