Əsərin baş qəhrəmanı həyatın ağır sınaqlarından keçmiş bir akkordeonçudur. Özü gürcü olsa da, soyadı qəribədir: Adamyan. Bəlkə də, özü uydurub bu soyadı. Çünki cürbəcür əhvalatlar uydurub söyləməyi və gülümsəməyi çox sevir. Tale də onun üzünə gülümsəyib. Həyatındakı çətinliklərə baxmayaraq, ona “Raviata” akkordeonunu, yaxın dostları Kotiki və Datanı, onu gizli-gizli sevən Tamrikonu və nəvəsi Zinkanı hədiyyə edib.