Masazır kənd 4 nömrəli tam orta məktəbin “Filosoflar” kitab klubunun üzvü olan bir qrup şagirdi “Qanun” Nəşriyyatının qonağı olub.

Məktəblilər mətbəə ilə tanış olublar və oradakı çap prosesini izləyiblər.

Daha sonra nəşriyyatın binasında yerləşən “M.Teatr”da aktyorlarla görüşüblər, aktyorların məşq prosesini izləyiblər. Onlar həmçinin aktyorlarla birlikdə səhnədə tamaşadan bir hissəni məşq ediblər.

Məktəblilər nəşriyyatın keçirdiyi endirimli kitab sərgisində də olublar və endirimli kitablar alıblar. Onlar kitab klubunda keçirəcəkləri növbəti “oxu saatı” üçün “Sofinin dünyası” kitabını da əldə ediblər.