Üfüqün əks tərəfi - Marc Levy

“Üfüqün əks tərəfi” əsəri nevroloji elmlər sahəsində təhsil alan üç tələbənin həyatından bəhs edir.
Coş, Luk və Hop adlı bu üç gənc, beyin hüceyrələri arasındakı əlaqələr toplusunu özündə birləşdirən və insan yaddaşındakı bütün informasiyaları birlikdə toplaya bilən bir informasiya kartı hazırlamaq qərarına gəlir. 
Lakin gənclərdən birinin ölümcül xəstəliyə düçar olması, onların tədqiqatlarının məğzini dəyişir. Beləliklə, onlar reallaş­dırılması mümkünsüz görünən ideyalarını həyata keçirtmək üçün işə girişirlər. 

Üfüq sadəcə bir sərhəddir, onun əks tərəfində mümkünsüzlük yox, sərhədsizlik mövcuddur.....

Reinkarnasiyaya inananlar üçün bu roman gələcək haqqında sətiraltı mesajdır, inanmayanlara fantastika.

Realistlər üçün utopiyadı, xəyalpərəstlər üçün ümid.

Tibbin sərhədlərində dirəncdi, “O tərəf”də sadə ehtimallardan biri.

Sevənlər üçün bu roman mütləqdir – sevgisi mütləq olanlar üçün – Utopiya, ümid, fantastika və ya gələcək reallıq – fərqi yoxdur, mümkünlüyə məhkumdur, mütləqdir.