Müəllifin bu əsəri Dronqonun çox bacarıqlı bir manyakla əlbəyaxa vuruşmasından əlavə, həm də bir beyin savaşıdır. “Stafford qəssabı” adi cinayətlərlə kifayətlənməyərək artıq xəfiyyələrlə oynamaq qərarına gəlmişdir. O, hər dəfə törədəcəyi növbəti cinayətinin vaxtını, yerini əvvəlcədən xəbər verməklə, sanki onları duelə çağırırdı. Burada da Dronqonun çox sevdiyi Luizanı hədəf seçən cani ona meydan oxuyur. Lakin sonda xeyir şərə qalib gəlir, təhrif olunmuş ehtiras yüksək zəka qarşısında aciz qalır. Oxucu yüksək analitik qabiliyyətinə malik olan ekspertlər qrupunun peşəkarcasına işləməsini, xüsusilə də, Dronqonun ağlagəlməz tryuklarını, Luizanın çılğın italyan xarakteri ilə ona qarşı sevgisini daim böyük maraqla izləyir. Çoxsahəli süjet xəttinə malik olan bu əsərdə Dronqo – Ayaçço, Dronqo – Luiza münasibətləri həyəcan dolu səhnələr olduğundan çox təsirlidir.
Facebookdan gələn rəylər
Rəylər
Rəy yaz