Tanrı insanı yaratdı, ona şüur verib zamanla sınağa çəkdi. Malı, canı, övladı və nəfsi ilə imtahan edib inancının səmimiliyini yoxladı. Çoxları bu hikməti dərk etməyi bacarmadı. Bəlkə də bu səbəbdən yer üzündə ən idarəolunmaz varlıq olan insan Onun nəzərində nankor və zalımdır. Amma O, mərhəmət göstərib yaratdığı ən ali varlığın günahlarını dəfələrlə bağışladı, həqiqət yoluna qayıtması üçün səbir nümayiş etdirdi. Nəfsin yenilən insan isə bunu anlamadı, səhv üzərinə yenidən səhvlər etdi. Sözü ilə əməli bir-birinə qətiyyən uyğun gəlmədi, dilində dua olanlar qəlbində başqa şey düşündülər. Şeytan Adəm övladını istədiyi kimi idarə edib yalan və boş vədlərlə onu çaşdırdı. Nankor insan pis əməllərdən çəkinmədən və qorxmadan fani dünyada yaşamağa davam etdi. O isə hələ də

gözləyir. Axı, yoxdan var edəndir, rəhmli olmaqla bərabər, həm də səbir sahibidir...

Dinimizi parçalayıb araya nifaq salanlar, müqəddəs kitabımız olan “Qurani-Kərim”i istədiyi kimi təhrif edənlər, Allaha şərik qoşanlar, Şeytana sitayiş edənlər, yetim malı yeyənlər, riyakarlar, nankorlar,

xəyanətkarlar və ən əsası məzluma zülm edənlər, sadəcə qorxun! Allahın əzabı şiddətli olacaq...

Müşfiq Abbasov.