Hər gün yeni bir kitab

QANUN NƏŞRLƏR EVİ

Qanun.Az | Kitablar | Ədəbiyyat

Giriş

 Səbət

Səbət
İstifadəçi

Giriş
Menyunu bağla

Psixologiya

Kateqoriyalar

Cildi

Müəlliflər

Tərcüməçilər


Cen Sinseronun “Sən əjdahasan” kitabı həyatını sahmana salmaq istəyən, amma min bir bəhanə taparaq ciddi addım atmayan insanlar üçün nəzərdə tutulub. Biz niyə
arzuladığımız həyatı yaşaya bilmirik? Çünki əksəriyyətimiz ilk növbədə başqalarını razı salmağa çalışır, həyatımızı onların prizmasından formalaşdırırıq. Müəllif isə
düşünür ki, insan xoşbəxt olmaq istəyirsə sevdiyi işlə məşğul olmalı və özü üçün yaşamalıdır. Cen Sinsero bu kitabda cazibə qanununa və şüuraltı düşüncəyə xüsusi
diqqət yetirir, eyni zamanda, oxuculara uğur gətirəcək digər prinsiplərə toxunur. Əmin olun ki, kitabı oxuduqdan sonra pozitiv düşüncəyə sahib olaraq öz hədəflərinizə daha tez çatmağın yollarını tapacaqsınız. Müəllifin də dediyi kimi, unutmayın ki, siz ağzından çıxan sözə və atdığınız addımlara görə cavabdehsiniz, insanların sizin haqqınızda nə düşünəcəyi sizi narahat etməməlidir.
Erik Bernin “Salamdan sonra nə deyirsən: taleyinizi yenidən qurun” əsəri, insan həyatında baş verən dərin davranış nümunələrini dəyişdirmək və daha dolğun, azad bir həyat yaşamaq üçün praktik tövsiyələr təqdim edir. Bu kitab, oxuculara həyatlarının sükanı arxasına keçməyi və təkrar olunan ssenarilərdən qurtulmağı öyrədir.
Kitab Transaksional Analiz nəzəriyyəsini praktik həll yolları ilə birləşdirərək, insanın şəxsi inkişaf yolunda qarşılaşdığı maneələri aşmağı və yeni davranış nümunələri yaratmağı izah edir. Burada oxucular, uşaqlıqdan bəri qəbul etdikləri həyat ssenarilərini dərk edir və həmin ssenariləri dəyişmək üçün praktik addımlarla tanış olur.
“Taleyinizi yenidən qurun” həyatımızı idarə edən təkrarlanan nümunələrdən necə azad ola biləcəyimiz, sağlam münasibətlər qurmaq və fərdi xoşbəxtliyə nail olmaq üçün atılmalı olan addımları müzakirə edir. Oxucular, kitab vasitəsilə həyatlarını yeni bir baxışla görməyi və özlərini daha yaxşı bir gələcəyə hazırlamağı öyrənəcəklər.
Bu kitab, insanın daxili səyahətində daha dərin anlayış qazanmaq, şəxsi gücünü artırmaq və həyatını yenidən qurmaq istəyənlər üçün əvəzsiz bir bələdçidir.
Erik Bernin “Salam verdikdən sonra nə deyirsiniz: insan taleyinin psixologiyası” əsəri, insan davranışlarının və münasibətlərinin psixoloji əsaslarını araşdıran bir bələdçidir. Bu kitab oxucuları gündəlik həyatın sadə, lakin dərindən təsir edən nüanslarına aparır və sosial oyunların, gizli mesajların və şüursuz davranışların arxasındakı sirləri ortaya çıxarır. Kitab, insan münasibətlərinin təməlini təşkil edən “Transaksional Analiz” nəzəriyyəsini ətraflı şəkildə izah edir. Həyatımızda baş verən sosial oyunlar, davranışların təkrar etdiyi nümunələr və qarşılıqlı təsirlərin psixoloji mexanizmləri aydın şəkildə təsvir olunur. Əsər, şəxsi münasibətlərin niyə bəzən çə-
tinliklər yaratdığını və bu çətinliklərin necə aşılacağını göstərir. Oxucu burada öz həyatında və ətrafındakı insanların münasibətlərində baş verən kiçik, lakin mühüm detalların fərqinə varacaq. Kitab, hər bir insanın şəxsiyyətində mövcud olan uşaq,valideyn və yetkin tərəflərin bir-biri ilə necə əlaqədə olduğunu və bu qarşılıqlı təsirin davranışlara necə təsir etdiyini izah edir. Bu biliklər gündəlik həyatda daha sağlam və səmimi münasibətlər qurmaq üçün praktik üsullar təqdim edir.“Salam verdikdən sonra nə deyirsiniz: insan taleyinin psixologiyası” insan davranışlarını dərk etmək, münasibətlərdə balans yaratmaq və özünü inkişaf etdirmək istəyənlər üçün əvəzolunmaz bir mənbədir.


Tomas Eriksonun "Axmaqların əhatəsində" kitabı, həyatımızda tez-tez rastlaşdığımız anlaşılmaz, narahatlıq yaradan və bəzən idarəolunmaz davranışlara malik insanları
başa düşmək üçün bir bələdçidir. Bu kitab, insan davranışlarını dörd əsas rəng modeli əsasında izah edir və oxuculara bu fərqli davranış tipləri ilə necə ünsiyyət qurmağı öyrədir. Erikson rənglərdən (qırmızı, mavi, yaşıl və sarı) istifadə edərək, insanların fərqli şəxsiyyət tiplərini müəyyən edir və onların düşüncə tərzlərini, motivasiyalarını və ünsiyyət üsullarını təsvir edir. Kitabda, "axmaq" adlandırılan bu şəxslərin əslində bizim psixoloji fərqliliyimizdən irəli gəldiyi və onları başa düşərək öz münasibətlərimizi daha da yaxşılaşdıra biləcəyimiz göstərilir. "Axmaqların əhatəsində" yalnız fərqli insan tiplərini başa düşmək üçün deyil, həm də işdə, ailədə və dostlar arasında münasibətləri inkişaf etdirmək üçün praktik tövsiyələr təqdim edir. Kitab oxucuları anlaşılmaz davranışları idarə etmək və daha yaxşı ünsiyyət yollarını tapmaq üçün motivasiya edir.
Bu əsər, münasibətlərdə daha uğurlu olmaq və fərqlilikləri qəbul edərək harmoniya yaratmaq istəyən hər kəs üçün əvəzolunmazdır.
Düzgün valideynlik nədir və xoşbəxt uşaqlar böyüt­məkdə onun faydaları nədən ibarətdir?
Hamiləlikdə və doğuşdan dərhal sonra, valideynlər körpələri ilə necə düzgün bağ yarada bilərlər?
Körpəni əmizdirmənin və qucaqda daşımağın faydaları nədən ibarətdir?
Valideynlər körpə ağladıqda və yatmaq istəmədikdə nə etməlidirlər?
Uşaqların zəkasını və duyğularını necə düzgün inkişaf etdirə bilərsiniz?
Uşaqlarda özgüvəni və özünəinamı necə formalaşdırmaq olar?
Uşaqları müstəqil böyütmənin üsulları hansılardır?
Uşaqlara düşünmə bacarığı necə qazandırılır?
Uşaqlar necə öyrənir?
Yaradıcılıq qabiliyyəti uşaqlarda necə formalaşır?
Qorxu genetikdirmi, yoxsa sonradan qazanılır?

Bu və digər çoxsaylı problemlərə cavab tapmaq istəyir­sinizsə, bu kitabı oxumaq məsləhətdir.
Uşaqlarınızı məsuliyyətli, cəsarətli, xoşbəxt böyütmək istəyirsinizsə, bu kitabı oxumaq məsləhətdir.
Bu kitab özgüvənli, bacarıqlı, uğurlu uşaq böyütmək istəyən valideynlər üçün dərs vəsaiti rolunu oynaya bilər.
Müəllif bu kitabda Dr.William Sears, Dr.Martha Sears, Maria Luisa Ferreros, Aletha J.Solter, Noom Aldort, Anat Boniel, Ozgur Bolat, Doğan Cüceloğlu və digər məşhur psixoloqların əsərlərini ilk mənbə kimi istifadə etmişdir.
Valideyn olaraq biz kimik?
Ana-ata olaraq nələri bilməliyik?
Dünyaya gətirdiyim körpə nəyə qadirdir?
Utancaqlıq duyğusu necə yaranır və insan xarakterinin formalaşmasında onun rolu nədən ibarətdir?
Övladın özgüvəni söhbət içində necə formalaşır?
Ailə toplantılarının faydası nədir və o ­hansı dəyərləri aşılayır?
Övlad niyə özünə qapanıq, yalançı, oğru, tənbəl böyüyür?
Övladın eqosu necə formalaşır?

Kitabda bu səpkidə geniş spektrdə suallara cavab axtarılır. Müəllif tərəfindən şərh olunmuş düşüncə və dəyərləndirmələr övlad böyütmək kimi fövqəladə önəmli, eyni zamanda çətin və uzun yolculuqda oxuculara dəstək olmaq məqsədi daşıyır.
Kitab zəkalı, uğurlu və xoşbəxt övlad böyütmək prosesində faydalı dərs vəsaiti rolu oynaya bilər. Məsuliyyətli, çalışqan, müstəqil və həyatsevər övlad arzulayanlar, bunu yaşamlarının ali məqsədi səviyyəsinə yüksəltmək istəyənlər kitabda işıqlandırılmış fikir və təcrübələrdən faydalanacaqlar.
Müəllif özünün araşdırmalarında və irəli sürdüyü təkliflərin formalaşmasında övlad psixologiyası sahəsində dünyada sayılan Aletha J. Solterin, Con Medinanın, Doğan Cücəloğlunun, Masaru İbukanın, Mehtap Kayaoğlunun, Özgür Bolatın, Yuliya Qıppenreyterin, Dr. Willam Searsın və başqalarının əsərlərini ilk mənbə kimi isdifadə edib.

Prof. Raqib Quliyev

.

  • Xoşbəxt uşaqlar böyütmək üçün ailədə nizamintizam qaydaları necə yaradılmalıdır?
  • Nə etməliyik ki, körpə ana-atasına düzgün bağlansın?
  • Uşaqlara ilk günlərdən düzgün və ağıllı seçim etmə­ləri üçün necə dəstək ola bilərsiniz?
  • Uşaqlarınız arasında sağlam münasibət yaratmaq üçün nə edə bilərsiniz?
  • Uşaqların sağlam böyüməsi üçün ən vacib olan prin­­­siplər hansılardır?
  • Uşaqlarınızı cəsarətli böyütmənin şərtləri.
  • Uşaqlarda məsuliyyət hissinin yaranması üçün nə etməliyik?
  • Uşaqlara əxlaqi dəyərləri necə aşılamaq olar?
  • Uşaqlarda özgüvəni tərbiyə etmənin üsulları han­­­sı­lardır?
  • Nəzakətli və mərhəmətli uşaqlar necə böyüyür?
Bu və digər çoxsaylı suallara cavab tapmaq istəyirsinizsə, bu kitabı oxuyub və əməl etməyiniz məsləhətdir. Uğurlu və cəmiyyətdə mövqe sahibi olmaq heç də həmişə insana xoşbəxtlik gətirmir. Xoşbəxt insanlar da çox vaxt var-döv­lətə, mənsəbə, titullara sahiblənmək istəmirlər. Həm uğurlu, həm də xoşbəxt olmaq istəyirsinizsə, bu kitabı oxuyub və əməl etməyiniz məsləhətdir.
Bu kitab həm uğurlu və xoşbəxt uşaq tərbiyə etmək istə­yən analar üçün dərs vəsaiti rolu oynaya bilər, həm də geniş oxucu kütləsi üçün nəzərdə tutulub.
Müəllif bu kitabda Dr. Willam Sears, Dr. Marta Sears, Aletha S.Solter, Osho, Özgür Bolat, Naom Aldort, Oytun Erbaş, Anat Boniel və başqalarının əsərlərindən tərcümə edərək mənbə kimi istifadə etmişdir.
Bu kitabın ərsəyə gəlməsində ilk oxucularıma – Prof. Raqib Quliyevə, dostlarım Elşad bəyə, Ehtiram bəyə, mənə mənəvi dəstək olmuş oğlum Rəsula, kitabın tərtibindəki əvəz­­­siz köməyinə görə qızım Gülnaza və ailəmə təşəkkür edi­rəm.
Kitabın satışından əldə olunan vəsait ehtiyacı olan, per­spektivli tələbələrin təhsilinə sərf ediləcəkdir.
Anam Rəbiyyə və atam İsmayılın əziz xatirəsinə...

Əsər böyük sosial qrupların psixologiyasının tədqiqinə həsr olunub. Müəllifə görə, izdiham zamanı insanlarda tamam yeni keyfiyyətlər üzə çıxır. Fərd fors-major şüur
qazanır. Bu şüur onu təklikdə heç vaxt azadlıq vermədiyi instinktlərə tabe edir. Kütlə anonimdir. Ona görə məsuliyyət daşımır. Ayrı-ayrılıqda fərdləri həmişə çəkindirən məsuliyyət hissi, izdiham zamanı aradan qalxır. İzdihamda hər bir hiss, hər cür fəaliyyət sirayətedicidir. Belə məqamlarda fərd öz şəxsi maraqlarını kollektiv maraqlara asanlıqla qurban verir. Fərd izdihamda təlqinə də həssas olur. Bu zaman öz iradəsini itirir. Kitab kütləni və geniş sosial qrupları yaxından tanımaq üçün əvəzsiz mənbədir.
Kolin Tippinqin “Radikal Bağışlanma” kitabı insana inciklikdən, qəlbində illərlə saxladığı umu-küsüdən, kin-küdurətdən, özünə yazığı gəlməkdən birdəfəlik azad olmağın həqiqi – praktik yollarını göstərir. Kitabda adı çəkilənlər Kolinin məsləhətləri və göstərişləri sayəsində şəfa tapmış real insanlardır. Bizim fikrimizcə, inciklik, kin, nifrət və sair bu kimi ürək dağlayan hisslər – qəlbimizin, necə deyərlər, “əməliyyat sisteminə” düşmüş viruslardır və bunları mütləq silib atmaq lazımdır ki, həyatımızı kökündən dəyişib əsl “öz”ümüzü tapaq, şəfalanaq, xoşbəxt ola bilək. Həmin “antivirus proqramları”ndan biri də möcüzəvi bacarıqlara sahib olan şəfaçı K.Tippinqin bu kitabıdır.
Kitab Mark Volinnin San-Fransiskodakı İrsi Ailə İnstitutunda tədqiqatlar zamanı aparılmış müşahidələrin ümumiləşdirilmiş nəticələri olmaqla bərabər həyati hadisələrlə də zəngindir. Üçhissəli kitabda Volinn irsi ailə travmalarının nəsildən-nəslə necə keçdiyini, insanlara hansı mənfi təsirlər göstərdiyini və nəticədə ortaya çıxan problemlərlə mübarizə aparmaq yollarını izah edir. Müəllifin fikrincə, uzun müddət həllini tapmayan problemlərə dərmanlar və ənənəvi psixoterapiya üsulları ilə möcüzəvi yanaşma təqdim edən bu kitab sayəsində daxili dilinizə azadlıq verməklə əsl mənliyinizi tamamlayan sehrli cümlələri tapa bilərsiniz. Beləliklə, həyatınızın hansı nöqtəsində dayandığınızı dəqiq müəyyən edə və həyat boyu başqasından şüursuz olaraq miras aldığınız hisslərin fərqinə varmış olarsınız. Birnəfəsə oxuyacağınız kitabın son sətirlərinə çatanda siz də çox güman özünüzə: “Bəs mən haradayam? Kimin hisslərini yaşayıram?” kimi suallar verəcək, artıq xəbərdar olduğunuz həll yolları ilə həyatınızı artıq yüklərdən azad edə biləcəksiniz...
Kitab yaddaşınızı, konsentrasiyanızı, nitq qabiliyyətinizi, düşünmə bacarığınızı və yaradıcılığınızı inkişaf etdirir. Çevik zəkaya sahib olmaq üçün əlve-rişli metod təklif edir. Zehin xəritəsi qeydə alma və planlaşdırma sistemidir. Konseptual düşünən və planlaşdıra bilən hər bir insana kömək etmək məqsədi ilə yaradılıb. O, hər şeyi xatırlamağınıza, parlaq fikirlər yürütməyinizə, təqdimatlar və hesabatlar hazırlamağınıza kömək edir. Sizi şəxsi hədəflərinizə çat-dırmaqla həyatınızı asanlaşdırır. Hətta onu dəyişir. Bu xəritələr beynin sonsuz qaynaqlarına çatmaq, yaxşı qərarlar vermək və duyğuları anlamaq üçün inqilabi addımdır.
Əsər Oshonun canlı auditoriya qarşısındakı söhbətləri əsasında tərtib edilib. Oshonun bütün söhbətləri kitab halında çap edilib. Bundan başqa onun danışıqlarının səs yazılarını da əldə etmək mümkündür. Səs yazılarını və Oshonun bütün arxivini onlayn Osho kitabxanasında əldə etmək mümkündür.
www.osho.com/library

Tövratdakı Dördüncü ehkam bizdən valideynlərimizə hörmət bəsləməyi və onları sevməyi tələb edir ki, uzun bir ömür, – bunun özündə belə, üstüörtülü bir təhdid var, – sürə bilək. Bu dərin hörmət əmri ümumbəşəridir. Valideynlərinin pis rəftarına, zorakılığına, istismarına məruz qalmalarına baxmayaraq, bu ehkama əməl etmək istəyənlər ona ancaq öz həqiqi hisslərini gizlətməklə nail ola bilərlər. Lakin mənəvi yaralarımıza və uşaqlıqdan qalma sağalmamış travmalarımıza əhəmiyyət vermədiyimiz üçün bədənimiz bizi tez-tez ağır xəstəliklər vasitəsilə cəzalandırır. Bütün dünyada məşhurluq qazanmış “Ağıllı uşağın dramı” (Das Drama des begabten Kindes) kitabının müəllifi Alis Miller yeni əsərində ağır xəstəliklərin yaranma səbəblərini izah edir: “Bədənin üsyanı” mənəvi duyğularımız və fiziki olaraq hiss etdiklərimizlə ta uşaqlıqdan hər birimizin iliyinə hopdurulmuş əxlaqi dəyərlərə uyğunlaşmaq üçün hiss etmək istədiklərimiz arasındakı ziddiyyətdən bəhs edir.

Sevdiyiniz insanı çox qısqanırsınız?
Bəs sevginiz uğrunda fədakarlıq edirsiniz?
Sevdiyiniz üçün həmişə nəyəsə dözür, əziyyət çəkir, özünüzü çarəsiz hiss edirsiniz?
Sevgi dözmək, həsr etmək və özünü bu yolda quban vermək deyil. Sevgi olaraq düşündüyünüz hissləri həyatınızdan silməyi bacardığınız zaman yerində cəhdlərinizlə böyüyən bənzərsiz bir xoşbəxtlik, inam və dinclik qalacaq.
Bu mənada “Qoy həyat olduğu kimi gəlsin” kitabı sevginin nə olduğuna dair ipucları verərək sizə, doğru yolu tapmaqda bələdçilik edəcək...

SİZİN AZADLIĞINIZ, SƏRHƏDLƏRİNİZİN GÜCÜ QƏDƏRDİR

Yox Deyə bilməyin Danılmaz Gözəlliyi
“Yox” deyə bilməmək, təbii ki, şəxsiyyət pozuqluğu deyil. Ancaq “yox” deyə bilməyənlər sərhədlərinin pozulmasına icazə verdikləri qədər mənliklərini itirir və bəzi psixoloji problemlər yaşayırlar.
Özünüdərketmə ətraf mühit tərəfindən qəbul edilmə tərziniz, nə olduğunuz və nə olmağınız barədə düşüncələrdir. Mənlik şüuru isə insanın özünü şəxsiyyət kimi tanıması və dərk etməsi prosesindən ibarətdir. Mənlik şüurunun formalaşması üçün aşağıdakılar vacibdir:
  • Özünü tanımaq
  • Cəmiyyət içində münasibət qura bilmək
  • Özünü qəbul etmək
  • Öz-özünə bəs etmək
  • Özünəinamlı olmaq
  • Özünü dərk etmək



Bir çoxumuz üçün “özünü bağışlamaq” tanış anlayış deyil. Halbuki insanın özünə etdiyi ən böyük yaxşılıqlardan biri özünü bağışlamasıdır. Davamlı olaraq uğursuzluqlarını xatırlamaq, səhvlərini görmək, özünü günahlandırmaq insanı ağır stresə salır. İnsan səhv davranışdan sonra özünü nə qədər çox günahlandırarsa, psixoloji cəhətdən bir o qədər zəifləyər. Özünü bağışlamaq fərdin keçmişdə hiss etdiyi və şüuraltının dərinliklərində yatan günahkarlıq duyğusundan qurtulmasıdır.
Əsər insanın günahkarlıq hissi yaradan daxili səslərlə necə danışacağını, müqavimətlərdən necə qurtulacağını, çətinliklərin öhdəsindən necə gələcəyini təcrübələrin köməyi ilə izah edir.

Bir çoxumuz üçün “özünü bağışlamaq” tanış anlayış deyil. Halbuki insanın özünə etdiyi ən böyük yaxşılıqlardan biri özünü bağışlamasıdır. Davamlı olaraq uğursuzluqlarını xatırlamaq, səhvlərini görmək, özünü günahlandırmaq insanı ağır stresə salır. İnsan səhv davranışdan sonra özünü nə qədər çox günahlandırarsa, psixoloji cəhətdən bir o qədər zəifləyər. Özünü bağışlamaq fərdin keçmişdə hiss etdiyi və şüuraltının dərinliklərində yatan günahkarlıq duyğusundan qurtulmasıdır.
Əsər insanın günahkarlıq hissi yaradan daxili səslərlə necə danışacağını, müqavimətlərdən necə qurtulacağını, çətinliklərin öhdəsindən necə gələcəyini təcrübələrin köməyi ilə izah edir.

Heç kimin istədiyi kimi olmaq məcburiyyətində deyilsiniz!
Hisslərinizə və reaksiyalarınıza şübhə edirsiniz. Tez-tez özünüzü təqsirkar və natamam hiss edirsiniz. Qərarlarınızı və hadisələri necə qəbul etdiyinizi şübhə altına alırsınız. Münasibətinizi itirməkdən qorxursunuz. Həmişə üzr istəyən və özünü izah etməyə çalışan sizsiniz. Özünüzə inamınız azalır. Daim narahat olursunuz. “Mən belə deyildim, mənə nə olub?” deyə düşünürsünüz. Əgər belədirsə, deməli, səhnədə tək deyilsiniz. Kimsə sizi bunun belə olduğuna inandıra bilib. Həyatınızın ən güclü olduğunuz sahələrində emosional manipulyasiyaya məruz qaldığınızın fərqinə belə varmaya bilərsiniz. Təqsirkarları uzaqda axtarmayın, manipulyatorlar ən yaxınlarınız, hətta cinayət yerində gəzən qatillər kimi sevdikləriniz ola bilər... Bu kitab sizə məruz qaldığınız emosional manipulyasiyaların fərqinə varmaqda, özünüzü qorumaqda kömək edəcək və sizi yoran hər şeydən xilas olmağınız üçün qapıları açacaq.

Kitab yazıçı Artur Konan Doylun özündən məşhur qəhrəmanı və dünya ədəbiyyatının ən tanınan detektiv obrazı Şerlok Holmsun nümunəsində düşüncələrimizi necə istiqamətləndirməkdən, beyin çardağımızı düzgün doldurmağın yollarından, bizdən xəbərsiz bizə təsir edən zehni faktorlardan, beynimizin qurduğu tələlərdən bəhs edir. Müəllif Şerlok Holmsla bağlı hekayələrə tez-tez istinad edərək problemlərdən çıxış yolu tapmaqdan ötrü beynimizin düzgün qərar verməsi üçün onu necə formalaşdırmağı bizə öyrədir. Maria Konnikova ətraf mühitin, təhtəlşüurun, qərəzin bizim düşüncəmizə və deduksiyamıza necə təsir etdiyini mükəmməl nümunələr əsasında göstərməklə yanaşı, təxəyyülün misilsiz rolundan da məharətlə bəhs edir.

Kitabda müəllif depressiyanın öhdəsindən gəlmək üçün özünün uğur qazanmış məşhur ideyalarını daha da genişləndirir. Əslində, bizim iki beynimiz var: üst və alt şüurun yerləşdiyi beyin. Bir çox qərarlarımız alt şüurumuzdan qaynaqlanır. Kitab diqqət yayınmaları, nəfsə qalib gəlmək, refleksiv qərarların qəbulu və özünü sabotajın qarşısını almaqda bizə yardımçı olur. İnsanı məhv edən vərdişlərə qarşı yol xəritəsi təklif edir. Bu vərdişlərin arasında işləri təxirə salma, həddən artıq narahatlıq, internet aludəçiliyi, çox yemək, aşırı risk etmək, özünümüalicə və sair var. Müəllifin sistemi ilə yeni, daha uğurlu və xoşbəxt həyat qura bilərik. Yeni bacarıq və vərdişlər qazanarıq. Məsələn, şüurluluq, özünənəzarət, qorxulara qarşı müqavimət, özünü əsassız günahlandırmadan qaçmaq və s.

Kitab otuz ildən artıq liderlik təcrübəsinə əsasən qələmə alınıb. Müəllif karyerası boyu əldə etdiyi uğurlarla yanaşı, öz səhvlərindən də əxz etdiyi fikirləri bölüşür. Onları biznes, siyasət, idman, din və hərbi münaqişə sferalarında apardığı müşahidələrlə birləşdirərək zənginləşdirir. Liderlik qabiliyyəti irsi deyil. O yalnız öyrənilə bilər. Əgər liderliyin universal prinsiplərini mənimsəsəniz, siz də dünyanı lərzəyə gətirən dahi liderlərdən birinə çevrilərsiniz.
Kitab bir-birindən maraqlı və uğurlu liderlərin real hekayələrini nəql edir. Beləliklə, sizi məqsədinizə doğru ilhamlandırır. İçinizdə yatan gizli potensialı aşkarlamaqda sizə kömək edir. Nəticədə həyat tərzinizi dəyişdirir. Ən əsası, bu qaydalar aydın və sadə dildə xarakterizə edilir. Üstəlik, onların ailədə, cəmiyyətdə, işdə, bir sözlə, istənilən sahədə tətbiqi üçün konkret addımlar da təklif olunur.
Qaydaları müfəssəl izah edən hər fəslin sonunda tapşırıqlar yer alır. Onları yerinə yetirməklə özünüzü sınaya bilərsiniz.
“Şüuraltının gücü” kitabında Cozef Mörfi şüuraltına təsir üçün çoxsaylı sadə metodlar göstərir. Əgər onları düzgün tətbiq etsəniz, bu sizə şüuraltı problemi yaranarkən düzgün həll yolunu tapmağa, yüksək əxlaqi dəyərlər qazanmağa və pis vərdişlərdən xilas olmağa kömək edəcək.
Kitab bütün yaşlardan olan geniş oxucu çevrəsi, xüsusən də gənc nəsil üçün nəzərdə tutulub.

Abunə Ol