Tamara Qudvin istədiyi hər şeyi əldə eləmişdi. Varlı ailədə doğulan Tamara böyük bir imarətdə böyümüşdü. Dizayner geyimləri ilə dolu qarderobu, yataq otağında geniş çarpayısı, şəxsi vanna otağında iri plazma televizoru. Həmişə bu gün üçün yaşayar, sabah haqqında qətiyyən düşünmürdü.
Lakin gözlənilmədən atası vəfat edir və anası ilə onun həyatı tamamilə dəyişir. Boğaza kimi borc içində qaldıqlarından, evləri də daxil olmaqla, bütün mülklərini satıb Tamaranın dayısı və dayısı arvadının yaşadığı kəndə köçürlər. Tamaranı uşaqlığından ayıran, Kilsaney malikanəsinin yaxınlığında yerləşən gözətçi evi çox uzaqda idi. Fikirdən otaqdan bayıra çıxmayan anası və onu hər addımında güdən dayısı arvadı ilə yaşamaqdan bezən Tamara Dublin üçün darıxır.
Kilsaney malikanəsinin yanından keçən səyyar kitabxana Tamaranın marağını cəlb edir. Belə bir marağa, onsuz da, ehtiyacı var idi. Kitabxanadan dəri üzlü, ağzı qıfıllanmış iri bir kitab seçir. Başqalarının köməyi ilə kitabı açmağa nail olur. Kitabdan oxuduqları isə inanılmaz şəkildə bütün həyatını kökündən dəyişir…
Facebookdan gələn rəylər
Rəylər
Rəy yaz