«Qeyrət» mətbəəsinin nəşriyyat fəaliyyəti haqqında, xüsusilə, Azərbaycanda
mətbəə və mətbuat tarixi barədə ilk əsər də məhz bu mətbəədə çap olunub.
Oxuculara təqdim etdiyimiz əsər bu qəbildəndir. Ö.F.Nemanzadənin – çox böyük
istedad, qeyrət və bilik sahibi, vətənpərvər millət fədaisinin «Dəvəti» tariximizin
ən mühüm bir oyanış dövrünün məhsuludur, çox mətləblər haqqında söhbət açılır.
Məncə, Azərbaycan jurnalistikası, Azərbaycan tarixinin tədqiqi, öyrənilməsi
baxımından çox böyük və qiymətli fikir, məlumat qaynağı olan bu əsərlə tanışlıq
faydalı olar.