Babayev Şəhriyar Ağadadaş oğlu, N.Tusi adına Azərbaycan Dövlət Pedaqoji Universiteti Tarix, əlavə hüquq fakültәsini, tarix, hüquq və ictimaiyyət müəllimi ixtisasın üzrə fərqlənmə diplomu ilə bitirib. AR Təhsil Nazirliyinin Təhsil Problemləri İnstitutunda Tarix və coğrafiyanın metodikası şöbəsində əyani aspirantura təhsili alıb. Bakı şəhəri 136 saylı orta ümumtəhsil məktəbdə, AR Təhsil Nazirliyinin Təhsil Problemləri İnstitutunda, Bakı Dövlət Sosial-İqtisad Kollecində pedaqoji fəaliyyətlə məşğul olub. “Universe Technical Translation, Inc” şirkətində Redaktor-korrektor (rus dilindən Azərbaycan dilinə sənədlərin tərcüməsi, redaktə olunması və korrektə edilməsi), Korrektor (müxtəlif dillərdən Azərbaycan dilinə tərcümə olunan sənədlərin korrektə edilməsi), kimi çalışıbAzərbaycan dilində orfoqrafik səhvlərin avtomatik tapılması və korrektə olunması proqramının (AzSpellcheck) hazırlanmasında, müxtəlif sahələrə (neft, geologiya, maliyyə, informatika, sığorta) aid texniki terminlər üzrə elektron lüğətin söz-baza hissəsinin yığılmasında iştirak edib. “Consolidated Business Management” şirkətində Redaktor-korrektor, müxtəlif tərcümə proqramlarının söz bazasının hazırlanması və yığılmasında çalışıb. “OK” jurnalının bədii redaktoru olub. Avropa Oyunları Əməliyyat Komitəsi (BEGOC) Redaktor-korrektor (Azərbaycan dilinə tərcümə olunan materialların - idman yarışlarının nəticələrinin, idmançılarla müsahibələrin, mətbuat üçün məlumatların, Avropa Oyunlarının rəhbər şəxslərinin müsahibələrinin və çıxışlarının redaktəsi və korrektə edilməsi) kimi fəaliyyət göstərib. “Arının sirri” televerilişi (“Lider” TV) və “Akvakultura” televerilişinin (ARB24) redaktoru olub. 2023-cü ildən “Qanun” nəşriyyatı əməkdaşlıq edir. Rus dilindən Azərbaycan dilinə tərcümə etdiyi kitablar: 1. Kris Hədfild “Astronavtın Yerdə yaşayış təlimatı” 2. Volter Ayzekson “Albert Eynşteyn. Onun həyatı və kainatı” 3. Tim Marşal, “Coğrafiyanın məhbusları” 4. Co Navarro “Qiyamət gününə üç dəqiqə qalmış”