Kitabda dahi yunan filosofu Aristotelin oxuculara təqdim edilən “Nikomax etikası” əsəri əxlaq məsələlərinə həsr olunmuşdur. Kitab geniş oxucu kütləsi və universitet tələbələri üçün nəzərdə tutulmuşdur.

Bakı, Qanun nəşriyyatı, 2020

Elmi redaktor: Qoşqar Əliyev

Redaktorlar: Nizami Zeynalov, Eldar Zeynalov

Texniki redaktor: Tural Zeynal

Korrektor: Vüqar Babazadə

---

Aristotel Frakiyanın Stagira şəhərindən idi. Platonun tələbəsi olmuş, müəlliminin ölümündən sonra bir müddət Kiçik Asiyada yerləşən Atarne, sonra isə Militena şəhərində yaşamışdır. Gənc yaşlarından elmə və fəlsəfəyə böyük maraq göstərmişdir. Aristotel e. ə. 367-ci ildə Afinaya köçmüş, Platonun Akademiyasında fəaliyyət göstərmişdir. E.ə. 343-cü ildə Makedoniya kralı Filippin dəvəti ilə Makedoniyaya köçmüş, onun sarayında gənc şahzadə Aleksandrın (Makedonlu İskəndərin) müəllimi olmuşdur. M. ö. 335-ci ildə Afinaya qayıtmış, orada Likeion (yun. Λύκειον) adlanan öz fəlsəfi məktəbini açmışdır. Onu “Peripatetik” (ərəbcə “məşşai”) məktəb də adlandırırlar. Yaxınlığında yerləşən yunan tanrısı Likeionlu Apollonun adı ilə adlanmışdır. Latınca “lyceum” (liseum) kimi səslənir. Günümüzdə “liseylər” adlanan məktəblər Aristotelin likeionunun adını daşıyır. Aleksandrın ölümündən sonra Afinada makedoniyalıların tərəfdarlarını təqib etməyə başlamışdırlar. Ona görə Aristotel m. ö. 322-ci Euboia adasında yerləşən Xalkida şəhərinə köçmüş və orada dünyasını dəyişmişdir.