20 Yanvar metrosuna PULSUZ çatdırılma

Hər gün yeni bir kitab

QANUN NƏŞRLƏR EVİ

Çox kitab oxumağa kömək edəcək üsullar

28 January 2023 350


Çox kitab oxumağa kömək edəcək üsullar
Bəzi insanlar kitab oxumaq istəməsələr də, digərləri oxunmamış kitab yığını ilə “mübarizə aparırlar”. Daha çox oxumaq üçün nə etmək lazımdır? Mümkün qədər çox kitab oxumaq üçün məsləhətləri sizin üçün bir araya topladıq.
1. Qarşınıza məqsəd qoyun: Gündə neçə səhifə, minimum neçə dəqiqə, ayda neçə kitab oxumaq istəyirsiniz? Oxucular fərqlidir, bəziləri həftədə üç roman oxuya bilir, bəziləri üçün isə bu, asan deyil. Özünüzə vaxt qoyun və buna əməl edin.
2. Oxumağa vaxt ayırın: Nə vaxt, günün hansı saatında oxumağa vaxt ayıra biləcəyinizi düşünün. Xüsusən də kitab oxumaq hələ vərdiş halına gəlməyibsə, özünüzə gündəlik norma tərtib edin- səhər yeməyi zamanı, işə gedərkən, nahar fasiləsində, uşaqlar parkda oynadıqda, oxuyun. Kiçik kitablardan və kiçik zamanlardan başlayın, getdikcə diqqətinizi cəmləyə biləcəksiniz.
3. Qeyri-adi vaxt intervalları axtarın: yemək bişirərkən, həkimin gözləmə otağında, metroda, bir sözlə: hər yerdə oxuya bilərsiniz.
4. Düzgün oxuyun: Bəzi kitablar ağır oxunur, günlərlə, hətta həftələrlə bitirmək mümkün olmur. Odur ki, bəyəndiyiniz janrda kitablar axtarmaq daha məqsədəuyğundur.
5. Bəyənmədiyiniz kitabı yarımçıq qoyun, bu, eyib deyil: Əgər kitab maraqlı gəlmirsə, özünüzü oxumağa məcbur etməyin, kitabı kənara qoyub, yenisini alın.
6. Digər oxucularla fikir mübadiləsi aparın: İnsanlarla oxuduğunuz kitablar haqqında danışın. Sizin kimi kitab oxuyan birini tanıyırsınız? Həmfikir “kitab adamları” tapmaq sizi darıxmaqdan da qurtaracaq.
7. Oxu formatlarını dəyişdirin: İstər sərt üzlüklü, istərsə cildsiz, istərsə d rəqəmsal cihazda elektron kitab və ya audio kitab olsun, oxuyun. Ev işləri görərkən, yuxuya gedəndə və ya idman edərkən audio kitablar daha məqsədəuyğundur.
8. Diqqəti yayındıran şeylərdən çəkinin: Vaxt aparan proqramların (İnstaqram, Tvitter, Youtube) kitaba ayıracağınız vaxtınızı bölməsinə imkan verməyin. Günə səhər sosial şəbəkə ilə yox, kitabla başla.
9. Daha sürətli oxumağı öyrənin: Sürətli oxu texnikasından istifadə edərək oxuduqları kitabların sayını hədsiz dərəcədə artırmış insanlar var. Bu, daha az vaxtda daha çox kitab deməkdir.
10. Oxumaqdan həzz alın: Bu, ən vacib tövsiyədir. Bunu etsəniz, uzun müddətdə daha çox oxuya biləcəksiniz. Ancaq özünüzü təzyiq altında hiss etməyin: Bəzi günlərdə insan daxilən rahat olur və hətta dayanmadan kitab oxuya bilir, bəzi günlərdə isə başımız başqa şeylərlə dolu olur. Hər ikisini qəbul edin. Ancaq özünüzü kitabla rahatlaşdırmağı öyrənin.
Məsləhətlərimizi bəyənirsiniz? Mümkün qədər çox oxumağa nə kömək edir?

Digər xəbərlər

Abunə Ol