Tale, azadlıq və ruh. Həyatın mənası nədir?

Ruh nədir? Karma nədir? Tale nədir? Azadlıq nədir? Həyatımızın müəyyən mənası və ya məqsədi varmı? Dünyada bu suallar ətrafında düşünməyən ağıllı adam tapmaq çətindir. Bəs cavablar? Etiraf edək ki, bu da asan deyil. Kitab insanla bağlı bu qəbildən ən maraqlı sualları dərindən araşdırır. Görürük ki, əslində, bəşəriyyətin nüvə müharibəsindən də təhlükəli bir problemi var. Bu, psixologiyanın tam öyrənilməsi və insanı axıracan idarə etməyin mümkünlüyüdür. Azadlıqsa, əslində məsuliyyətdir. Müəyyən bir hərəkəti seçərək azadlığımızı yaşayarıq, o hərəkətin nəticəsi bizi məsuliyyət qarşısında qoyur. Müəllifin digər kitabları kimi “Tale, Azadlıq, Ruh” da zamana meydan oxuyan suallara öz orijinal cavabları ilə oxucunu cazibəsində saxlayır.