“İnsanlıq yaşayır” adlanan üçüncü kitaba ön sözün yazılması müəllif Sabir Quliyevin istəyi ilə yenə də mənə təklif olundu. Birinci və ikinci kitabların əlyazmalarını oxuyub ön söz yazdığım üçün müəllifin məqsədi, yazı üslubu mənə tanış idi. Müəllifin üçüncü kitabının əlyazmasını oxuyarkən əmin oldum ki, bu kitab özünə daha çox oxucu cəlb edə biləcəkdir.
Çünki, “İnsanlıq yaşayır” adlanan üçüncü kitab daha dolğun, əhatəli və müxtəlif maraqlı mövzularla zəngindir.
Odur ki, maraq hissi ilə kitabın əlyazmasını sonacan diqqətlə oxudum.
Bilirəm ki, kitabın dəyərini, heç şübhəsiz, hörmətli oxucular verəcəkdir. Kitabın ilk 1-ci fəslində müdriklərin çoxsaylı qızıl kəlamlarından seçmələr yer tutur. Bu hikmətli kəlamlar 1-ci və 2-ci kitablarda da göstərilmişdir. Lakin 3-cü kitabda daha geniş həcmdə hikmətli kəlamlar seçilmişdir. Bu qızıl kəlamlar şübhəsiz hər bir oxucunun diqqətini cəlb edəcək və müəllifin digər mövzulu yazılarına da marağı artıracaqdır.
Daha sonra kitabda respublikamızın, eləcə də Şəmkir rayonunun ölkədə tanınan rəhbərlər (Birinci şəxslər) haqqında geniş coğrafiyada tanınmış alimlərimiz, incəsənət xadimlərimiz göstərilmişdir.
Kitabda, həmçinin Şəmkir rayonu üzrə müqəddəs, unudulmayacaq şəhidlərimizin adı, soyadı və atalarının adı göstərilmişdir.
Müəllif 50 nəfərdən çox Azərbaycan şairlərinin yaradıcılığından yadda qalan şer nümunələrini də göstərmişdir.
Rayon miqyasında tanınan ziyalıları, müəllim və həkimləri digər ictimai fəalların adlarını da kitaba daxil etmişdir.
Müəllif öz yaradıcılıq ənənəsinə sadiq qalaraq bir sıra lətifələrlə yanaşı, müxtəlif təhsil və iş dövrlərinə aid hekayələri də yazmışdır.
Növbəti kitaba dəyər verilməsi üçün, hörmətli oxucuların rəy və təkliflərinə güvənirəm.
Son olaraq zəhmətkeş müəllifə bir daha cansağlığı və bol uğurlar arzulayıram.
Nəcabət Nərimanova
Cahangir Rüstəmov adına
Şəmkir şəhər orta məktəbinin müəllimi.
Facebookdan gələn rəylər
Rəylər
Rəy yaz