Volter hakimiyyətin qüsurlarını kəskin tənqid etdiyinə görə
daim təqiblərə məruz qalırdı. Dini fanatizmin, edamların
əleyhinə çıxırdı. Bu səbəbdən mühacirət həyatı yaşayır,
bir ölkədən digərinə qaçırdı. Bastiliya qalasında həbsdə də
olmuşdu. O, insan faciəsinə görə əzab çəkirdi. Çünki edam
cəzasında və savaşda ölənlər təbii fəlakətlərdə ölənlərdən
qat-qat çox idi. “Kandid” bu sarsıntıların nəticəsidir. Müəllif
bu əsəriylə nifrətə meydan oxuyur. Sübut edir ki, insan
qəlbi sevgiyə məhkumdur və nifrətdən uzaq durmalıdır.
Bəşəriyyətin xilası naminə nifrət duyğusunu öldürmək
lazımdır. Ciddi mesajlarla zəngin olan əsərin əsas ideyası isə
budur: Bütün pisliklər yaxşılığa doğru atılan addımdır.