Yazıçı məşhur xəfiyyə Şerlok Holms personajının tam əksi
olan, lakin ağlı və zəkası ilə ondan geri qalmayan Arsen Lupen
obrazını yaratmaqla maraqlı qarşıdurmanın əsasını qoyub.
Əsər Arsen Lupenin sirli macəraları, məharətlə düşünülmüş
fəndləri və qoyulan tapmacaların cavablarının tapılması yolları
ilə diqqəti cəlb edir.
“Arsen Lupen – alicənab soyğunçu” (1907) – fransız yazıçısı
Moris Leblana (1864-1941) dünya şöhrəti qazandırmış
detektivlər seriyasından ilk kitabdır. Yalnız öz əxlaq kodeksinə
tabe olan mahir soyğunçu heç vaxt təslim olmur. Elə buna görə
də yenilməz ingilis xəfiyyəsi Herlok Şolmsla yolları kəsişəndə
“polis və oğru” oyunu xüsusilə cəlbedici olur. Alicənab soyğunçu
Beyker-stritdən olan məşhur centlmeni (axı məhz onu adını
bir neçə dəfə dəyişdiyinə görə tanımaq çətindir) aldada biləcəkmi?
Hər necə olursa olsun, amma, demək olar, bir əsrdir ki,
Moris Leblanın və onun cazibədar qəhrəmanı Arsen Lupenin
milyonlarla pərəstişkarı bu mübarizənin gedişini həyəcanla izləyir.