Quliyev Sabir Novruz oğlu 14 may 1945- ci ildə anadan olmuşdur. 1963- cü ildə Şəmkir rayon Qasım İsmayılov adına kənd orta məktəbini, 1973- cü ildə Səməd Ağamalı oğlu adına Azərbaycan Kənd Təsərrüfatı İnstitununun iqtisadiyyat fakültəsini, 1978-ci ildə Bakı Ali Partiya məktəbini bitirmişdir. İqtisadçı və Politoloqdur. 55 illik ümumi əmək fəaliyyətinin 40 ilini dövlət qulluğunda çalışmışdır. Azərbaycan Respublikası Prezidenti cənab İlham Əliyevin 25 iyun 2011- ci il tarixli 1553 nömrəli sərəncamı ilə “Dövlət qulluğunda fərqlənməyə görə” medalına layiq görülmüşdür. Dövlət qulluğunun müşaviri ixtisas dərəcəsi vardır. Azərbaycan Respublikasının Əmək Veteranıdır.