Pakistanın Lahor şəhəri. Saqqallı bir adam narahat görünüşlü bir amerikalı ilə söhbət edir. Qaş qaraldıqca onların danışığı heyrətamiz çalar alır və bizi Çingizin Amerika xəyalının gerçəkləşməsi, Çingizi deyil, keçmişinin nostalgiyasına qapılmağı seçən sevdiyi qadın, Çingizi Amerikanı tərk edib Pakistana gətirən, amma burada da ona rahatlıq verməyən identiklik dilemması ilə tanış edir. Əsərin ən maraqlı cəhəti isə yazıçı Mohsin Hamidin hər əsəri kimi “Könülsüz fundamentalist” romanı üçün də seçdiyi özünəməxsus təhkiyə üslubudur.