KORONA VİRUSU AZƏRBAYCAN GENETİKASINDA - Rövşən Novruzoğlu Vəlizadə

İndiyədək yer üzündə baş verən epidemiyalar, xüsusən vəba virusları «dünyaya ağalıq edib». Mikroskop altında çil-çirağı xatırladan qəhvəyi rəngli tac kimi görünən bu virus, ölkələr dağıdıb, insanları öz yurdlarından didərgin salıb, min illik taxt-tacı çökdürüb, hakimiyyətləri viran qoyub məhv edib. Virusa tutulan şəxs, kimliyindən asılı olmayaraq harada yaşamağından asılı olmayaraq ölümlə üz-üzə dayanır və sonda məğlub olur. milyardlarla dollar xərclənib ki, yer üzünü, insanlığı, həyatı bu ölüm viruslarından xilas etsin. Amma mümkün olmayıb. Ölənlərin sayı o qədər çox olub ki, onları yandırmaq da mümkünsüz sayılıb. Məsələn, 165-ci ildə Roma İmperiyası Vəba virusundan dağılıb, viran qalıb, 5 milyon nəfərdən çox əsgər sıradan çıxıb. Nəticədə imperator Mark Avremyanın özü də vəbadan həlak olub.

Məlumata görə dünyanın üç peyğəmbəri də bu xəstəliyin sindromlarından vəfat edib (Bununla bağlı məlumatlar keçmiş ittifaqın kəşfiyyat mərkəzinin ETİ-nun arxivində qorunur).

Tarix göstərir ki, Azərbaycanın da taleyi bu viruslar kralının ölüm hökmündən yan keçməyib. Nəticədə, Azərbaycan VI əsrdən üzü bəri, 109-cu, 1347-ci, 1771-ci, 1826-cı, 1916-cı, 1957-ci və s. illərdə baş verən epidemiyada 8 milyon 750 min nəfər insan itirdi… Amma epidemiya və onun sindromları davam edir. Epidemiyalara qarşı mübarizə aparan Azərbaycan həkimlərindən təqribən 80 min nəfər bu yolda həlak olub.

Müəllifin çox çətinliklə əldə etdiyi Ən məxfi materialları əhatə edən və bilavasitə genetikamızı dəyişən və onu həmişə qorxu altında saxlayan Vəba virusuna qarşı vaksin axtaran azərbaycanlı həkim-professor, öldürülən Lətif Vəliyevlə bağlı çox maraqlı tədqiqatı açıqlanır.