V Milli Kitab Sərgisi uğurla başa çatıb

27 may – 4 iyun tarixlərində İçərişəhərdə keçirilən V Milli Kitab Sərgisi uğurla başa çatıb.

Açılışda Azərbaycan Yazıçılar Birliyinin sədri Anar, millət vəkili, Milli Məclisin Mədəniyyət Komissiyasının sədri Qənirə Paşayeva, Xalq şairi Sabir Rüstəmxanlı, Mətbuat Şurasının sədri Rəşad Məcid çıxış ediblər.

Eyni zamanda, açılışda Mədəniyyət Nazirliyi, Elm və Təhsil Nazirliyi, Əqli Mülkiyyət Agentliyi və “İçərişəhər” Dövlət Tarix-Memarlıq Qoruğu İdarəsinin nümayəndələri iştirak ediblər.

Tanınmış şəxslərdən Dövlət İmtahan Mərkəzinin Direktorlar Şurasının sədri Məleykə Abbaszadə, UNEC-in rektoru Ədalət Muradov, Millət vəkilləri Nigar Arpadarai, Etibar Əliyev, Aqil Abbas, Cavanşir Feyziyev, Fazil Mustafa, Ceyhun Məmmədov, BDU-nun kafedra müdiri, professor Qulu Məhərrəmli, ilahiyyatçı Elşad Miri, ictimaiyyət nümayəndələri, ziyalılar, sənət və mədəniyyət adamları və mətbuat işçiləri ziyarətçilər arasında olublar.

Sərgidə 30-dan çox müəllif, o cümlədən Xalq yazıçıları Anar, Çingiz Abdullayev, millət vəkili Fazil Mustafa, tanınmış şair, filologiya elmləri doktoru, professor Zahid Xəlil, şair, əməkdar incəsənət xadimi Baba Vəziroğlu, yazıçı Əlisa Nicat, yazıçı Elxan Elatlı, şair Şəhriyar del Gerani oxucular üçün yeni kitablarını imzalayıblar.

Ümumi səhnədə keçirilən tədbirlərdə ADNSU-nun rektoru Mustafa Babanlı, Elm və Təhsil Nazirliyinin sektor müdiri, dosent Cəsarət Valehov, tanınmış aktyor Azər Aydəmir, məşhur futbolçu Qara Qarayev, səyyah-aparıcı Azər Qərib müxtəlif mövzularda çıxış ediblər.

Qoşa Qala qapısından Həsən bəy Zərdabi heykəlinə qədər olan geniş meydanı və Xan bağı adlanan parkı əhatə edən sərgi-yarmarkada 20 nəşriyyat- kitabçı, 5 qeyri hökümət təşkilat, 50-yə yaxın əlişi ustası iştirak edib.

Sərgi çərçivəsində həm böyük səhnədə, həm Fotoqrafiya Mərkəzində 20 kitab təqdimatı və 80-ə yaxın müxtəlif tipli tədbir keçirilib.

Tanınmış türkiyəli yazar Ahmet Ümit və alman yazar Mario Leo ilə canlı, argentinalı yazıçı Eduardo Saçieli və fransalı yazıçı Mark Levi, Rusiyalı yazıçı Gözəl Yaxina ilə onlayn görüşlər keçirilib.

V Milli Kitab Sərgisinin sponsorları ABB, Fortis Group, İsveçin Azərbaycandakı səfirliyi, informasiya dəstəkçiləri TikTok sosial platforması, bakupost.az və yeniyaz.az saytları idi.

V Milli Kitab Sərgisinin aparıcısı Xalq Artisi Visadi Həsənov və gündəlik ədəbi- bədi, əyləncəli hissə M teatrının kollektivi tərəfindən həyat keçirilib.

Sərgi Az TV, Mədəniyyət TV, İTV, Real TV, Space TV, APA TV, Amerikanın səsi, çoxsaylı yutub kanalları, “525-ci qəzet”, “Şərq” qəzeti, “Yeni müsavat” qəzeti, azertag.az, apa.az, report.az, kulis.az, trend.az, modern.az, bakupost.az, yeniyaz.az və başqa mətbuat orqanlarında geniş işıqlandırılıb.

Tədbirlər feysbuk və instagram platformalarında canlı yayımlanıb.