Azərbaycanlı yazarlar Hindistanda çap ediləcək

“Qanun” Nəşriyyatı bununla bağlı otuz momerandum imzalayıb

“Qanun” Nəşriyyatının direktoru Şahbaz Xuduoğlu bu ilin yanvarında Hindistanda keçirilən Chennai Beynəlxalq Kitab Sərgisində iştirak edib. İyirmi beş ölkənin qatıldığı sərgi yanvarın 16-dan 19-dək baş tutub.
Sərgiyə rəsmi şəkildə dəvət alan naşir, orada otuz momeranduma imza atıb. “Qanun”un rəhbəri sərgi çərçivəsində 20-dən çox nəşriyyatla, həmçinin yazıçılarla görüş keçirib.
Momeranduma əsasən, azərbaycanlı yazarların on beş kitabının Hindistanda nəşr olunması nəzərdə tutulur. On beş kitab tamilcəyə, bir o qədər xarici nəşr də Azərbaycan dilinə tərcümə ediləcək. Hindistanda çap edilməsi nəzərdə tutulan müəlliflər arasında İlkin Rüstəmzadənin, Rəşad Səfərin, Şamxal Həsənovun, Pərviz Cəbrayılın, Şərif Ağayarın, Rasim Qaracanın, Məqsəd Nurun, Seymur Baycanın və digərlərinin əsərləri var.
Qeyd edək ki, Chennaidə ilk dəfədir ki, beynəlxalq səviyyədə sərgi keçirilir. Əvvəlki illərdəki sərgilər yerli xarakter daşısa da, çox sayda, milyon yarım ziyarətçisi olub.